ລາຍງານສະພາບ ໂຄວິດ-19 ປະຈໍາວັນທີ 20 ກຸມພາ 2022

ທ່ານ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກໄດ້ ລາຍງານສະພາບການລະບາດຂອງພະຍາດໂຄວິດ-19 ຢູ່ສປປ ລາວ ໃນວັນທີ 20 ກຸມພານີ້, ທີ່ກະຊວງສາທາລະນະສຸກວ່າ: ໃນວັນທີ 19 ກຸມພາ 2022 ໄດ້ກວດວິເຄາະທັງໝົດ 1.984 ຕົວຢ່າງໃນຂອບເຂດທົ່ວປະເທດ ແລະ ພົບເຊື້ອທັງໝົດ 194 ຄົນ (ຕິດເຊື້ອພາຍໃນ 186 ຄົນ ແລະ ນໍາເຂົ້າ 8 ຄົນ), ກ່ຽວກັບການຕິດເຊືື້ອພາຍໃນໃໝ່ທັງໝົດ 186 ຄົນຈາກ 15 ແຂວງ ແລະ ນະຄອນຫຼວງວຽງຈັນມີລາຍລະອຽດດັ່ງນີ້:

ນະຄອນຫຼວງວຽງຈັນ 36 ຄົນ, ສະຫວັນນະເຂດ 26 ຄົນ, ຜົ້ງສາລີ 25 ຄົນ, ອັດຕະປື 24 ຄົນ, ຫົວພັນ 22 ຄົນ, ຊຽງຂວາງ 16 ຄົນ, ໄຊສົມບູນ 12 ຄົນ, ຄຳມ່ວນ 7 ຄົນ, ບໍລິຄຳໄຊ 4 ຄົນ, ບໍ່ແກ້ວ 3 ຄົນ, ອຸດົມໄຊ 3 ຄົນ, ໄຊຍະບູລີ 3 ຄົນ, ວຽງຈັນ 2 ຄົນ, ຫຼວງພະບາງ 2 ຄົນ, ຫຼວງນ້ຳທາ 1 ຄົນ, ສໍາລັບການຕິດເຊື້ອນໍາເຂົ້າມີ 8 ຄົນຈາກນະຄອນຫຼວງ 1 ຄົນ, ສະຫວັນນະເຂດ 1 ຄົນ ແລະ ຈໍາປາສັກ 6 ຄົນ. ຮອດປັດຈຸບັນຢູ່ສປປ ລາວ ມີຜູ້ຕິດເຊື້ອທັງໝົດ 141.083 ຄົນ, ອອກໂຮງໝໍໃນວັນທີ 19 ກຸມພານີ້ 362 ຄົນ, ກຳລັງປິ່ນປົວ 2.865 ຄົນ ແລະ ເສຍຊີວິດທັງໝົດ 610 ຄົນ (ເສຍຊິວິດໃໝ່ 2 ຄົນ), ສຳລັບຜູ້ເສຍຊີວິດໃໝ່ 2 ຄົນຈາກນະຄອນຫຼວງ 1 ຄົນ ແລະ ຄໍາມ່ວນ 1 ຄົນ.

ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນມີຄື : ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍ 103, ໂຮງໝໍ 5 ເມສາ,ໂຮງໝໍເດັກ, ໂຮງໝໍແມ່ ແລະ ເດັກເກີດໃໝ່), ໂຮງໝໍເມືອງ 9 ຕົວເມືອງ ,ວັດຈີນ ດົງປາແຫຼບ (ວັນຈັນ – ສຸກ ໂມງລັດຖະການ),ສະຖາບັນກັນພະຍາດກອງທັບ ບ້ານໂພນຕ້ອງ (ວັນຄານ, ພຸດ ແລະ ພະຫັດ ໂມງລັດຖະການ)ສຳລັບ ຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້.

ຕິດເຊື້ອໃໝ່ແຍກຕາມແຂວງ