ກົດຕິດຕາມເພຈ ປະກາດ Pakaad

ໄຊຍະບູລີ: ພະແນກແຜນການ ແລະ ການລົງທຶນແຂວງໄຊຍະບູລີ ໄດ້ມອບອຸປະກອນການຮຽນ-ການສອນ ແລະ ອຸປະກອນເຄື່ອງຕັດຫຍ້າ ຈຳນວນ 1 ເຄື່ອງ ລວມມູນຄ່າທັງໝົດ 5 ລ້ານກວ່າກີບ ໃຫ້ແກ່ໂຮງຮຽນ ມຕົ້ນ ສົງ ເມືອງຫົງສາ ແຂວງໄຊຍະບູລີ ເຊິ່ງຕາງໜ້າມອບໂດຍ ທ່ານ ພູວັງ ກອງຊັບ ຮອງຫົວໜ້າ ພະແນກແຜນການ ແລະ ການລົງທຶນແຂວງໄຊຍະບູລີ, ຫົວໜ້າຫ້ອງການ ກອງເລຂາຄະນະກໍາມະການຄຸ້ມຄອງ ແລະ ນໍາໃຊ້ເງິນທຶນພັດທະນາຊຸມຊົນ ໂຄງການໄຟຟ້າພະລັງງານຄວາມຮ້ອນຫົງສາ ແລະ ກ່າວຮັບໂດຍ ພະອາຈານ ສົມພອນ ຄຳຈະເລີນ ຜູ້ອຳນວຍການ ໂຮງຮຽນ ມຕົ້ນ ສົງ ເມືອງຫົງສາ.

ໃນໂອກາດນີ້, ພະອາຈານ ສົມພອນ ຄຳຈະເລີນ ກໍໄດ້ກ່າວສະແດງຄວາມຂອບອົກຂອບໃຈ ແລະ ຮູ້ບຸນຄຸນມາຍັງພະແນກແຜນການ ແລະ ການລົງທຶນແຂວງໄຊຍະບູລີ ແລະ ຈະນຳເອົາເຄື່ອງ ອຸປະກອນດັ່ງກ່າວນີ້ ໄປຮັບໃຊ້ເຂົ້າໃນວຽກງານການຮຽນ-ການສອນ ໃຫ້ເກີດດອກອອກຜົນໃນຕໍ່ໜ້າ ແລະ ດີຂຶ້ນເທື່ອລະກ້າວ.

ກົດຕິດຕາມເພຈ ປະກາດ Pakaad