ລາຍງານຈາກ ຄະນະສະເພາະກິດໃນເຊົ້າວັນທີ 26 ຕຸລາ 2021 ນີ້ວ່າ: ໃນວັນທີ 25 ຕຸລາ 21 ໄດ້ກວດວິເຄາະທັງໝົດ 6109 ຕົວຢ່າງ, ນະຄອນຫຼວງ 2523 ຕົວຢ່າງ, ສະຫວັນນະເຂດ 243, ຈໍາປາສັກ 147, ຫຼວງພະບາງ 753, ຄໍາມ່ວນ 336.
ກວດພົບເຊື້ອ 770 ຕົວຢ່າງ ໃນນີ້ ມີນໍາເຂົ້າ 4 ຄົນ, ແລະ ຕິດໃນຊຸມຊົນ 766 ຄົນ
ລາຍລະອຽດມີດັ່ງນີ້: ນະຄອນຫຼວງວຽງຈັນ ຕິດທັງໝົດ 338ຄົນ ໃນນີ້ມີຊຸມຊົນ 337 ແລະ ນໍາເຂົ້າ 1, ແຂວງຫຼວງພະບາງ ຕິດໃນຊຸມຊົນ 160 ຄົນ, ແຂວງບໍ່ແກ້ວ ທັງໝົດ 41 (ຊຸມຊົນ), ແຂວງວຽງຈັນ 136 (ຊຸມຊົນ), ແຂວງອຸດົມໄຊ 23 (ຊຸມຊົນ)
ແຂວງຫຼວງນໍ້າທາ 3 (ຊຸມຊົນ), ແຂວງໄຊຍະບູລີ 2 (ນໍາເຂົ້າ), ແຂວງບໍລິຄໍາໄຊ 8 (ຊຸມຊົນ), ແຂວງໄຊສົມບູນ 1 (ຊຸມຊົນ), ແຂວງຄໍາມ່ວນ 9 (ຊຸມຊົນ), ແຂວງສາລະວັນ: 25 (ຊຸມຊົນ), ແຂວງສະຫວັນນະເຂດ ທັງໝົດ 4 ໃນນີ້ມີ 1 (ນໍາເຂົ້າ) ແລະ 3 (ຊຸມຊົນ), ແຂວງຈໍາປາສັກ 20 (ຊຸມຊົນ) ແລະ ແຂວງເຊກອງ: 1 (ຊຸມຊົນ).
ມີຄົນເສຍຊີວິດໃໝ່ 3 ຄົນ ຈາກນະຄອນຫຼວງວຽງຈັນ 1, ແຂວງວຽງຈັນ 1 ແລະ ແຂວງສາລະວັນ 1, ປິ່ນປົວຫາຍດີເພີ່ມ 497 ຄົນ. ຍອດສະສົມການຕິດເຊື້ອຮອດມື້ນີ້ ແມ່ນ 37.018, ເສຍຊີວິດສະສົມ 55 ຄົນ.
