ໃນວັນທີ 20 ມິຖຸນາ 2002 ນີ້, ສປປ ລາວ ໄດ້ຮັບວັກຊິນປ້ອງກັນພະຍາດໂຄວິດ-19 ຍີ່ຫໍ້ ຊີໂນຟາມ ຈາກລັດຖະບານແຫ່ງ ມາເລເຊຍ ຈຳນວນ 500.000 ໂດສ ເຊິ່ງວັກຊິນຈຳນວນດັ່ງກ່າວ ໄດ້ຂົນສົ່ງມາຮອດສະໜາມບິນສາກົນວັດໄຕ ແລະ ໄດ້ມີພິທີມອບ-ຮັບຢາວັກຊິນ ຢູ່ສະໝາມບິນດັ່ງກ່າວ ຕາງໜ້າມອບໂດຍ ທ່ານ ໂມດ ໄອນີ ອາຕັນ (Mohd Aini Atan) ເອກອັກ ຄະລັດຖະທູດວິສາມັນຜູ້ມີອຳນາດເຕັມແຫ່ງ ມາເລເຊຍ ປະຈຳ ສປປ ລາວ ແລະ ຕາງໜ້າຮັບໂດຍ ທ່ານ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ, ພ້ອມດ້ວຍພະນັກງານທັງສອງຝ່າຍເຂົ້າຮ່ວມ.
![](https://pakaad.com/wp-content/uploads/2022/06/fb_img_1655722891928639141461409005245-1024x571.jpg)
ການຊ່ວຍເຫລືອດ້ານວັກຊິນ ຈາກລັດຖະບານມາເລເຊຍ ໃຫ້ແກ່ ລັດຖະບານ ແຫ່ງ ສປປ ລາວ ຄັ້ງນີ້ແມ່ນເປັນຄັ້ງທີ 2, ມາເຖິງປັດຈຸບັນ ສປປ ລາວ ໄດ້ຮັບການຊ່ວຍເຫລືອດ້ານວັກຊິນ ຈາກລັດຖະບານມາເລເຊຍ ຈໍານວນ 780.400 ໂດສ ເຊິ່ງເປັນການປະກອບສ່ວນຢ່າງໃຫຍ່ຫລວງເຂົ້າໃນການຊຸກຍູ້ໃຫ້ປະເທດລາວ ດຳເນີນນະໂຍບາຍພູມຄຸ້ມກັນແຫ່ງຊາດ ແລະ ສາມາດບັນລຸການສັກວັກຊິນ ໃຫ້ແກ່ພົນລະເມືອງລາວ ໃຫ້ໄດ້ 80% ໃນປີ 2022 ກໍຄື ການເພີ່ມທະວີການສ້າງພູມຄຸ້ມກັນໃຫ້ປະຊາຊົນລາວ ເພື່ອເສີມສ້າງຄວາມເຂັ້ມແຂງໃນການປ້ອງກັນການແພ່ລະຍາດຂອງ ພະຍາດໂຄວິດ-19 ຢູ່ໃນ ສປປ ລາວ.
![](https://pakaad.com/wp-content/uploads/2022/06/fb_img_16557228899136628036619807926860.jpg)
ຂ່າວ: ມະນີທອນ