ໃນວັນທີ 6 ພຶດສະພາ 2022 ທີ່ນະຄອນຫລວງວຽງຈັນ, ໄດ້ຈັດ້ພິທີມອບ-ຮັບລົດບັນ ທຸກນໍ້າສະອາດ ຈຳນວນ 9 ຄັນ ໃຫ້ 7 ແຂວງຄື: ແຂວງອຸດົມໄຊ, ຫລວງພະບາງ, ສະຫັວນນະເຂດ, ສາລະວັນ, ເຊກອງ, ຈຳປາສັກ ແລະ ໄຊສົມບູນ ແລະ ອີກ 1 ຄັນແມ່ນມອບໃຫ້ສູນນໍ້າສະອາດ ແລະ ອະນາໄມສິ່ງແວດລ້ອມ ກະຊວງສາທາລະນະສຸກ ໂດຍການຊ່ວຍເຫລືອຈາກລັດຖະບານຍີ່ປຸ່ນ ເພື່ອນຳໃຊ້ໃຫ້ເປັນປະໂຫຍດ ທັງກະກຽມຮັບມືໄພພິບັດທາງທຳມະຊາດ ແລະ ກະກຽມການແຈກຢາຍໃຫ້ປະຊາຊົນທີ່ກຳລັງຈະຂາດແຄນນໍ້າສະອາດ, ລວມທັງວຽກງານ ກັນ, ຄວບຄຸມ ແລະ ຕອບໂຕ້ການແຜ່ລະບາດຂອງພະຍາດ ໂຄວິດ-19.

ເຂົ້າຮ່ວມພິທີ ແລະ ມອບໂດຍ ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາ ລະນະສຸກ, ມີບັນດາຜູ້ຕາງໜ້າຈາກຫ້ອງການກະຊວງສາທາລະນະສຸກ, ກົມ, ສູນ ແລະ ພະນັກງານທີ່ກ່ຽວຂ້ອງ ພ້ອມດ້ວຍພະແນກສາທາລະນະສຸກ 7 ແຂວງ ເຂົ້າຮ່ວມ. ລົດບັນທຸກນໍ້າສະອາດ ຈຳນວນດັ່ງກ່າວ ສາມາດບັນຈຸນໍ້າສະອາດໄດ້ 4.000 ລິດ ແມ່ນໄດ້ຮັບການຊ່ວຍເຫລືອ ຈາກລັດຖະບານຍີ່ປຸ່ນ ລວມມູນຄ່າຫລາຍກວ່າ 657 ລ້ານກີບ (68.916.430 ລ້ານເຢັນ).

.