ທະນາຄານຮ່ວມພັດທະນາ Joint Development Bank (JDB) ມອບເຂົ້າສານໜຽວ ມູນຄ່າ 100 ລ້ານກີບ ໃຫ້ກະຊວງສຶກສາທິການ ແລະ ກິລາ ເພື່ອຊ່ວຍເຫຼືອນັກສຶກສາທີ່ຕົກຄ້າງໃນຫໍພັກ ໃນສະຖາບັນການສຶກສາຕ່າງ ທີ່ໄດ້ຮັບຜົນກະທົບ ຈາກໂຄວິດ-19.

ໃນຕອນເຊົ້າ ວັນທີ 3 ມິຖຸນາ 2021, ຢູ່ທີ່ກະຊວງສຶກສາທິການ ແລະ ກິລາ, ທ່ານ ວິໄລ ສີພະພອນ ຜູ້ອຳນວຍການໃຫຍ່ ທະນາຄານຮ່ວມພັດທະນາ (JDB), ທ່ານ ຄໍາຊູ ຢ່າງ ຮອງຜູ້ອໍານວຍການໃຫຍ່ ພ້ອມດ້ວຍ ທ່ານ ປອ. ບົວວອນ ຈັນທະນີເລີດ ຫົວໜ້າຫ້ອງການທະນາຄານຮ່ວມພັດທະນາ ພ້ອມດ້ວຍຄະນະໄດ້ນໍາເອົາເຂົ້າສານໜຽວຈໍານວນ 15 ໂຕນ ແລະ ຜ້າອັດປາກ-ອັດດັງຈໍານວນນື່ງ ມູນຄ່າ 100 ລ້ານກວ່າກີບ ໄປມອບໃຫ້ກະຊວງສຶກສາທິການ ແລະ ກິລາ ເພື່ອຊ່ວຍເຫຼືອບັນເທົາທຸກໃຫ້ນັກສຶກສາທີ່ຕົກຄ້າງ ຢູ່ຫໍພັກຂອງບັນດາສະຖາບັນການສຶກສາຕ່າງໆ ໃນນະຄອນຫຼວງວຽງຈັນ ທີ່ໄດ້ຮັບຜົນກະທົບ ຈາກການແຜ່ລະບາດ ຂອງພະຍາດໂຄວິດ-19.

ເປັນກຽດກ່າວຮັບໂດຍ ທ່ານ ຮສ ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ນາງ ຂັນທະລີ ສິຣິພົງພັນ ຮອງລັດຖະມົນຕີ ແລະ ບັນດາຫົວໜ້າກົມຕ່າງ ອ້ອມຂ້າງກະຊວງສຶກສາທິການ ແລະ ກິລາ ກໍໄດ້ເຂົ້າຮ່ວມຢ່າງພ້ອມພຽງ.ໂອກາດດັ່ງກ່າວ ທ່ານ ລັດຖະມົນຕີກະຊວງສຶກສາທິການ ແລະ ກິລາ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງ ມາຍັງປະທານສະພາບໍລິຫານທະນາຄານຮ່ວມພັດທະນາ ທີ່ໄດ້ມີນໍ້າໃຈອັນສູງສົ່ງ ເຫັນໄດ້ຄວາມຈໍາເປັນ ແລະ ຄວາມຫຍຸ້ງຍາກຂອງບັນດານັກສຶກສາທີ່ຕົກຄ້າງໃນຫໍພັກໃນສະຖາບັນການສຶກສາຕ່າງໆຍ້ອນຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ເປັນການປະກອບສ່ວນທີ່ສໍາຄັນ ໃນການແບ່ງເບົາໃຫ້ນັກສຶກສາ ທີ່ຕົກຄ້າງໃນຫໍພັກ ໄດ້ຮັບການບັນເທົາທຸກ ແລະ ມີກໍາລັງໃຈທີ່ດີ ເພື່ອຕ້ານການລະບາດຂອງພະຍາດ ໂຄວິດ-19 ແລະ ທ່ານຍັງໄດ້ອວຍພອນໃຫ້ທຸລະກິດ ຂອງທະນາຄານຮ່ວມພັດທັດທະນາ ໃຫ້ມີຄວາມຈະເລີນຮຸ່ງເຮືອງຢ່າງບໍ່ຢຸດຢັ້ງ.

ໂອກາດດັ່ງກ່າວ ທ່ານ ລັດຖະມົນຕີກະຊວງສຶກສາທິການ ແລະ ກິລາ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງ ມາຍັງປະທານສະພາບໍລິຫານທະນາຄານຮ່ວມພັດທະນາ ທີ່ໄດ້ມີນໍ້າໃຈອັນສູງສົ່ງ ເຫັນໄດ້ຄວາມຈໍາເປັນ ແລະ ຄວາມຫຍຸ້ງຍາກຂອງບັນດານັກສຶກສາທີ່ຕົກຄ້າງໃນຫໍພັກໃນສະຖາບັນການສຶກສາຕ່າງໆຍ້ອນຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ເປັນການປະກອບສ່ວນທີ່ສໍາຄັນ ໃນການແບ່ງເບົາໃຫ້ນັກສຶກສາ ທີ່ຕົກຄ້າງໃນຫໍພັກ ໄດ້ຮັບການບັນເທົາທຸກ ແລະ ມີກໍາລັງໃຈທີ່ດີ ເພື່ອຕ້ານການລະບາດຂອງພະຍາດ ໂຄວິດ-19 ແລະ ທ່ານຍັງໄດ້ອວຍພອນໃຫ້ທຸລະກິດ ຂອງທະນາຄານຮ່ວມພັດທັດທະນາ ໃຫ້ມີຄວາມຈະເລີນຮຸ່ງເຮືອງຢ່າງບໍ່ຢຸດຢັ້ງ.