ວັນທີ 21 ມິຖຸນາ, ບໍລິສັດ ເດລີເວີຣີ ຮີໂຣ ລາວຈຳກັດຜູ້ດຽວ ຫຼື ຮູ້ໃນນາມ ຟູດແພນດ້າ ບໍລິສັດສົ່ງອາຫານ ແລະ ເຄື່ອງໃຊ້ສອຍອັນດັບໜຶ່ງຂອງລາວ ໄດ້ມອບເຄື່ອງຊ່ວຍເຫຼືອໃຫ້ກັບປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມແຂວງ ໄຊຍະບູລີ ມູນຄ່າ 19,000,000 ກີບ!
![](https://pakaad.com/wp-content/uploads/2021/06/3e2abad2-eb56-478b-91f2-cd69a8b669e9-7498-000006a672ba138c861466824851580409-1024x683.jpg)
ເຊິ່ງໄພພິບັດນ້ຳຖ້ວມໃນອາທິດທີ່ຜ່ານມາໃນແຂວງໄຊຍະບູລີ ເຮັດໃຫ້ເຮືອນຊານ, ທີ່ພັກເຊົາ ຂອງປະຊາຊົນທ້ອງຖິ່ນ ເສຍຫາຍໜັກ ຈົນສ່້າງໃຫ້ມີຄວາມຫຍຸ້ງຍາກໃນການດຳລົງຊີວິດ, ຜົນກະທັບດັ່ງກ່າວ ໄດ້ເຮັດໃຫ້ທາງແຂວງໄຊຍະບູລີເອງ ຕ້ອງການຄວາມຊ່ວຍເຫລືອຈຳນວນຫລວງຫລາຍ.
![](https://pakaad.com/wp-content/uploads/2021/06/b4c62167-15ae-45c8-a36b-14f36a4436f4-7498-000006a688dac1e76576309010325316368.jpg)
ສະນັ້ນ, ໃນນາມທີ່ເປັນໜຶ່ງໃນບໍລິສັດທີ່ມີຄວາມຮັບຜິດຊອບຕໍ່ສັງຄົມສູງ ແລະ ເພື່ອເປັນການຊ່ວຍເຫຼືອບັນເທົາທຸກ ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມໃນຄັ້ງນີ້ ຟູດແພນດ້າ ໄດ້ມອບເຄື່ອງຊ່ວຍເຫຼືອທີ່ຈຳເປັນໃນເບື້ອງຕົ້ນ ໃຫ້ກັບປະຊາຊົນທີ່ໄດ້ຮັບຜົນກະທົບໃນ ແຂວງໄຊຍະບູລີ ມີລາຍລະອຽດມີດັ່ງນີ້:
![](https://pakaad.com/wp-content/uploads/2021/06/f3ea5632-5162-4096-a15e-4f1482d5aeea-7498-000006a6d141384711402026295036070.jpg)
- ເຂົ້າສານຈຳນວນ 1 ໂຕນ
- ໝີ່ເຄີ່ງສຳເລັດຮູບຈຳນວນ 100 ແກັດ
- ປ່ອງປາຈຳນວນ 100 ແພັກ
- ຊັນໄລ ລ້າງຖ້ວຍ (ຕຸກນ້ອຍ) ຈຳນວນ 250 ຕຸກ
- ແຟັບຊັກເຄື່ອງຈຳນວນ 500 ຖົງ