ຄະນະສະເພາະກິດ ຖະແຫຼງຂ່າວ ເຊົ້າວັນທີ 9/7/2021 ນີ້ວ່າ: ມາຮອດວັນທີ 8 ກໍລະກົດ 2021 ໄດ້ກວດວິເຄາະທັງໝົດ 1,460 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 68 ຄົນ.
- ນະຄອນຫຼວງວຽງຈັນ +7
- ສະຫວັນນະເຂດ +40
- ຈຳປາສັກ +19
- ຄຳມ່ວນ +1 ແລະ
- ແຂວຽງຈັນ +1
ໃນນັ້ນ ກໍລະນີນຳເຂົ້າມີ 67 ຄົນ ຈາກ ຈາກນະຄອນຫຼວງວຽງຈັນ 7, ສະຫວັນນະເຂດ 40 ກໍລະນີ, ຈຳປາສັກ 19 ກໍລະນີ ຄຳມ່ວນ 1 ກໍລະນີ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ໂດຍຖືກຕ້ອງຕາມກົດໝາຍ.
ການຕິດເຊື້ອໃນຊຸມຊົນມີ 1 ຄົນ ຈາກ ແຂວງວຽງຈັນ ທີ່ມີປະຫວັດສຳຜັດໃກ້ຊິດ ນຳຜູ້ຕິດເຊື້ອເກົ່າ.
ມາຮອດມື້ນີ້ ຕົວເລກຜູ້ຕິດເຊື້ອສະສົມທັງໝົດ 2,537 ຄົນ, ເສຍຊີວິດສະສົມ 3 ຄົນ (ບໍ່ມີກໍລະນີເສຍຊີວິດໃໝ່) ແລະ ກໍາລັງປິ່ນປົວ ທັງໝົດ 427 ຄົນ.
ການເຝົ້າລະວັງຢູ່ຕາມຈຸດຜ່ານແດນ ໃນຂອບເຂດທົ່ວປະເທດ
ວັນທີ 8 ກໍລະກົດ ມີຜູ້ເດີນທາງເຂົ້າມາ ຕາມຈຸດຜ່ານດ່ານຕ່າງໆ ໃນສປປ ລາວ ທັງໝົດ 2,514 ຄົນ ເຊິ່ງທັງໝົດ ແມ່ນຖືກເກັບຕົວຢ່າງກວດຊອກຫາເຊື້ອ ແລະ ເຂ້ົ້າໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ 14 ວັນ;
ປັດຈຸບັນ ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 49 ສູນ ແລະ ມີຜູ້ຈຳກັດບໍລິເວນ 4,979 ຄົນ.
ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 05 ບ້ານ (ບໍ່ມີບ້ານແດງໃໝ່) ໃນ 04 ເມືອງ ຄື: ເມືອງຈັນທະບູລີ, ໄຊທານີ, ໄຊເສດຖາ ແລະ ນາຊາຍທອງ.
ສຳລັບ ບ້ານທີ່ສິ້ນສຸດການເປັນເຂດແດງ ມາເປັນເຂດເຫຼືອງ ມີ 4 ບ້ານ ຄື:
- ບ້ານໂພນຕ້ອງສະຫວາດ ເມືອງຈັນທະບູລີ
- ບ້ານເກົ້າລ້ຽວ ເມືອງ ສີໂຄດຕະບອງ
- ບ້ານໂນນແກ້ວ ເມືອງ ສີໂຄດຕະບອງ
- ບ້ານຫ້ວຍເຕີຍ ເມືອງໄຊທານີ
