ກົດຕິດຕາມເພຈ ປະກາດ Pakaad

ກອງປະຊຸມໃຫຍ່ຄັ້ງທີ X ຂອງສະຫະພັນແມ່ຍິງແຂວງສະຫວັນນະເຂດ ໄດ້ຈັດຂຶ້ນແລະສໍາເລັດລົງໃນວັນທີ25ສິງຫາ 2020 ທີ່ຫ້ອງປະະຊຸມຫ້ອງວ່າການປົກຄອງແຂວງ ໂດຍເປັນປະທານຂອງທ່ານນາງ ສີສະຫວັດ ໂຄດທະວົງສາ ປະທານ ສະຫະພັນແມ່ຍິງແຂວງ,ກຳມະການພັກແຂວງ,ຄະນະບໍລິຫານສູນກາງສະຫະພັນແມ່ຍິງລາວ,

ເຂົ້າຮ່ວມມີ ທ່ານນາງ ອິນລະວັນ ແກ້ວບຸນພັນ ກໍາມະການສູນກາງພັກປະທານຄະນະບໍລິຫານງານສະຫະພັນແມ່ຍິງລາວ,ທ່ານ ປອ ໂພໄຊ ໄຊຍະສອນ ກຳມະການສຳຮອງສູນກາງພັກ ຮອງເຈົ້າແຂວງໆສະຫວັນນະເຂດ,ມີ ປະທານແນວລາວສ້າງຊາດແຂວງ,ມີບັນດາ ທ່ານຄະນະພັກປະຈຳພັກເມືອງ,ຄະນະພັກພະແນກການອ້ອມຂ້າງ,ພະນັກງານອາວຸໂສບຳນານ,ນັກທຸລະກິດຍິງ-ຊາຍ,ຕະຫຼອດຮອດສະມາຊິກແມ່ຍິງໃນທົ່ວແຂວງ,ແຂກຖືກເຊີນເຂົ້າຮ່ວມ.

ໃນພິທີຄະນະຜູ້ແທນທີ່ເຂົ້າຮ່ວມກອງປະຊຸມກໍ່ໄດ້ຮັບຟັງການຜ່ານບົດສະຫຼຸບຕີລາຄາຜົນການຈັດຕັ້ງປະຕິບັດມະຕິກອງປະຊຸມໃຫ່ຍຜູ້ແທນແມ່ຍິງແຂວງຄັ້ງທີIXໄລຍະ 05ປີຜ່ານມາແລະທິດທາງວຽກງານຂອງສະຫະພັນແມ່ຍິງແຂວງໄລຍະ05ປີຕໍ່ໜ້າ ໂດຍສັງເຂບ ແລະໃນໂອກາດດຽວກັນ ຄະນະຜູ້ແທນຈໍານວນ 195ສະຫາຍກໍ່ໄດ້ໃຊ້ສິດປະຊາທິປະໄຕຂອງຕົນຢ່າງເຕັມສ່ວນ ເພື່ອປ່ອນບັດຄັດເລືອກ ເອົາຜູ້ທີ່ມີມາດຖານເງື່ອນໄຂຄົບຖ້ວນມາເປັນຄະນະບໍລິຫານງານ ສະຫະພັນແມ່ຍິງແຂວງສະຫວັນນະເຂດ ຊຸດໃໝ່ ເຊິ່ງໃນນີ້ມີຜູ້ລົງສະໝັກເລືອກຕັ້ງຈຳນວນ 42 ສະຫາຍ ເລືອກເອົາ 37 ສະຫາຍ ,

ຜົນການຄັດເລືອກແລະຮອບກອງປະຊຸມຄັ້ງປະຖົມມະລຶກ ເຫັນດີເລືອກເອົາ ທ່ານ ນາງ ສີສະຫວັດ ໂຄດທະວົງສາ ເປັນປະທານ, ທ່ານນາງ ວຽງສະໝອນ ພະທິທັກ ຮອງປະທານ ທັງເປັນປະທານກວດກາ,ທ່ານນາງ ແກ້ວພອນ ເກດຕະວົງ ເປັນຮອງ,ທ່ານນາງ ສົມຫວັງ ລຳພູວົງ ເປັນຮອງ ແລະ ທ່ານນາງ ເພັດອຸດອນ ອາດສະຜັນທອງ ເປັນຮອງປະທານກວດກາ ແລະ ອີກ 32 ສະຫາຍ ເປັນກຳມະການຄະນະບໍລິຫານງານສະຫະພັນແມ່ຍິງແຂວງ.

ກົດຕິດຕາມເພຈ ປະກາດ Pakaad