ລາຍງານການຄົ້ນຫາ ຜູ້ສູນຫາຍ ເຫດເຮືອຕໍ່ກັນແລ້ວຫຼົ້ມ ທີ່ເມືອງລ່ອງແຈ້ງ ຮອດເຊົ້າວັນທີ 18 ຕຸລາ 2021 ສາມາດພົບເຫັນ ທັງ 5 ສົບທີ່ສູນຫາຍ ແລ້ວ.
ໂດຍໃນວັນທີ່ 17 ຕຸລາ 2021 ເວລາປະມານ 6 ໂມງ ຕອນເຊົ້າ ການຈັດຕັ້ງຂັ້ນເມືອງ,ອ້າຍນ້ອງທະຫານກອງພັນ468,ການຈັດຕັ້ງທຸກພາກສ່ວນຂອງບ້ານ ແລະ ຍາດພີ້ນ້ອງ ໄດ້ຄົ້ນພົບເຫັນ 2 ສົບ ຟູຂຶ້ນມາໜ້ານ້ຳ
ມີ ສົບ ນາງ ວຽງ ອາຍຸ 55 ປີ ຜູ້ເປັນແມ່ດອງ ພົບເຫັນໄກຈາກຈຸດເກີດເຫດປະມານ 20 ແມັດ ແລະ ສົບ ນາງ ສອນ ອາຍຸ 21 ປີ ເປັນລູກໄພ ພົບເຫັນໄກຈາກຈຸດເກີດເຫດປະມານ 200 ກວ່າແມັດ ,
ຕອນແລງຂອງມື້ດຽວກັນພົບເຫັນ ສົບ ທ້າວ ທອງພັນ ອາຍຸ 63 ປີ ຜູ້ເປັນພໍ່ ແລະ ນາງ ເດັກ ອາຍຸ 28 ປີ ຜູ້ເປັນລູກ ຟູຂື້ນມາ ຢູ່ຈຸດເຮືອຫຼົ້ມ ແລະ ຕອນເຊົ້າ ມື້ນີ້ 18 ຕຸລາ 2021 ເປັນມື້ທີ່ 5 ຈາກການເກີດອຸບັດຕິເຫດເຮືອຫຼົ້ມໃນວັນທີ 13 ຕຸລາ 2021 ຜ່ານມາ ໄດ້ພົບເຫັນອີກ 1ສົບ ສຸດທ້າຍ ຄື ທ້າວ ດວງ ອາຍຸ 22 ປີ ຊື່ງພົບເຫັນໄກຈາກຈຸດເກີດເຫດ ປະມານ100ກວ່າແມັດ
ທັງໝົດການຈັດຕັ້ງບ້ານ,ຍາດຕິພີ້ນ້ອງ ແລະ ທຸກພາກສ່ວນທີ່ເຂົ້າຮ່ວມ ໄດ້ເຮັດພິທີຮີດຄອງທາງສາສະໜາຢູ່ທີ່ແຄມອ່າງນ້ຳໄຜ່ໃກ້ຈຸດເກີດເຫດເປັນທີ່ຮຽບຮ້ອຍແລ້ວ ທ້າຍນີ້ຂໍ ສະແດງຄວາມເສົ້າສະຫຼົດໃຈເສຍໃຈມາຍັງຄອບຄົວຍາດພີ້ນ້ອງຜູ້ເສຍຊີວີດດ້ວຍ.
ຂ່າວກ່ອນໜ້ານີ້
ລາຍງານຈາກ ເຫດເຮືອຫຼົ້ມທີ່ອ່າງນ້ຳໄຜ່ ເມືອງລ້ອງແຈ້ງ, ແຂວງໄຊສົມບູນຕັ້ງແຕ່ແລງວັນທີ 13 ຕຸລາ 2021, ມາຮອດ ຕອນເຊົ້າວັນທີ 17 ຕຸລາ 2021 ເວລາ 07:00 ພົບຜູ້ສູນຫາຍແລ້ວຈຳນວນ 2 ສົບ, ຍັງ 3 ທີ່ຍັງບໍ່ເຫັນ.
.
ລາຍງານໂດຍ: ສ’ ສົມຈິງ ໄຊອຸດົມ
ຂ່າວກ່ອນໜ້ານີ້
ລາຍງານຈາກປະຊາຊົນໃຫ້ຮູ້ວ່າ ໃນແລງວັນທີ 13 ຕຸລາ 2021 ເວລາປະມານ 17:30 ນາທີ ເກີດເຫດ ເຮືອຫຼົ້ມທີ່ອ່າງນໍ້າໄຜ່, ບ້ານໜອງພູນໄຊ, ເມືອງລ່ອງແຈ້ງແຂວງໄຊສົມບູນ. ເຊິ່ງຂໍ້ມູນເບື້ອງຕົນ ແຈ້ງໃຫ້ຮູ້ວ່າມີຜູ້ສູນຫາຍ 5 ຄົນ. ປະຈຸບັນທາງເຈົ້າໜ້າທີ່ກ່ຽວຂ້ອງ ແລະ ປະຊາຊົນ ແມ່ນພາກັນຄົ້ນຫາ.
ນີ້ເປັນເຫດການທີ່ເສົ້າໃຈ ເນື່ອງຈາກອ່າງນໍ້າມີຄວາມເລິກ ແລະ ການຄົ້ນຫາ ບໍ່ທັນມີອຸປະກອນທີ່ສາມາດ ດໍາລົງໄປຊອກຫາຜູ້ສູນຫາຍໄດ້ຢ່າງທັນເວລາ, ຄົງຕ້ອງໄດ້ ຖ້າອີກສອງສາມວັນຈົນກວ່າສົບຜູ້ສູນຫາຍຈະຟູຂຶ້ນມາເອງ.
.
ໃນຕອນແລງຂອງວັນທີ 13 ຕຸລາ 2021 ຜ່ານນີ້, ເວລາປະມານ 17:00 ໂມງ ໄດ້ເກີດອຸບັດຕິເຫດເຮືອຫລົ້ມ ຢູ່ທີ່ອ່າງນໍ້າໄຜ່ ບ້ານໜອງພູນໄຊ ເມືອງລ້ອງແຈ້ງ ແຂວງໄຊສົມບູນ ຈຳນວນ 2 ລຳ ທີ່ກັບຈາກການກ່ຽວເຂົ້າທີ່ຂີ່ໄລ່ກົ້ນກັນມາ ມີຈຳນວນຄົນຢູ່ພາຍໃນເຮືອທັງໝົດ 19 ຄົນ, ເປັນປະຊາຊົນບ້ານໜອງພູນໄຊ ເມືອງລ້ອງແຈ້ງ. ໄດ້ເກີດອຸປະຕິເຫດເຮືອຕຳກັນ ສາເຫດຍ້ອນຈັກເຮືອຂັດຂ້ອງ ເຮັດໃຫ້ເຮືອຫລົ້ມທັງ 2 ລຳ.
ເຊິ່ງໃນນັ້ນມີຜູ້ສູນຫາຍຈຳນວນ 5 ຄົນ, ຍິງ 3 ຄົນ ເຊິ່ງມີລາຍຊື່ດັ່ງນີ້: ທ. ທອງພັນ ອາຍຸ 63 ປີ, ນ. ວຽງ ອາຍຸ 55 ປີ, ນ. ສອນ ອາຍຸ 21 ປີ, ທ. ດວງ ອາຍຸ 22 ປີ, ນ. ເດັກ ອາຍຸ 28 ປີ. ສວ່ນອີກ 14 ຄົນແມ່ນສາມາດລ່ອຍນໍ້າເຂົ້າຝັ່ງໄດ້.
ຈຸດເກີດເຫດແມ່ນຫ່າງຈາກຝັ່ງປະມານ 100 ກວ່າແມັດ, ເລິກ 25 ແມັດ, ຕອນນີ້ຍັງບໍ່ທັນພົບຜູ້ສູນຫາຍທັງ 5 ຄົນ. ສະນັ້ນ ຈຶ່ງແຈ້ງມາຍັງທຸກພາກສ່ວນເພື່ອຮັບຮູ້ ແລະ ຂໍຄວາມຊ່ວຍເຫຼືອຈາກພາກສ່ວນທີ່ກ່ຽວຂ້ອງ ໃນການຊອກຄົ້ນກອບກູ້ເອົາຜູ້ສູນຫາຍ ແລະ ຊ່ວຍເຫຼືອຄອບຄົວທີ່ຖືກເຄາະຮ້າຍໃນຄັ້ງນີ້ດ້ວຍ
ຂໍ້ມູນຈາກ
