ນະຄອນ ປາກເຊ 22 ຕຸລາ 2021: ບຸນຊ່ວງເຮືອນະຄອນປາກເຊມີເຮືອເຂົ້າແຂ່ງຂັນ 4 ລຳ ເພື່ອຮັກສາຮີດຄອງປະເພນີ ແລະ ປະຕິບັດມາດຕະການປ້ອງກັນໂຄວິດ19 ຢ່າງເຂັ້ມງວດ

ບຸນຊ່ວງເຮືອນະຄຶນປາກເຊມີເຮືອເຂົ້າແຂ່ງຂັນ 4 ລຳ ເພື່ອຮັກສາຮີດຄອງປະເພນີ ແລະ ປະຕິບັດມາດຕະການປ້ອງກັນໂຄວິດ19ຢ່າງເຂັ້ມງວດເພື່ອເປັນການຮັກສາຮີດຄອງປະເພນີອັນດີງາມຂອງຊາວແຂວງຈຳປາສັກກໍ່ຄືຊາວນະຄອນປາກເຊ ເພື່ອຮີດບໍ່ໃຫ້ໝອງຄອງບໍ່ໃຫ້ເສົ້າ.

ທາງນະຄອນປາກເຊຈິ່ງໄດ້ຈັດການແຂ່ງຂັນຊ່ວງເຮືອປະຈຳປີ 2021 ຂື້ນຢູ່ທີ່ປາກແມ່ນ້ຳເຊໂດນ ນະຄອນປາກເຊ,ໂດຍທ່ານ ໂສມ ບຸດຕະກຸນ ຮັກສາການເຈົ້າແຂວງໆຈຳປາສັກ, ມີຄະນະນຳນະຄອນປາກເຊແລະມວນຊົນຊາວນະຄອນປາກເຊເຂົ້າຮ່ວມ.

ທ່ານ ບົວລີ ເພັດສົງຄາມ ເຈົ້ານະຄອນປາກເຊ ປະທານຈັດງານຊ່ວງເຮືອໄດ້ໃຫ້ສຳພາດວ່າ ການຈັດການແຂ່ງຂັນຊ່ວງເຮືອໃນປີນີ້ ຈະບໍ່ຄຶກຄື້ນຄືກັບທຸກປີທີ່ບໍ່ມີການລະບາດພະຍາດໂຄວິດ 19 ເພາະປີນີ້ມີພຽງ 4 ລຳເທົ່ານັ້ນທີ່ໃຫ້ເຂົ້າຮ່ວມແຂ່ງຂັນ ເພື່ອປະຕິບັດຕາມຮີດຕາມຄອງທີ່ເຄີຍປະຕິບັດກັນຜ່ານມາ ເຊິ່ງບັນດາທ່ານທີ່ເຂົ້າຮ່ວມຕະຫຼອດຮອດສີພາຍເຮືອຊ່ວງກໍ່ໄດ້ປະຕິບັດມາດຕະການປ້ອງກັນການແຜ່ລະບາດພະຍາດໂຄວິດ19ຢ່າງເຄັ່ງຄັດ .

ປະຊາຊົນຫຼາຍພາກສ່ວນທີ່ເຂົ້າຮັບຊົມການແຂ່ງຂັນຊ່ວງເຮືອຄັ້ງນີ້ໄດ້ສະແເງຄວາມຮູ້ສຶກດີໃຈທີ່ໄດ້ເຂົ້າຮ່ວມເຖິງວ່າຈະມີການນັ້ນກໍ່ຕ້ອງຕົນເອງ້ປັນຢ່າງດີ. ການແຂ່ງຂັນຊ່ວງເຮືອໃນໂອການບຸນອອກພັນສາປະວໍລະນາໃນປີນີ້ ມີເຮືອ 4 ລຳແມ່ນເຮືອທີ່ມາຈາກນະຄອນປາກເຊທັງໝົດ.

ຈາກການແຂງຜົນປະກົດວ່າ ຊະນະເລີດແມ່ນເຮືອບ້ານດົງເກາະໂລງ, ຮອງຊະນະເລີດ ແມ່ນເຮືອບ້ານ ດອນເຂາະ, ທີ 3 ເຮືອບ້ານຫ້ວຍເລົາແລະ ທີ 4 ແມ່ນເຮືອບ້ານຊົ້າໃຫ່ຍ ໂດຍການມອບລາງວັນຊະນະເລີດ ຂອງທ່ານ ໂສມ ບຸດຕະກຸນ ຮອງເຈົ້າອຂວງໆຈຳປາສັກ,ຮອງຊະນະເລີດແລະລ າງວັນຊົມເຊີຍແມ່ນ ທ່ານບົວລີ ເພັດສົງຄາມ ເຈົ້ານະຄອນປາກເຊເປັນຜູ້ມອບ.

ຂຽນ : ນ. ປະພິດ ສີສົມບູນ, ພາບ:ທ. ຂຽວສົມພອນ ອ່ອນບຸນຜາ