ເສຍຫາຍໜັກ ນໍ້າຖ້ວມບ້ານປາກແຟນ ເມືອງຊຽງເງິນ ປະຊາຊົນຕ້ອງການຄວາມຊ່ວຍເຫຼືອ

ວັນທີ 13 ສິງຫາ 2022 ນີ້, ຄະນະສະເພາະກິດໄພພິບັດທຳມະຊາດ ເມືອງຊຽງເງິນ ໄດ້ເຂົ້າສຳຫຼວດພື້ນທີ່ບ້ານປາກແຟນ ເມືອງຊຽງເງິນ ແຂວງຫຼວງພະບາງ ທີ່ເກີດເຫດການນ້ຳບາກ ແລະ ນ້ຳແຟນໄດ້ເອີໄຫຼນອງກະທັນຫັນຖ້ວມເຮືອນປະຊາຊົນ ແລະ ພັດເຮືອນໄຫລ ໃນຄັ້ງວັນທີ 11 ສິງຫາ 2022 ເຊິ່ງໄດ້ເຮັດໃຫ້ມີຄອບຄົວທີ່ຖືກຜົນກະທົບທັງໝົດ 27 ຄອບຄົວ, ຄອບຄົວທີ່ຖືກຜົນກະທົບໜັກ 8 ຄອບຄົວ ແລະ ມີເຮືອນທີ່ຖືກນໍ້າພັດໄຫລໜີ 4 ຫຼັງ,

ໃນນີ້ໄດ້ປະເມີນຄວາມເສຍຫາຍໃນເບື້ອງຕົ້ນທັງໝົດແມ່ນ 300 ກວ່າລ້ານກີບ, ປະຈຸບັນສະພາບນ້ຳແມ່ນໄດ້ລຸດລົງເປັນປົກກະຕິແລ້ວ, ການໄປມາຫາສູ່ແມ່ນມີຄວາມລຳບາກຫຼາຍ, ເສັ້ນທາງຖືກຕັດຂາດລົດໃຫ່ຍບໍ່ສາມາດເຂົ້າໄປເຖິງໄດ້, ທາງນໍ້າກະບໍ່ສາມາດເອົາເຮືອເຂົ້າໄປໄດ້ເນື້ອງຈາກວ່າມີສະເລີອມຈໍານວນຫຼາຍເຕີມໜ້ານໍ້າອັດທາງເຂົ້າ, ໄຟຟ້າຖືກຕັດຂາດ, ນໍ້າສະອາດບໍ່ມີໃຊ້, ເຮັດໃຫ້ປະຊາຊົນລຳບາກ,

ແຕ່ເຖິງຢ່າງໃດກະດີປະຊາຊົນພາຍໃນບ້ານກະຂໍຄວາມຊ່ວຍເຫຼືອຈາກພາກສ່ວນຕ່າງໆເຂົ້າໃຫ້ການຊ່ວຍເຫຼືອຢ່າງເລັ່ງດ່ວນ, ພ້ອມດຽວກັນນີ້ກະໄດ້ພ້ອມກັນຊ່ວຍເຫຼືອເຊິ່ງກັນ ແລະ ກັນ, ສາມັກຄີຮັກແພງ, ປະຈຸບັນຄະນສະເພາະກິດໃນການລົງຕິດຕາມເທື່ອນີ້ກະໄດ້ສົມທົບກັບຜູ້ຊີ້ນຳບ້ານພ້ອມດ້ວຍການຈັດຕັ້ງບ້ານປູກລະດົມປະຊາຊົນໃຫ້ພ້ອມກັນສ້ອມແປງທາງ, ຂຸກດິນອອກຈາກບ່ອນທີ່ມີດິນເຈື່ອນຖົມທາງເພື່ອເຮັດໃຫ້ລົດໃຫ່ຍສາມາດແລ່ນໄດ້ຊົ່ວຄາວ, ສ່ວນສະພາບການໃນຕໍ່ໜ້າຫາກມີຄວາມຄີບໜ້າແນວໃດນັ້ນຈະແຈ້ງໃຫ້ຊາບເປັນແຕ່ລະໄລຍະ

ພາບ-ຂ່າວ ໂດຍ ໄຊຍະສອນ ພັນທະວົງ

.

.

.

.

.