ພິທີມອບເງິນ ຈຳນວນ 300 ລ້ານກີບ ໃຫ້ພຣະສົງ ສາມະເນນ ວັດປ່າຜາໂອ ນະຄອນຫລວງພຣະບາງ ໂດຍຜ່ານສູນກາງແນວລາວສ້າງຊາດ ເພື່ອແກ້ໄຂບັນຫາທີຈຳເປັນໃນໄລຍະການແຜ່ລະບາດຂອງພະຍາດໂຄວິດ-19 ທີສຳນັກງານສູນກາງແນວລາວສ້າງຊາດ ໃນຕອນແລງເວລາ 18:00 ໂມງ ຂອງວັນທີ 18/10/2021
ໂດຍມີສັກຂີພິຍານຈາກທາງຄະນະສົງ ໂດຍ ພຣະຫຼັກແກ້ວມະຫາສຸເມທາທິບໍດີ ບຸນມາ ສິມມາພົມ ຮັກສາການປະທານສູນກາງ ອ.ພ.ສ ພຣະອາຈານ ພຸດທະສອນ ອ່ອນອົງສາ ປະທານທີ່ປຶກສາຝ່າຍສົງ ມູນນິທີຊ່ອຍເຫລືອຄົນທຸກຍາກ ແຫ່ງ ສ.ປ.ປ.ລາວ ແລະຝ່າຍຄາຣາວາດ ໂດຍ ທ່ານສິລະວົງ ຄຸດໄພທູນ ປະທານແນວລາວສ້າງຊາດ ແມ່ປ້ານາລີ ສີສຸລິດ ພັນລະຍາປະທານປະເທດແຫ່ງ ສ.ປ.ປ.ລາວ.
.
ໂຄງການນີ້ເປັນການຊ່ອຍເຫລືອພຣະສົງ-ສາມະເນນ ຂອງວັດປ່າຜາໂອ ນະຄອນຫລວງພຣະບາງ ທີໄດ້ຮັບຜົນກະທົບຈາກໂຄວິດ ແລະເປັນວັດແດງ ຈຶ່ງເຮັດໃຫ້ບັນດາພຣະສົງ ແລະສາມະເນນທັງຫລາຍ ຖືກກັກບໍລິເວນ ຈຳນວນ 500 ອົງ.
ດັ່ງນັ້ນ ມູນນິທີຈຶ່ງມີການລະດົມທຶນໂດຍການໂຄສະນາຜ່ານສື່ສານມວນຊົນ ໃຫ້ຜູ້ມີສັດທາທັງຫລາຍ ຊ່ອຍບໍລິຈາກ ໂດຍໃຫ້ໂອນເງິນຊ່ອຍຜ່ານບັນຊີຂອງວັດປ່າຜາໂອ
ຂໍສ່ວນບຸນກຸສົນທັງຫລາຍ ທີເປັນຂອງທານແກ້ວ ທານທິບນີ້ ຈົ່ງເປັນບຸນບາຣິມີ ຂໍໃຫ້ທ່ານທັງຫລາຍຈົ່ງບັງເກີດມີແຕ່ຄວາມສຸຂ ຄວາມຈະເຣີນ ເປັນເປັນສິ່ງກັ້ງເປັນສິ່ງບັງໄພອັນຕະລາຍ ໂຣຄາພະຍາດຕ່າງໆ ບໍ່ໃຫ້ມາໃກ້ ນັ້ນເທີ້ນ…
