ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 12 ສິງຫາ 2021 ໄດ້ກວດວິເຄາະທັງໝົດ 2,918 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 305 ຄົນ.
ເຊິ່ງຕິດເຊື້ອໃນຊຸມຊົນ 20 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື: ນະຄອນຫຼວງ 7 ຄົນ, ບໍ່ແກ້ວ (ເມືອງຕົ້ນເຜິ້ງ) 6 ຄົນ, ຈຳປາສັກ 5 ຄົນ, ສະຫວັນນະເຂດ 1 ຄົນ, ເຊກອງ 1 ຄົນ
ສ່ວນ ກໍລະນີນໍາເຂົ້າ ມີ 285 ຄົນ ຈາກ ນະຄອນຫຼວງ 129 ຄົນ, ສະຫວັນນະເຂດ 66 ຄົນ, ຈຳປາສັກ 56 ຄົນ, ຄຳມ່ວນ 19 ຄົນ, ສາລະວັນ 13 ຄົນ, ບໍ່ແກ້ວ 1 ຄົນ ແລະ ບໍລິຄຳໄຊ 1 ຄົນ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ. ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້ຂອງແຂວງ.
ຮອດມື້ນີ້ ສປປ ລາວ ມີຕົວເລກຜູ້ຕິດເຊື້ອສະສົມທັງໝົດ 9,668 ຄົນ, ຄົນເຈັບເສຍຊີວິດສະສົມ 9 ຄົນ (ໃໝ່ 0) ແລະ ກໍາລັງປິ່ນປົວ ທັງໝົດ 4,108 ຄົນ.
ປັດຈຸບັນ ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 99 ສູນ ແລະ 45 ໂຮງແຮມ ມີ ຜູ້ຈຳກັດບໍລິເວນ 14,657 ຄົນ.
ສຳລັບ ຈຸດບໍລິການກວດໂຄວິດ-19 ຢູ່ ມສ ສີໂຄດ ໄດ້ເປີດໃຫ້ບໍລິການບັນດາທ່ານທຸກໆມື້.
