ກົດຕິດຕາມເພຈ ປະກາດ Pakaad

ກະຊວງປ້ອງກັນປະເທດ ໄດ້ ຮ່ວມກັບສະຖານເອກອັກຄະລັດ ຖະທູດຣັດເຊຍ ປະຈໍາ ສປປ ລາວ ໄດ້ຈັດຕັ້ງສະເຫຼີມສະຫຼອງວັນ ສ້າງຕັ້ງສາຍພົວພັນການທູດລະ ຫວ່າງ ລາວ-ຣັດເຊຍ ຄົບຮອບ 60 ປີ (7 ຕຸລາ 1960-7 ຕຸລາ 2020) ຢູ່ທີ່ສະໂມສອນກົມໃຫຍ່ ການເມືອງກອງທັບ, ໃນວັນທີ 8 ຕຸລາ ນີ້,

ໂດຍການເປັນປະທານ ຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະ ການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະ ເທດ ແລະ ສະຫາຍ ວະລາດີເມຍ ກາລີນິນ ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງສະຫະພັນຣັດເຊຍ ປະຈໍາ ສປປ ລາວ, ມີບັນດາສະຫາຍກໍາມະ ການສູນກາງພັກ, ຮອງລັດຖະມົນ ຕີກະຊວງປ້ອງກັນປະເທດ,ຄະນະ ນໍາກົມໃຫຍ່, ຫ້ອງວ່າການກະ ຊວງ, ບັນດາແຂກຝ່າຍຣັດເຊຍ ແລະ ກົມກອງອ້ອມຂ້າງກະຊວງ ປ້ອງກັນປະເທດເຂົ້າຮ່ວມ.

ສະຫາຍ ພົນເອກ ຈັນສະໝອນ ຈັນຍາລາດ ໄດ້ກ່າວຄໍາປາໄສຕໍ່ ພິທີໂດຍມີເນື້ອໃນບາງຕອນວ່າ: ການສ້າງຕັ້ງສາຍພົວພັນການ ທູດລະຫວ່າງ ລາວ ແລະ ຣັດເຊຍ ເປັນຂີດໝາຍອັນສໍາຄັນໃນປະ ຫວັດສາດ ເພາະໄດ້ດໍາເນີນໃນ ເງື່ອນໄຂທີ່ປະເທດລາວ ມີຄວາມ ຂັດແຍ່ງກັນໃນລະດັບສູງ, ເຖິງ ວ່າການສ້າງຕັ້ງສໍານັກງານຂອງ ສະຖານທູດສະຫະພາບໂຊວຽດ ຢູ່ນະຄອນຫຼວງວຽງຈັນ ເຊິ່ງ ເປັນສູນກາງການເມືອງ-ການ ປົກຄອງຂອງຝ່າຍຣາຊະອາ ນາຈັກລາວກໍຕາມ, ແຕ່ການ ເຄື່ອນໄຫວແນວທາງການຕ່າງ ປະເທດຂອງອະດີດສະຫະພາບ ໂຊວຽດ ແມ່ນມີທ່າດີໃນທຸກ ດ້ານໃຫ້ແກ່ກໍາລັງປະຕິວັດ ໂດຍ ສະເພາະສະໝັບສະໝູນຝ່າຍ ແນວລາວຮັກຊາດ ເຊິ່ງໄດ້ເຮັດໃຫ້ການປະຕິວັດຢູ່ປະເທດລາວ ໄດ້ຮັບໄຊຊະນະເປັນກ້າວໆມາ, ກ້າວໄປສູ່ການຕໍ່ສູ້ປົດປ່ອຍຊາດ ກໍໄດ້ຮັບໄຊຊະນະຢ່າງສົມບູນ ແລະ ສາມາດສະຖາປະນາເປັນ ປະເທດ ສາທາລະນະລັດ ປະຊາທິ ປະໄຕ ປະຊາຊົນລາວ ໃນປີ 1975.

ພາຍຫຼັງ ສປປ ລາວ ໄດ້ຮັບ ການສະຖາປະນາ, ອະດີດສະ ຫະ ພາບໂຊວຽດໄດ້ສືບຕໍ່ປະກອບ ສ່ວນໃຫ້ການຊ່ວຍເຫຼືອໃນໄລ ຍະຮໍາບາດແຜສົງຄາມ ກໍຄືປົກ ປັກຮັກສາ ແລະ ພັດທະນາປະ ເທດຊາດ, ເປັນຕົ້ນແມ່ນໃຫ້ການ ຊ່ວຍເຫຼືອຟື້ນຟູພື້ນຖານໂຄງ ລ່າງ, ວັດຖຸພາຫະນະ-ເຕັກນິກ, ເຂື່ອນໄຟຟ້ານໍ້າຕົກ, ຂົວ-ທາງ, ດ້ານອຸດສາຫະກໍາ, ກະສິກໍາ, ການສຶກສາ, ສາທາລະນະສຸກ, ເຕັກນິກການທະຫານ ແລະ ອື່ນໆ, ໄດ້ກາຍເປັນສັນຍາລັກແຫ່ງມິດຕະພາບອັນດີງາມລະ ຫວ່າງປະຊາຊົນສອງຊາດລາວ ແລະ ຣັດເຊຍ, ອັນພົ້ນເດັ່ນ ແມ່ນ ການກໍ່ສ້າງຊັບພະຍາກອນມະ ນຸດ ເຊິ່ງ ສ ຣັດເຊຍ ໄດ້ສ້າງນັກ ວິຊາການດ້ານຕ່າງໆຈໍານວນ ຫຼວງຫຼາຍໃຫ້ແກ່ ສປປ ລາວ ແລະ ບັນດາອະດີດນັກສຶກສາທີ່ຮຽນຈົບມາຈາກອະດີດສະຫະ ພາບໂຊວຽດ ກໍຄື ສ ຣັດເຊຍ ປັດ ຈຸບັນໄດ້ຖືກບັນຈຸຢູ່ໃນກົງຈັກ ລັດຖະບານໃນຂະແໜງການ ຕ່າງໆ, ໄດ້ກາຍເປັນພະນັກງານ ຫຼັກແຫຼ່ງໃນການຄຸ້ມຄອງລັດ ແລະ ກາຍເປັນພະນັກງານການ ນໍາຂອງບັນດາອົງການ, ກະ ຊວງຕ່າງໆໃນ ສປປ ລາວ ລວມ ທັງການນໍາກະຊວງປ້ອງກັນ ປະເທດນັບແຕ່ອະດີດຈົນເຖິງ ປັດຈຸບັນ. ທາງດ້ານການພົວພັນຮ່ວມມືຂົງເຂດການທະຫານ ໄດ້ມີ ບາດກ້າວຂະຫຍາຍຕົວຢ່າງ ບໍ່ຢຸດຢັ້ງ,

ໂດຍປະຕິບັດຕາມການ ເຊື້ອເຊີນຂອງລັດຖະມົນຕີກະ ຊວງປ້ອງກັນປະເທດແຫ່ງ ສ ຣັດ ເຊຍ, ຄະນະຜູ້ແທນກະຊວງປ້ອງ ກັນປະເທດແຫ່ງ ສປປ ລາວ ໄດ້ເດີນທາງໄປຮ່ວມກອງປະຊຸມ ຄວາມໝັ້ນຄົງສາກົນ ມົດສະກູ ຄັ້ງທີ 6, 7, 8, 9 ຢູ່ສະຫະພັນຣັດ ເຊຍ ເປັນປະຈໍາທຸກໆປີ, ໃນແຕ່ ລະຄັ້ງກໍມີການພົບປະສອງ ຝ່າຍລະຫວ່າງການນໍາຂັ້ນສູງ ຂອງສອງກະຊວງປ້ອງກັນປະ ເທດ, ເພື່ອເປັນການຕອບແທນ ບຸນຄຸນອະດີດສະຫະພາບໂຊວຽດ ກໍຄື ສະຫະພັນ ຣັດເຊຍ ໃນປັດ ຈຸບັນ ທີ່ໄດ້ໃຫ້ການຊ່ວຍເຫຼືອອັນ ຍິ່ງໃຫຍ່ ແລະ ມີມູນຄ່າມະຫາ ສານໃນໄລ ຍະຜ່ານມາ, ທັງເປັນ ສັນຍາລັກຂອງສາຍພົວພັນ ຮ່ວມມືສອງຊາດ ລາວ-ຣັດເຊຍ, ລັດຖະບານແຫ່ງ ສປປ ລາວ ມອບລົດຕັງ ເຕ-34 ຈໍານວນ 30 ຄັນ ເປັນຂອງຂວັນໃຫ້ແກ່ ສ ຣັດເຊຍ ພ້ອມນີ້, ລັດຖະບານ ແຫ່ງ ສປປ ລາວ ຍັງໄດ້ອະນຸມັດ ສ້າງອະນຸສາວະລີ ຢູ່ 2 ແຫ່ງ ຄື: ນະຄອນຫຼວງວຽງຈັນ ແລະ ແຂວງຊຽງຂວາງ ເພື່ອອຸທິດ ເຖິງດວງວິນຍານ ຂອງຊ່ຽວຊານ ອະດີດສະຫະພາບໂຊວຽດທີ່ເສຍ ສະຫຼະຊີວິດໃນພາລະກິດປະ ຕິວັດຢູ່ ສປປ ລາວ ອີກດ້ວຍ.

ເພື່ອສືບຕໍ່ເສີມຂະຫຍາຍການ ພົວພັນຮ່ວມມືລະຫວ່າງສອງ ກະຊວງປ້ອງກັນປະເທດ, ກະ ຊວງປ້ອງກັນປະເທດແຫ່ງ ສ ຣັດເຊຍ ໄດ້ໃຫ້ການຊ່ວຍເຫຼືອ ທາງດ້ານພາຫະນະເຕັກນິກ ພ້ອມທັງເຝິກອົບຮົມການນໍາ ໃຊ້ໃຫ້ແຕ່ລະເຫຼົ່າຮົບຂອງກອງ ທັບປະຊາຊົນລາວເປັນຕົ້ນ: ເຫຼົ່າ ຮົບລົດຕັງ-ຍານເກາະ, ເຫຼົ່າຮົບ ທະຫານອາກາດ, ເຫຼົ່າຮົບປືນ ໃຫຍ່ໜ້າດິນ, ເຫຼົ່າຮົບຊ່າງແສງ, ແຜນທີ່ ແລະ ເຫຼົ່າຮົບອື່ນໆ, ໃນ ປີ 2018, ສ ຣັດເຊຍ ໄດ້ສົ່ງ ໜ່ວຍເກັບກູ້ລະເບີດຂອງສູນ ເກັບກູ້ລະເບີດສາກົນກໍາລັງປະ ກອບອາວຸດ ແຫ່ງ ສ ຣັດເຊຍ ມາຊ່ວຍກວດກູ້ລະເບີດທີ່ຕົກຄ້າງ ຢູ່ເມືອງຄໍາເກີດ ແຂວງບໍລິຄໍາ ໄຊ ແລະ ສະໜາມບິນທົ່ງໄຫຫີນ ແຂວງຊຽງຂວາງ, ພິເສດໃນປີ 2019 ຜ່ານມາ ໄດ້ມີການດໍາ ເນີນການຊ້ອມຮົບຮ່ວມກັນ ເຫຼົ່າ ຮົບລົດຕັງ-ຍານເກາະ (ລາໂຣດ 2019) ຢູ່ເມືອງພູກູດ ແຂວງ ຊຽງຂວາງ ເຊິ່ງເປັນຄັ້ງທໍາອິດ ໃນປະຫວັດສາດພາຍໃຕ້ຄໍາ ຂວັນ “ຄຽງບ່າ, ຄຽງໄຫຼ່ກັນຕໍ່ ສູ້ເພື່ອສັນຕິພາບ” ແລະ ໃນປີ 2020 ນີ້ ກອງທັບປະຊາຊົນ ລາວ ກໍໄດ້ສົ່ງເຫຼົ່າຮົບລົດຕັງ-ຍານເກາະ, ເຫຼົ່າຮົບຊ່າງແສງ, ເຫຼົ່າຮົບປ້ອງກັນອາກາດ, ເຫຼົ່າ ຮົບເຄມີ, ເຫຼົ່າຮົບທະຫານອາ ກາດ (ໜ່ວຍກູ້ໄພສຸກເສີນ), ເຫຼົ່າຮົບສືບຂ່າວຕີພິເສດ ແລະ ເຫຼົ່າຮົບເຕັກນິກອາວຸດ ເຂົ້າຮ່ວມ ແຂ່ງຂັນກີລາການທະຫານສາ ກົນ ຢູ່ ສ ຣັດເຊຍ ເຊິ່ງສາມາດ ຍາດໄດ້ອັນດັບ 2 ມີເຫຼົ່າຮົບລົດ ຕັງ-ຍານເກາະ, ເຫຼົ່າຮົບຊ່າງ ແສງ ແລະ ເຫຼົ່າຮົບປ້ອງກັນອາ ກາດ, ໄດ້ທີ 3 ມີເຫຼົ່າຮົບເຄມີ, ເຫຼົ່າຮົບທະຫານອາກາດ (ໜ່ວຍ ກູ້ໄພສຸກເສີນ), ໄດ້ທີ 5 ແມ່ນ ເຫຼົ່າຮົບຕີພິເສດ ແລະ ເຫຼົ່າຮົບເຕັກ ນິກອາວຸດ.

ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ກ່າວສະແດງ ຄວາມຂອບໃຈ ແລະ ຮູ້ບຸນຄຸນອັນ ລົ້ນເຫຼືອຕໍ່ການຊ່ວຍເຫຼືອອັນໃຫຍ່ ຫຼວງ, ລໍ້າຄ່າໃຫ້ແກ່ ສປປ ລາວ ກໍຄືກອງທັບປະຊາຊົນລາວຕະ ຫຼອດໄລຍະຜ່ານມາ, ພ້ອມທັງ ໄດ້ສະແດງຄວາມເຊື່ອໝັ້ນວ່າ ສະຫະພັນຣັດເຊຍ ໂດຍພາຍ ໃຕ້ການນໍາພາຂອງທ່ານ ປູຕິນ ປະທານາທິບໍດີ ຣັດເຊຍຈະປະ ສົບຜົນສໍາເລັດອັນໃຫຍ່ຫຼວງໃນ ພາລະກິດພັດທະນາປະເທດຊາດ, ປະກອບສ່ວນປົກປ້ອງສັນຕິພາບ ຂອງໂລກ ແລະ ຄວາມສະຫງົບ ສຸກຂອງປະຊາຊົນຊາວໂລກ ແລະ ກໍຫວັງຢ່າງຍິ່ງວ່າສາຍພົວ ພັນມິດຕະພາບ, ການພົວພົວພັນ ຮ່ວມມືທີ່ເປັນມູນເຊື້ອອັນດີງາມ ລະຫວ່າງ ສປປ ລາວ ກັບ ສະຫະ ພັນຣັດເຊຍ ເຊິ່ງເປັນມໍລະດົກອັນ ລໍ້າຄ່າໂດຍແມ່ນຜູ້ນໍາຫຼາຍຮຸ່ນ ແລະ ປະຊາຊົນສອງປະເທດ ໄດ້ ພ້ອມກັນເພີ່ມພູນຄູນສ້າງຕະ ຫຼອດໄລຍະ 60 ປີຜ່ານມາ ຈະໄດ້ຮັບການຜັນຂະຫຍາຍເຂົ້າສູ່ລວງເລິກ, ປົກປັກຮັກສາ ແລະ ພັດທະນາໃຫ້ຂະຫຍາຍຕົວກ້າວ ຂຶ້ນຢ່າງບໍ່ຢຸດຢັ້ງ.

ຈາກນັ້ນ, ສະຫາຍ ວະລາດີ ເມຍ ກາລີນິນ ເອກອັກຄະລັດຖະ ທູດ ວິສາມັນ ຜູ້ມີອໍານາດເຕັມ ແຫ່ງ ສະຫະພັນຣັດເຊຍ ປະຈໍາ ສປປ ລາວ ກໍໄດ້ມີຄໍາເຫັນຫຼາຍ ບັນຫາສໍາຄັນ, ໂດຍໄດ້ຕີລາຄາ ສູງຕໍ່ການພົວພັນຮ່ວມມືອັນແໜ້ນ ແຟ້ນລະຫວ່າງ ຣັດເຊຍ- ລາວ, ພ້ອມທັງໄດ້ຍົກໃຫ້ເຫັນການ ຮ່ວມມືຂົງເຂດການທະຫານ ເຊິ່ງມີຄວາມໂດດເດັ່ນເປັນພິເສດ ເປັນຕົ້ນແມ່ນການຮ່ວມມືດ້ານ ການເກັບກູ້ລະເບີດ ເພື່ອມະນຸດ ສະທໍາ, ການຊ່ວຍເຫຼືອກໍ່ສ້າງອູ່ ສ້ອມແປງເຕັກນິກການບິນຢູ່ ແຂວງຊຽງຂວາງ ສໍາລັບກວດ ກາ ແລະ ບົວລະບັດຮັກສາເຮືອ ບິນຂຶ້ນຊື່, ໄດ້ກະກຽມກໍ່ສ້າງໂຄງ ລ່າງພື້ນຖານດ້ານການເຝິກ ອົບຮົມເພື່ອປະກອບໃຫ້ໂຮງຮຽນ ທະຫານຮາບເຂດບ້ານແປນ ລວມໄປເຖິງການມອບການ ຊ່ວຍເຫຼືອລົດຕັງ ເຕ-72 ແລະ ລົດຫຸ້ມເກາະສືບຂ່າວໃຫ້ແກ່ ກອງທັບປະຊາຊົນລາວ ແລະ ອື່ນໆ, ການຮ່ວມມືດ້ານການທະ ຫານ ແລະ ເຕັກນິກການທະຫານ ຂອງສອງປະເທດຍັງຈະສືບຕໍ່ ເສີມຂະຫຍາຍ ແລະ ຈະຊ່ວຍຊຸກຍູ້ ການຮັບປະກັນຄວາມເປັນເອ ກະລາດຂອງ ສປປ ລາວ ພ້ອມ ທັງຮັກສາຄວາມອາດສາມາດ ດ້ານວຽກງານປ້ອງກັນຊາດ ຂອງ ສປປ ລາວ ໃຫ້ສູງຂຶ້ນ ຕື່ມ.

ໂດຍ: ນ. ຍ້ອມເພັດ ວິໄລພັນ

ກົດຕິດຕາມເພຈ ປະກາດ Pakaad