ໂຮງງານນໍ້າກ້ອນ ທ້າວໂບ້! ຫຼັງຈາກໄດ້ຮັບແຈ້ງວ່າພະນັກງານຕິດໂຄວິດ-19 ກໍ່ເລັ່ງສະກັດກັ້ນ ໂຮງງານນໍ້າກ້ອນ ທ້າວໂບ້ ໄດ້ໃຫ້ຮູ້ວ່າ: ຫຼັງຈາກໄດ້ຮັບແຈ້ງວ່າມີພະນັກງານ ຖືກກັກບໍລິເວນຢູ່ທີ່ຫ້ອງພັກຂອງພະນັກງານເອງນັ້ນ ວ່າຖືກກວດພົບເຊື້ອພະຍາດໂຄວິດ-19 ເຊິ່ງພະນັກງານຜູ້ທີ່ຕິດເຊື້ອທັງໝົດແມ່ນໄດ້ຮັບການສັກວັກຊີນຄົບສອງເຂັມແລ້ວ
![](https://pakaad.com/wp-content/uploads/2021/10/screenshot_20211023_2042499129042271615975774-689x1024.jpg)
ໂຮງງານກໍ່ໄດ້ແຍກປ່ຽວພະນັກງານ ແລະ ມີການກວດຫາເຊື້ອພະຍາດທັນທີ, ສຳລັບພະນັກງານຜູ້ທີ່ຕິດເຊື້ອແມ່ນກໍາລັງໄດ້ຮັບການປິ່ນປົວຢ່າງໃກ້ຊິດໃນສະຖານທີ່ທີ່ພັກລັດໄດ້ຈັດສັນໄວ້ ໄດ້ມີການປະຕິບັດຕາມຂັ້ນຕອນທີ່ຈໍາເປັນໃນການແຍກປ່ຽວຕົນເອງ ລວມເຖິງສະມາຊິກໃນຄອບຄົວທັນທີພາຍຫຼັງທີ່ໄດ້ຮູ້ວ່າໂຕເອງມີຄວາມສ່ຽງ
.
![](https://pakaad.com/wp-content/uploads/2021/10/screenshot_20211023_2043013550644337773769452.jpg)
ນີ້ແມ່ນເຫດການທຳອິດທີ່ພະນັກງານຂອງ ໂຮງງານນໍ້າກ້ອນທ້າວໂບ້ ຫຼືວ່າ (BO ICE) ກວດພົບເຊື້ອໂຄວິດ-19, ຢ່າງໃດກໍ່ຕາມ ກ່ອນໜ້ານັ້ນໂຮງງານນ້ຳກ້ອນ ທ້າວໂບ້ ກໍ່ໄດ້ປະຕິບັດຄໍາສັ່ງຂອງລັດຖະບານຢ່າງເຂັ້ມງວດເພື່ອຄວບຄຸມ ພ້ອມຂ້າເຊື້ອໃນພື້ນທີ່ເຮັດວຽກເປັນປະຈໍາ ແລະພະນັກງານທັງໝົດໃນ ໂຮງງານນໍ້າກ້ອນ ທ້າວໂບ້ ກໍ່ໄດ້ຮັບວັກຊີນຄົບຕາມຈຳນວນ.
![](https://pakaad.com/wp-content/uploads/2021/10/photocollage_20211023_2045503412780702650534142849-1024x576.jpg)