ແຈ້ງເຕືອນພາຍຸເຂດຮ້ອນ ປະຈຳວັນທີ 13 ມີຖຸນາ 2021, ເວລາ 12:00 ໂມງ
ພາຍຸໝູນເຂດຮ້ອນ ໂຄກູມະ KOGUMA ກໍາລັງເຄື່ອນທີ່ເຂົ້າທາງພາກເໜືອຂອງ ສສ ຫວຽດນາມ ໃນເວລາ 7 ໂມງ45 ນາທີ ມີຈຸດສູນກາງຢູ່ເສັ້ນຂະໜານທີ 19.6 ອົງສາເໜືອ ແລະ ເສັ້ນແວງທີ 105.4 ອົງສາຕາເວັນອອກ ພວມເຄື່ອນທີ່ມາທາງທິດຕາເວັນຕົກ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ ຄາດວ່າ ພາຍຸຫົວນີ້ຈະອ່ອນກໍາລັງລົງເປັນພາຍຸດີເປຊັນ ໃນຕອນແລງຂອງມື້ນີ້ ຊຶ່ງຈະເຮັດໃຫ້ມີຝົນຕົກໜັກເປັນບໍລິເວນກວ້າງ ແຕ່ເຂດແຂວງພາກກາງ ຫາ ພາກເໜືອ ພ້ອມມີລົມພັດແຮງຢູ່ບາງທ້ອງຖິ່ນ.
ດັ່ງນັ້ນ, ຈຶ່ງແຈ້ງເຕືອນເຖິງອົງການປົກຄອງທ້ອງຖິ່ນ ແລະ ປະຊາຊົນທີ່ອາໄສຢູ່ເຂດແຂວງດັ່ງກ່າວໃຫ້ມີສະຕິລະມັດລະວັງ ແລະ ກຽມພ້ອມຮັບມືກັບສະພາບຝົນຕົກໜັກ ທີ່ກໍ່ໃຫ້ເກີດມີດິນເຈື່ອນ, ນໍ້າຖ້ວມຊຸ ແລະ ນໍ້າປ່າໄຫລຊຸແຮງ ທີ່ຈະເກີດຂຶ້ນໃນໄລຍະ 1-2 ວັນຕໍ່ໜ້ານີ້.
