ວັນທີ 30 ກໍລະກົດ 2020 ນີ້, ຢູ່ທີ່ຫ້ອງຮັບແຂກຫ້ອງວ່າການປົກຄອງແຂວງສະຫວັນ ນະເຂດ, ທ່ານ ທີມ ແອັດເວີດສ (Timothy Edwards) ອຸປະທູດ ຫົວໜ້າຫ້ອງການຕາງໜ້າສະຖານທູດການາດາ ປະຈໍາ ສປປ ລາວ ເຂົ້າພົບປະຢ້ຽມຢາມ ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ເພື່ອປຶກສາຫາລືໃນພັດທະນາ ເສດຖະກິດ-ສັງຄົມຂອງແຂວງ ແລະ ການຮ່ວມມືໃນຕໍ່ໜ້າ.
ໂອກາດນີ້, ທ່ານຮອງເຈົ້າ ແຂວງສະຫວັນນະເຂດ ໄດ້ລາຍ ງານສະພາບການພັດທະນາເສດ ຖະກິດຂອງແຂວງ ທີ່ມີສະພາບ ໂດຍລວມແມ່ນມີທ່າຂະຫຍາຍ ຕົວດີ, ແຕ່ຍັງມີຄວາມຫຍຸ້ງຍາກ ຢູ່ກ່ຽວກັບສະພາບຂອງໂຄວິດ-19 ທີ່ກະທົບໃສ່ ໂດຍສະເພາະ ເສດຖະກິດດ້ານຊາຍແດນ ເລື່ອງສິນຄ້າ, ອັດຕາເງິນເຟີ້, ຈາກນັ້ນ ທ່ານ ອຸປະທູດການາດາ ຍັງໄດ້ມີຄວາມສົນໃຈກ່ຽວກັບວິທີການຊ່ວຍເຫຼືອຂອງລັດຖະບານ ຕໍ່ປະຊາຊົນພາຍຫຼັງການລະບາດຂອງພະຍາດໂຄວິດ -19, ພ້ອມທັງການພັດທະນາ ເຂດເສດຖະກິດພິເສດສະຫວັນ-ເຊໂນ, ຍຸດທະສາດການພັດທະ ນາ ແລະ ແລວທາງເສດຖະກິດຕາ ເວັນອອກ-ຕາເວັນຕົກທັງດ້ານ ຕັ້ງໜ້າທີ່ປະສົບຜົນສໍາເລັດ, ຂໍ້ຫຍຸ້ງຍາກ ແລະແຜນການ ສືບຕໍ່ຕ່າງໆຂອງແຂວງ.
ຕໍ່ການຊັກຖາມດັ່ງກ່າວ, ທ່ານຮອງເຈົ້າແຂວງໄດ້ໃຫ້ຮູ້ ວ່າ: ການຊ່ວຍເຫຼືອ ແລະຊຸກຍູ້ປະ ຊາຊົນຕໍ່ຜົນກະທົບຈາກພະຍາດ ໂຄວິດ-19 ແມ່ນໄດ້ຊຸກຍູ້ສົ່ງເສີມ ໃຫ້ປະຊາຊົນຫັນໃສ່ການປູກ ຝັງ-ລ້ຽງສັດໃຫ້ຫຼາຍຂຶ້ນ, ຍ້ອນ ໄລ່ສະເລ່ຍແລ້ວແຮງງານລາວ ທີ່ກັບມາຈາກປະເທດໄທ 37 ພັນກວ່າຄົນນັ້ນຈຳນວນຫຼາຍ ທີ່ສຸດແມ່ນປະກອບອາຊີບເສີບ ຕາມຮ້ານອາຫານ, ແມ່ບ້ານໃນ ເຮືອນ, ຄ້າຂາຍ, ຂີດຢາງ, ໂດຍ ແຮງງານທີ່ຢູ່ຕາມໂຮງຈັກໂຮງ ງານມີພຽງແຕ່ 200-300 ຄົນ ເທົ່ານັ້ນ, ເຊິ່ງພາຍໃນເຂດເສດ ຖະກິດພິເສດສະຫວັນ-ເຊໂນ ແມ່ນມີຄວາມຕ້ອງການສີມືແຮງ ງານແຕ່ແຮງງານທີ່ຢູ່ຕາມໂຮງ ງານຊໍ້າພັດມີໜ້ອຍ, ດັ່ງນັ້ນການ ນຳແຂວງ ຈຶ່ງໄດ້ປຶກສາຫາລືໃຫ້ ແຮງງານດັ່ງກ່າວຫັນໃສ່ການ ປູກຝັງ-ລ້ຽງສັດເປັນຕົ້ນຕໍ, ພ້ອມທັງປະສານກັບບັນດາບໍລິສັດໃຫຍ່ໆຄື: ບໍລິສັດບໍ່ຄໍາ, ໂຮງ ງານຊັນເປເປີ, ໂຮງງານອ້ອຍ, ບໍ່ຫີນກາວເພີ່ມເຕີມ. ສໍາລັບຍຸດ ທະສາດ ຮອດປີ 2030 ຖ້າບໍ່ມີພະ ຍາດໂຄວິດ-19 ແລ້ວທາງແຂວງ ຈະສືບຕໍ່ສົ່ງເສີມການຜະລິດ, ການບໍລິການ, ການຄ້າ, ກະສິ ກໍາ, ພ້ອມເລັ່ງໃສ່ໂຄງການຫຼຸດ ຜ່ອນຄວາມທຸກຍາກຂອງປະ ຊາຊົນຍ້ອນພາຍໃນ 14 ເມືອງ, 1 ນະຄອນຂອງແຂວງ ຍັງມີຄອບ ຄົວທີ່ທຸກຍາກຫຼາຍ./.
ສະຫວັນພັດທະນາຂ່າວ
