ຕາມທີ່ຮູ້ວ່າພະຍາດໂຄວິດ-19 ມັນອັນຕະລາຍຫລາຍ ແລະ ຖ້າໃຜເປັນແລ້ວ ພະຍາດນັ້ນຈະເຂົ້າໄປທຳລາຍປອດຂອງຜູ້ທີ່ຕິດເຊື້ອ ເຮັດໃຫ້ມີບາດແຜຢູ່ປອດຂອງຜູ້ທີ່ຕິດເຊື້ອດັ່ງນັ້ນແລ້ວ ຂໍໃຫ້ທຸກຄົນໃຊ້ຊີວິດຢ່າງມີສະຕິຢ່າປະຫມາດກັບພະຍາດນີ້ເດັດຂາດ ດັ່ງເຊັ່ນຜູ້ທີ່ຕິດເຊື້ອພະຍາດໂຄວິດ-19 ໄດ້ໂພສດຢູ່ເຟສດບຸກຂອງຜູ້ກ່ຽວວ່າ:

ຂອບໃຈຫມູ່ຄູ່ຄົນຮັກແພງທີ່ໂທເຂົ້າມາຖາມຂ່າວຄາວໂດຍບໍ່ຂາດສາຍ ຂອບໃຈທຸກຄົນທີ່ເປັນຫ່ວງ ອາການຂ້ອຍຕອນນີ້ດີຂື້ນເລື້ອຍໆ ອີກບໍ່ດົນຫມໍກໍ່ຈະໃຫ້ກັບບ້ານແລ້ວ. ຢາກບອກວ່າມັນເປັນພະຍາດທີ່ອັນຕະລາຍຫລາຍ ຢາກໃຫ້ທຸກຄົນຢ່າປະຫມາດ ມັນບໍ່ແມ່ນເລື້ອງລໍ້ຫລີ້ນ. ຂ້ອຍໄດ້ຊື່ວ່າເປັນຄົນໄຂ້ຄົນຫນຶ່ງທີ່ລອດຕາຍຈາກໂຄວິກ ໂດຍອາການລົງປອດຫາຍໃຈດ້ວຍໂຕເອງບໍ່ໄດ້ ຕ້ອງໄດ້ໃສ່ເຄື່ອງຊ່ວຍຫາຍໃຈ (ອົກຊີ 15ລິດ) ເຊິ່ງເວລາປົວຫາຍດີແລ້ວ ມັນກໍ່ຈະຝາກບາດແຜໄວ້ໃນປອດຂອງເຮົາ ເຊິ່ງກວ່າຈະກັບມາສົມບູນປົກະຕິກະຈະຕ້ອງໃຊ້ໄລຍະເວລາອີກ ຢ່າງຕ່ຳເຄິ່ງປີ. (ສິ່ງສຳຄັນໃນຕອນນີ້ທີ່ຫ່ວງກະຄືພໍ່ແມ່ທີ່ຍັງປິ່ນປົວຢູ່ໂຮງຫມໍ ຕອນນີ້ເຮັດຫຍັງຫລາຍບໍ່ໄດ້ ມີແຕ່ຮັກສາໂຕເອງ ແລະຄອງຟັງຂ່າວພວກເພີ່ນໄປເລື້ອຍໆ ແລະ ຫວັງວ່າທຸກຢ່າງຈະກັບມາເປັນປົກະຕິຄືນ)

ຮູ້ແບບນີ້ ຂໍໃຫ້ທຸກຄົນລະມັດລະວັງແລະມີສະຕິໃນການໃຊ້ຊີວິດໃຫ້ດີ