ກະຊວງການຕ່າງປະເທດ ແຫ່ງ ສປປ ລາວ ໃຫ້ຮູ້ວ່າ ເມື່ອວັນທີ 4 ກໍລະກົດ 2020 ທີ່ຜ່ານມາ ເກີດເຫດອຸທົກກະໄພ ທັງດິນເຈື່ອນ ແລະ ນໍ້າຖ້ວມຖະຫຼົ່ມຢ່າງໜັກໜ່ວງຢູ່ພາກຕາເວັນຕົກສ່ຽງໃຕ້ຂອງປະເທດຍີ່ປຸ່ນ ເຮັດໃຫ້ລັດຖະບານຕ້ອງໄດ້ອົບພະຍົບປະຊາຊົນ 2 ແສນກວ່າຊີວິດອອກຈາກພື້ນທີ່ດ່ວນ.
![](https://www.allinlaos.com/wp-content/uploads/2020/07/fb_img_15941248439712336482560145310974.jpg)
ຕໍ່ກັບເຫດການດັ່ງກ່າວ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສົ່ງສານສະແດງຄວາມເສົ້າສະຫຼົດໃຈ ເຖິງພະນະທ່ານ ອາເບະ ຊິນໂຊ ນາຍົກລັດຖະມົນຕີ ແຫ່ງ ຍີ່ປຸ່ນ ຕໍ່ເຫດການດິນເຈື່ອນ ແລະ ນໍ້າຖ້ວມຢູ່ ປະເທດ ຍີ່ປຸ່ນ ໃນວັນທີ 06 ກໍລະກົດ 2020, ເນື້ອໃນສານຂຽນວ່າ:
![](https://www.allinlaos.com/wp-content/uploads/2020/07/fb_img_15941248599283631165982538156636.jpg)
ຂ້າພະເຈົ້າ ມີຄວາມເສົ້າສະຫຼົດໃຈທີ່ໄດ້ຮັບຊາຍຂ່າວເຫດການດິນເຈື່ອນ ແລະ ນໍ້າຖ້ວມ ຢູ່ພາກຕາເວັນຕົກສ່ຽງໃຕ້, ປະເທດ ຍີ່ປຸ່ນ ຍ້ອນຝົນຕົກໜັກຢ່າງຕໍ່ເນື່ອງ ນັບແຕ່ວັນທີ 4 ກໍລະກົດ ເປັນຕົ້ນມາ, ເຊິ່ງໄດ້ສ້າງຄວາມເສຍຫາຍທາງດ້ານຊີວິດ ແລະ ຊັບສິນຂອງປະຊາຊົນຢູ່ເຂດດັ່ງກ່າວຢ່າງໜັກໜ່ວງ.
![](https://www.allinlaos.com/wp-content/uploads/2020/07/fb_img_15941248537127469763354125478150.jpg)
ຂ້າພະເຈົ້າ ໃນນາມສ່ວນຕົວ ກໍຄືລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະແດງຄວາມເຫັນໃຈ ແລະ ຂໍແບ່ງເບົາຄວາມທຸກໂສກມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງ ລັດຖະບານ ກໍຄືປະຊາຊົນຍີ່ປຸ່ນ ໂດຍສະເພາະຕໍ່ຄອບຄົວຂອງຜູ້ທີ່ຖືກເຄາະຮ້າຍ ຈາກເຫດການໄພພິບັດທາງທຳມະຊາດ ໃນຄັ້ງນີ້.
![](https://www.allinlaos.com/wp-content/uploads/2020/07/fb_img_1594124851846852477372547780196.jpg)
ຂ້າພະເຈົ້າເຊື່ອໝັ້ນວ່າ ພາຍໃຕ້ການຊີ້ນໍາ-ນໍາພາຂອງພະນະທ່ານ ແລະ ດ້ວຍຄວາມສາມັກຄີເປັນຈິດໜຶ່ງໃຈດຽວກັນຂອງປະຊາຊົນຍີ່ປຸ່ນ, ສະພາບຄວາມເສຍຫາຍຈາກເຫດການດິນເຈື່ອນ ແລະ ນໍ້າຖ້ວມດັ່ງກ່າວ ຈະໄດ້ຮັບການຟື້ນຟູກັບຄືນສູ່ສະພາບປົກກະຕິໂດຍໄວ.
![](https://www.allinlaos.com/wp-content/uploads/2020/07/fb_img_15941136574146659489532146978500.jpg)
.
![](https://www.allinlaos.com/wp-content/uploads/2020/07/fb_img_15941136928452329131479407705754.jpg)
.
![](https://www.allinlaos.com/wp-content/uploads/2020/07/fb_img_15941136548886264212061553098181.jpg)
.
![](https://www.allinlaos.com/wp-content/uploads/2020/07/fb_img_1594113678759235563872084373425.jpg)
.
![](https://www.allinlaos.com/wp-content/uploads/2020/07/fb_img_1594113659780153858838857942897-1024x555.jpg)