ເມື່ອບໍ່ດົນມານີ້, ຄອບຄົວການນໍາ ແລະ ສະມາຄົມແບ່ງປັນນໍ້າໃຈ ພາຍໃນແຂວງອັດຕະປື ໄດ້ ນໍາເອົາເຄື່ອງຊ່ວຍເຫຼືອ ປະກອບມີ ນ້ຳດື່ມ 100 ແກັດ, ສະບູກ້ອນ 3 ແກັດ ລວມມູນຄ່າ 4.500.000 ກີບ ໄປມອບໃຫ້ພະນັກງານັກຮົບທີ່ພວມປະຕິບັດໜ້າທີ່ຫັດແອບ ຢູ່ສະໜາມຝຶກຊ້ອມຂອງແຂວງ.
ຕາງໜ້າໃຫ້ຄອບຄົວການນໍາ ແລະ ສະມາຄົມແບ່ງປັນນໍ້າໃຈ ກ່າວມອບໂດຍທ່ານນາງ ຂັນແກ້ວ ໄຊຍະພອນ ແລະ ຮັບໂດຍສະຫາຍ ພັອ ສິນສຸກ ແສງຄໍາສິງ ຄະນະພັກກອງບັນຊາການ ຫົວໜ້າຫ້ອງ ເສນາທິ ການທະຫານແຂວງອັດຕະປື, ພ້ອມທັງໄດ້ສະແດງຄວາມຂອບໃຈ ແລະ ສະແດງຄວາມຮູ້ ບຸນຄຸນອັນລົ້ນເຫຼືອມາຍັງຄອບຄົວການນໍາຂອງແຂວງ ແລະ ສະມາຄົມແບ່ງປັນນໍ້າໃຈ ທີ່ໄດ້ປຸກລະ ດົມຂົນຂວາຍເຄື່ອງມາຊ່ວຍເຫຼືອ ໃຫ້ພະນັກງານ-ນັກຮົບ ທີ່ກໍາລັງຫັດແອບ-ຮ່ໍາຮຽນ ຊຶ່ງການຊ່ວຍເຫຼືອ ຄັ້ງນີ້, ໄດ້ເຮັດໃຫ້ອ້າຍນ້ອງທະຫານໄດ້ມີກໍາລັງແຮງໃຈ ທີ່ອົດທົນຜ່ານຜ່າ, ເອົາໃຈໃສ່ຕໍ່ການຝຶກແອບໃຫ້ມີ ຜົນສໍາເລັດຕາມຄາດໝາຍທີ່ວາງໄວ້ .
ຂ່າວ: ພຸດສະໄໝ ກອງບັນຊາ ປກຊ ແຂວງອັດຕະປື
