ທູດລັດເຊຍປຶກສາຫາລືກັບກະຊວງສາທາລະນະສຸກ ການຮ່ວມມືທາງການແພດ ໂດຍສະເພາະການກັນພະຍາດໂຄວິດ-19
ທ່ານ ຮສ. ດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະຫ້ອງການ, ກົມ, ກອງ ແລະ ອຳນວຍການໂຮງໝໍມິດຕະພາບ ໄດ້ປຶກສາຫາລືກັບ ທ່ານ ເອັກອັກຄະລັດຖະທູດສະຫະພັນລັດເຊຍ ປະຈຳລາວ ໃນການຮ່ວມມືທາງການແພດລະຫ່ວາງສອງປະເທດໂດຍສະເພາະແມ່ນການກັນ ແລະ ຄວບຄຸມພະຍາດໂຄວິດ-19 ທັງ 2 ຝ່າຍຍັງໄດ້ປຶກສາຫາລື, ວາງແຜນການຮ່ວມມື ແລະ ການພັດທະນາທາງການແພດ ໃນ 03 ຢ່າງຄື:
1. ຈະປັບປຸງຍົກລະດັບບຸກຄະລາກອນ ແລະ ເຄື່ອງມືອຸປະກອນການແພດຂອງໂຮງໝໍມິດຕະພາບໃຫ້ດີຂື້ນເພື່ອຮັບໃຊ້ປະຊາຊົນບັນດາເຜົ່າ;
2. ຊ່ຽວຊານທັງ 2 ຝ່າຍຈະຮ່ວມມືກັນໃນການຄວາມຄຸມ ແລະ ກັນພະຍາດໂຄວິດ-19;
3. ປະເທດສະຫະພັນລັດເຊຍຈະຊ່ວຍສ້າງບຸກຄະລາກອນ ແລະ ໂຮງງານຜະລິດຢາວັກຊິນກັນພະຍາດໂວຄິດ-19 ໃຫ້ ສາມາດຜະລິດ ແລະ ນຳໃຊ້ໄດ້ເອງໃນຕໍ່ໜ້າ.
