ໃນເວລາ 10:30 ວັນທີ 4 ມິຖຸນາ 2021 ຄະນະສະເພາະກິດ ໄດ້ມີການຖະແຫຼງຂ່າວໃຫຮູ້ວ່າ. ໃນວັນທີ 3 ມີຖຸນາ 2021 ໄດ້ເກັບຕົວຢ່າງມາກວດວິເຄາະທັງໝົດ 1,920 ຕົວຢ່າງ ທົ່ວປະເທດລາວ ໃນນັ້ນມີຄົນຕິດເຊື້ອເພີ່ມ 9 ຄົນ, ໃນນີ້ ພົບຄົນຕິດເຊື່ອຈາກ 3 ແຂວງຄື:

  • ນະຄອນຫຼວງວຽງຈັນ 7 ຄົນ (ຕິດເຊື້ອຈາກຊຸມຊົນ)
  • ຈໍາປາສັກ 1 ຄົນ (ເປັນກໍລະນີນໍາເຂົ້າ) ແລະ
  • ສະຫວັນນະເຂດ 1 ຄົນ (ເປັນກໍລະນີນໍາເຂົ້າ).

ຜູ້ຕິດເຊື້ອກວດພົບໃໝ່ໃນນະຄອນຫຼວງ 7 ຄົນ ຈາກການກວດເຊື້ອ ທັງໝົດ 1001 ຕົວຢ່າງ ມີຄື:

  • ກຸ່ມບ້ານຫ້ວຍຫົງ: 3 ຄົນ ໃນນັ້ນ 1 ຄົນແມ່ນແພດຢູ່ໂຮງໝໍມະໂຫສົດ (ເປັນຜູ້ສໍາຜັດໃກ້ຊິດກັບຜູ້ຕິດເຊື້ອທັງ 3)
  • ບ.ນາຄໍາ ມ.ສີໂຄດ: 1 ເປັນຜູ້ສໍາຜັດໃກ້ຊິດ
  • ບ.ໂພນສະຫວັນ ມ.ນາຊາຍທອງ: 1
  • ບ.ໜອງພະຍາ ມ.ໄຊທານີ: 1 ເປັນຜູ້ສໍາຜັດໃກ້ຊິດ
  • ບ.ໂນນຫວາຍ: 1( ນັກສຶກສາໂຮງຮຽນການເງິນດົງຄໍາຊ້າງ)

ເຂດສ່ຽງ/ສະຖານທີ່ ທີ່ຜູ້ຕິດເຊື້ອໄດ້ເດີນທາງໄປມີຄືດັ່ງນີ້:

  • ວັນທີ 30/05/2021 ໄປຕະຫຼາດຊັ່ງຈຽງ (ຢູ່ແຕ່ຮ້ານບໍລິເວນດ້ານນອກ) ແລະ ໄປຫານ້ອງຮັກຢູ່ ບ້ານ ຕານມີໄຊ (ຢູ່ແຄມທາງໃຫຍ່) ແລະ ໄດ້ໄປໃຊ້ຫ້ອງນໍ້າ.
  • ວັນທີ 03/06/2021 ໄປຊື້ຢາ ຢູ່ ໃສສະອາດ ສາຂາ ໜອງດ້ວງ
  • 01 ຄັ້ງ ຕໍ່ ອາທິດ ແມ່ນໄປຕະຫຼາດສີເກີດ ເພື່ອຊື້ອາຫານ
  • ວັນທີ 22/05/2021 ໄປຫ້ອງແຖວບ້ານໂພນສະອາດ

ມາຮອດປະຈຸບັນສະພາບການລະບາດ ໂຄວິດ-19 ຂອງ ສປປ ລາວ ມີດັ່ງນີ້

  • ຄົນຕິດເຊື້ອສະສົມທັງໝົດ 1952 ຄົນ (+9)
  • ເສຍຊີວິດ ສະສົມ 3 ຄົນ (ໃໝ່ 0 ຄົນ)
  • ປິ່ນປົວຫາຍດີທັງໝົດ ຄົນ 1680 (ໃໝ່ 26 ຄົນ), ແລະ
  • ກໍາລັງປິ່ນປົວ 261 ຄົນ. (8 ຄົນກໍາລັງຈະໄດ້ຮັບເຂົ້າມາ)

.