ຄຳສັ່ງ! ຫ້າມບຸກລຸກ ແລະ ຫາກິນ ໃນເຂດປ່າສະຫງວນແຫ່ງຊາດ ພູພະນັງ ພູເຂົາຄວາຍ

ເຈົ້າຄອງນະຄອນອອກຄຳສັ່ງ! ຫ້າມບຸກລຸກ ແລະ ຫາກິນ ໃນເຂດປ່າສະຫງວນແຫ່ງຊາດ ພູພະນັງ ພູເຂົາຄວາຍ.

ເຈົ້າຄອງນະຄອນຫຼວງວຽງຈັນ ໄດ້ອອກຄຳສັ່ງເລກທີ 013/ຈນວ ລົງວັນທີ 18 ສິງຫາ 2021 ວ່າດ້ວຍການປົກປັກຮັກສາປ່າສະຫງວນແຫ່ງຊາດ ພູພະນັງ ແລະ ພູເຂົາຄວາຍ ໃນຂອບເຂດນະຄອນຫຼວງວຽງຈັນ.

ເພື່ອປົກປັກຮັກສາ, ບູລະນະຟື້ນຟູລະບົບນິເວດ ຢູ່ເຂດປ່າສະຫງວນແຫ່ງຊາດ ພູພະນັງ ແລະ ພູເຂົາຄວາຍ ໃນຂອບເຂດນະຄອນຫຼວງວຽງຈັນ ໃຫ້ມີຄວາມອຸດົມສົມບູນ ແລະ ສ້າງໃຫ້ກາຍເປັນຕົວເມືອງສີຂຽວ ຕາມນະໂຍບາຍ ສໍສີຂຽວ ຂອງນະຄອນຫຼວງວຽງຈັນ ວາງອອກ ໃຫ້ບັນລຸຄາດໝາຍການສ້າງຕົວເມືອງທີ່ໜ້າຢູ່ ແລະ ຍືນຍົງ, ພ້ອມທັງ ເພີ່ມທະວີການສະກັດກັ້ນ, ປ້ອງກັນການບຸກລຸກ ເຂດປ່າສະຫງວນແຫ່ງຊາດ, ການລັກລອບຕັດໄມ້ທຳລາຍປ່າ, ການເຄື່ອນຍ້າຍໄມ້, ການຂຸດຄົ້ຊັບພະຍາກອນທຳມະຊາດ, ການບຸກລູກຈັບຈອງດິນເຂດປ່າສະຫງວນ, ບັນຫາໄຟໄໝ້ລາມປ່າ ແລະ ປະກົດການຫຍໍ້ທໍ້ຕ່າງໆທີ່ເກີດຂຶ້ນ ຢູ່ພື້ນທີ່ເຂດປ່າສະຫງວນແຫ່ງຊາດ ພູພະນັງ ແລະ ພູເຂົາຄວາຍ ໃຫ້ຫຼຸດໜ້ອຍລົງ ແລະ ສາມາດແກ້ໄຂໄດ້ຢ່າງຂາດຕົວ

.

.

.