ຫຼວງພະບາງ: ທ່ານດຣ ທອງພຸດ ສຸກກະເສີມ ອຳນວຍການໂຮງໝໍ ແຂວງຫລວງພະບາງ ໄດ້ຕາງໜ້າ ຄະນະສະເພາະກິດເພື່ອ ປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ຖະແຫຼງຂ່າວປະຈໍາວັນທີ 19 ຕຸລາ 2021 ນີ້ ກ່ຽວກັບສະພາບການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໃນແຂວງຫຼວງພະບາງ ທ່ານກ່າວວ່າ:
ຄັ້ງວັນທີ 18 ຕຸລາ 2021 ແຂວງຫຼວງພະບາງກວດພົບຜູ້ຕິດເຊື້ອໃໝ່ 72 ກໍລະນິ, ໃນນີ້ ນະຄອນຫຼວງ ພະບາງ 41 ກໍລະນີ, ເມືອງປາກອູ 22 ກໍລະນີ, ເມືອງ ວຽງຄຳ 2 ກໍລະນີ, ເມືອງງອຍ 5 ກໍລະນີ ແລະເມືອງນ້ຳບາກ 2 ກໍລະນີ, ເຮັດໃຫ້ຈຳນວນ ຜູ້ຕິດເຊື້ອສະສົມມີທັງໝົດ 1,945 ຄົນ, ປີ່ນປົວຫາຍດີ 347 ກໍລະນີ, ສືບຕໍ່ປີ່ນປົວຢູ່ 1.593 ກໍລະນີ, ເສຍຊີວິດໃໝ່ 1 ຄົນ, ລວມຜູ້ເສຍຊີວິດສະສົມມາເຖີງປັດຈຸບັນມີ 2 ຄົນ,
ສຳລັບ ຜູ້ເສຍຊີວິດໃໝ່ແມ່ນ ເພດຍີງ, ອາຍຸ 51 ປີ, ສັນຊາດລາວ, ອາຊີບແມ່ເຮືອນ, ຢູ່ບ້ານໂພນໄຊ ຫຼື ບ້ານປາກມູດ, ນະຄອນ ຫຼວງພະບາງ ພາຍຫຼັງກວດພົບວ່າຕິດເຊື້ອພະຍາດໂຄວິດ-19 ໄດ້ເຂົ້າປີ່ນປົວຢູ່ໂຮງໝໍແຂວງ ໃນວັນທີ 12 ຕຸລາ 2021 ແລະເສຍຊີວິດໃນວັນທີ 18 ຕຸລາ 2021 ປະຫວັດຜ່ານມາຄົນເຈັບມີພະຍາດປະຈໍາຕົວເປັນເບົາຫວານ ແລະໄຂ່ຫຼັງຊຸດໂຊມໄລຍະສຸດທ້າຍ.
ສ່ວນຜູ້ທີ່ 1 ທີ່ເສຍຊິວິດ ວັນທີ 12 ຕຸລາ 2021 ຄົນເຈັບເສຍຊີວິດ ເປັນເພດຊາຍອາຍຸ 60 ປີ ສັນຊາດລາວ, ອາຊີບປະຊາຊົນ, ບ້ານນາຫຼວງ ນະຄອນ ຫຼວງພະບາງ ເຂົ້າປີ່ນປົວຢູ່ໂຮງໝໍແຂວງວັນທີ່ 10 ຕຸລາ 2021 ເວລາ 20 ໂມງ 40 ນາທີ, ສາເຫດເຂົ້າໂຮງໝໍ ແມ່ນຕິດເຊື້ອພະຍາດໂຄວິດ-19 ປະ ຫວັດຜ່ານມາ ຄົນເຈັບມີພະຍາດປະຈໍາຕົວຫຼາຍຢ່າງເຊັ່ນ: ຄວາມດັນເລືອດສູງ, ເສັ້ນເລືອດສະໝອງຕິບຕັນ, ອໍາມະ ພຶກອໍາມະພາດ, ລ່ອຍແຂນຂາເບື້ອງຊ້າຍ ເຮັດໃຫ້ຄົນເຈັບເສຍຊີວິດໃນວັນທີ່ 12 ຕຸລາ 2021 ເວລາ 24 ໂມງ 00 ນາທີ
