ກົດຕິດຕາມເພຈ ປະກາດ Pakaad

ປະຊາຊົນຄອບຄົວທຸກຍາກຈຳນວນ 35 ຄອບຄົວຂອງບ້ານຫີນແຮ່ ເມືອງໂພນທອງ ໄດ້ຮັບເຄືອງຊວ່ຍເຫຼືອບັນເທົາທຸກ

ໃນວັນທີ 28 ກັນຍາປີ 2020 ປະຊາຊົນຄອບຄົວທຸກຍາກຈຳນວນ 35 ຄອບຄົວ ຂອງບ້ານຫີນແຮ່ ເມືອງໂພນທອງ ໄດ້ຮັບເຄືອງຊວ່ຍເຫຼືອບັນເທົາທຸກຈາກໂຄງການກອງທືນ ຫຼຸດຜ່ອນຄວາມທຸກຍາກ (ທລຍ)ຂັ້ນສູນກາງ ຕ່າງຫນ້າໂດຍ ທ່ານ ຕຸ້ຍ ໂພລາວັນ ຫົວໜ້າ ໂຄງການ ທລຍ ປະຈຳແຂວງຫລວງພະບາງ ພ້ອມດ້ວຍທີມງານ ແລະ ທ່ານ ພູມີ ແກ້ວວັນດີ ຫົວຫນ້າຫ້ອງການກະສິກຳ ແລະ ປ່າໄມ້ເມືອງ,ຕ່າງຫນ້າຫ້ອງວ່າການເມືອງ, ພ້ອມດ້ວຍທິມງານໂຄງການ ທລຍ ປະຈຳເມືອງໂພນທອງ , ຕະຫຼອດຮອດຂະແໜງການທີ່ກ່ຽວຂ້ອງຂອງເມືອງເຂົ້າຮ່ວມເປັນສັກຂີພິຍານ,

ເຄື່ອງທີນຳມາມອບໃນຄັ້ງນີ້ ປະກອບມີ ເຄືອງນຸ່ງຮົມ 35 ຖົງ, ປື້ມຂຽນ 100 ຫົວ, ບິກ 50 ກ້ານ, ສໍດຳ 144 ກ້ານ ລວມມູນຄ່າປະມານ 3,500,000 ກີບ ໂດຍມອບໃຫ້ຄອບຄົວທຸກຍາກ ແລະນັກຮຽນໃນຮຽນປະຖົມສົມບູນພາຍໃນບ້ານ, ກ່າວມອບໂດຍແມ່ນ ທ່ານ ຕຸ້ຍ ໂພລາວັນ ຫົວໜ້າ ໂຄງການ ທລຍ ແຂວງ ຮັບໂດຍຕາງໜ້າອົງການປົກຄອງບ້ານຫີນແຮ່

ໂອກາດນີ້ ອົງການປົກຄອງບ້ານຫີນແຮ່ ໄດ້ສະແດງຄວາມຂອບໃຈ ຕໍ່ໂຄງການກອງທຶນຫລຸດຜ່ອນຄວາມທຸກຍາກຂັ້ນສູນກາງ ແລະ ທລຍ ປະຈຳແຂວງຫຼວງພະບາງ ທລຍເມືອງໂພນທອງ ທີໄດ້ນຳເອົາວັດຖຸ ອຸປະກອນ ແລະເຄື່ອງນຸ່ງຮົ່ມ ມາຊ່ວຍເຫລືອໃຫ້ແກ່ປະຊາຊົນຄອບຄົວທຸກຍາກ ຈຳນວນ 35 ຄອບຄົວ ເຊີ່ງເຄືອງທີໄດ້ຮັບຄັ້ງນີ້ ຈະນຳໄປແຈກຍາຍໃຫ້ປະຊາຊົນຜູ້ທຸກຍາກ ແລະນັກຮຽນຢ່າງທົ່ວເຖິງ.



ຂ່າວ: ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ

ກົດຕິດຕາມເພຈ ປະກາດ Pakaad