“ກິບ” ໂບວິລັກ ນັກກິລາເປຕັງທີມຊາດລາວ ປະເພດຊຸດຕິ້ງຍິງ ໄດ້ຫຼຽນເງິນທຳອິດ ໃຫ້ນັກກິລາລາວ ໃນຊີເກມ ຄັ້ງທີ 31 ທີ່ ສສ ຫວຽດນາມ.

ໂບວິລັກ ເທບພະກັນ ນັກກິລາເປຕັງທີມຊາດລາວ ປະເພດຊຸດຕິ້ງຍິງ ເສຍໃຫ້ ກິນ ເຈີຣີ ເທັສ ນັກກິລາມຽນມາ ດ້ວຍຄະແນນ 27-44 ຄະແນນ. ກິນ ເຈີຣີ ເທັສ ໄດ້ຫຼຽນຄຳ ໄປຄອງ, ໂບວິລັກ ໄດ້ຫຼຽນເງິນ ແລະ ເປັນຫຼຽນເງິນທຳອິດ ໃຫ້ແກ່ ນັກກິລາລາວ, ສ່ວນຫຼຽນທອງຮ່ວມ ແມ່ນນັກກິລາກຳປູເຈຍ ແລະ ຫວຽດ ນາມ ເຈົ້າພາບ, ຂະນະທີ່ ຫຼຽນຄຳ ຊຸດຕີ້ງຊາຍ ແມ່ນນັກກິລາຈາກໄທ, ຫຼຽນເງິນ ຫວຽດນາມ ເຈົ້າພາບ ແລະ ຫຼຽນທອງຮ່ວມ ແມ່ນ ມຽນມາ ແລະ ກຳປູເຈຍ, ສ່ວນ ສີສົມພອນ ສັນນະຈອນ ນັກກິລາທີມຊາດລາວ ຕົກຮອບທຳອິດ.

ການແຂ່ງຂັນກິລາເປຕັງ ໃນຊີເກມ ຄັ້ງນີ້ ມີການຊີງໄຊກັນທັງໝົດ 8 ລາຍ ການຄື: ຊຸດຕິ້ງຍິງ-ຊາຍ, ທີມຄູ່ຍິງ-ຄູ່ຊາຍ, ທີມຄູ່ປະສົມ, ທີມຊຸດຍິງ 2 ຊາຍ 1, ທີມຊຸດຍິງ ແລະ ທີມຊຸດຊາຍ, ກິລາເປຕັງ ມີ 6 ຊາດ ເຂົ້າຮ່ວມຊີງໄຊຄື: ສສ ຫວຽດນາມ ເຈົ້າພາບ, ສປປ ລາວ, ໄທ, ມາເລເຊຍ, ມຽນມາ ແລະ ກຳປູເຈຍ. ແຂ່ງຂັນລະຫວ່າງວັນທີ 13-19 ພຶດສະພານີ້, ໂດຍ ສປປ ລາວ ສົ່ງນັກກິລາຮ່ວມຊີງໄຊຄົບທັງ 8 ລາຍການ.

Cr: ສົງການ ພັນແພງດີ