ຕອນເຊົ້າຂອງວັນທີ 23 ຕຸລາ ທີ່ ເມືອງໄຊ ແຂວງອຸດົມໄຊ ໃນໄລຍະ 350 ແມັດ ສາຍໄຟຂອງລົດໄຟລາວ-ຈີນ ໄດ້ຖືກຕັດຂາດ 8 ຈຸດ ເຊິ່ງຄັ້ງນີ້ເປັນຄັ້ງທີ 5 ຢູ່ຈຸດດັ່ງກ່າວ.
![](https://pakaad.com/wp-content/uploads/2021/10/fb_img_1634997012127180529169170926496.jpg)
ຫາກເກີດເຫດການແບບນີ້ຕໍ່ໄປນອກຈາກຈະສົ່ງຜົນກະທົບຕໍ່ການກວດກາເຕັກນິກລົດໄຟແບບເຄື່ອນທີ່ ແລະ ສົ່ງຜົນກະທົບເຖິງການເປີດດຳເນີນການໃນເດືອນ ທັນວາ ທີ່ຈະມາເຖິງແລ້ວ, ຍັງລວມໄປເຖິງຄວາມປອດໄພໃນການແລ່ນລົດ ແລະ ຄວາມປອດໄພຂອງປະຊາຊົນທຸກຄົນເອງ.
ສະນັ້ນ, ຮຽກຮ້ອງໃຫ້ປະຊາຊົນທຸກຄົນເປັນເຈົ້າການຮ່ວມກັນ, ຊ່ວຍກັນເປັນຫູເປັນຕາ, ຖ້າພົບເຫັນຄົນໄປຕັດ, ລັກ ຫຼື ທຳລາຍສາຍໄຟຂອງທາງລົດໄຟໃຫ້ຊ່ວຍກັນແຈ້ງເຈົ້າໜ້າທີ່ໃກ້ຄຽງໃຫ້ໄວທີ່ສຸດ.
![](https://pakaad.com/wp-content/uploads/2021/10/fb_img_16349970100112906718212775027024.jpg)
ປະຈຸບັນ, ເຫດການນີ້ໄດ້ຖືກແຈ້ງໃຫ້ເຈົ້າຫນ້າທີ່ທະຫານ, ຕຳຫລວດຮັບຊາບເປັນທີ່ຮຽບຮ້ອຍແລ້ວ. ຖ້າຜູ້ກຳທຳຜິດຖືກຈັບໄດ້ກໍຈະຖືກນຳມາປະຕິບັດໂທດຕາມລະບຽບກົດໝາຍ.
![](https://pakaad.com/wp-content/uploads/2021/10/fb_img_16349970075519042640159550659221.jpg)
ທ່ານຮູ້ຫຼືຍັງ ການກະທຳທີ່ເປັນອັນຕະລາຍຕໍ່ຄວາມປອດໄພຂອງເຮືອ, ເຮືອບິນ, ກຳປັ່ນ, ລົດໄຟ,ລົດ,ສະໜາມບິນ,ທ່າກຳປັ່ນ, ສະຖານີລົດໄຟ ຫຼື ສະຖານີລົດ ຈະຖືກລົງໂທດສູງສຸດຕັດອິດສະລະພາບຕະຫຼອດຊີວິດ
![](https://pakaad.com/wp-content/uploads/2021/10/fb_img_16349970801443889537943339827769-870x1024.jpg)
.
![](https://pakaad.com/wp-content/uploads/2021/10/photocollage_20211023_2056473807057261805492035997-1024x576.jpg)