ທ່ານ ລັດສະໝີ ຄໍາຜຸຍ, ທ່ານນາງ ອຸທາກີ ຈຸລະມານີ ຄຳຜຸຍ ພ້ອມດ້ວຍຄອບຄົວ, ພີ່ນ້ອງ ແລະ ໝູ່ ເພື່ອນໄດ້ຮ່ວມທຶນກັນຊື້ອຸປະກອນການແພດຄື: ເຄື່ອງຊ່ວຍຫາຍໃຈເດັກເກີດໃໝ່ຈໍານວນ 2 ເຄື່ອງ ມູນຄ່າ 40 ລ້ານກີບ ມອບໃຫ້ໂຮງໝໍແມ່ ແລະ ເດັກເກີດໃໝ່ສູນກາງ ໃນວັນທີ 4 ມີນານີ້ ທີ່ໂຮງ ໝໍດັ່ງກ່າວ.
ກ່າວມອບໂດຍທ່ານ ນາງ ສິນິພາ ຄໍາຜຸຍ ແລະ ກ່າວຮັບໂດຍທ່ານ ສີວັນໄຊ ຈັນທະວົງສັກ ຜູ້ອໍານວຍ ການໂຮງໝໍແມ່ ແລະ ເດັກເກີດໃໝ່, ມີບັນດາພະນັກງານແພດໝໍ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ເຄື່ອງທີ່ນໍາມາມອບຄັ້ງນີ້ເພື່ອປະກອບສ່ວນຊ່ວຍຊີບເດັກເກີດໃໝ່ ໂດຍສະເພາະເດັກເກີດໃໝ່ທີ່ບໍ່ ຖ້ວນເດືອນ (ບໍ່ເຕັມເດືອນ), ນອກຈາກນີ້ທ່ານ ນາງ ອຸທາກີ ຈຸລະມານີ ຄຳຜຸຍ ຍັງໄດ້ມອບຕົ້ນຈຳປາ ຈໍາ ນວນ 20 ຕົ້ນຈາກສວນຈໍາປາມົງຄົນ ຊຶ່ງເປັນສວນຈໍາປານາໆຊາດຈາກທົ່ວໂລກ ມູນຄ່າ 5 ແສນກີບ ໃຫ້ໂຮງ ໝໍດັ່ງດ່າວເພື່ອປູກຢູ່ໂຮງໝໍແມ່ ແລະ ເດັກເກີດໃໝ່ສູນກາງຕື່ມອີກ.
ພາບ-ຂ່າວ: ບຸນອູ້ມ • ປະຊາຊົນ
