ມາຮອດວັນທີ່ 6 ພຶດສະພາ ແຂວບໍ່ແກ້ວມີຈຳນວນຜູ້ຕິດເຊື້ອ ເພີ່ມຂຶ້ນ 72 ຄົນ ແລະ ວັນທີ 5 ພຶດສະພາ 2021 ນີ້, ແຂວງບໍ່ແກ້ວເປັນແຂວງທີ່ພົບຜູ້ຕິດເຊື້ອ ພະຍາດໂຄວິດ-19 ເປັນອັນດັບ 2 ຂອງປະເທດລາວ ໂດຍມີຜູ້ຕິດເຊື້ອພະຍາດດັ່ງກ່າວ 191 ຄົນ, ອັນດັບ 1 ແມ່ນນະຄອນຫລວງວຽງຈັນ ໂດຍພົບຜູ້ຕິດເຊື້ອແລ້ວທັງໝົດ 649 ຄົນ ແລະ ອັນດັບ 3 ແມ່ນແຂວງຈໍາປາສັກ ໂດຍມີຜູ້ຕິດເຊື້ອຈໍານວນ 161 ຄົນ
ຊຶ່ງພາຍໃນແຂວງບໍ່ແກ້ວສ່ວນ ຫຼາຍແມ່ນພົບຢູ່ເມືອງຕົ້ນເຜິ້ງຍ້ອນວ່າເມືອງດັ່ງກ່າວເປັນທີ່ຕັ້ງຂອງເຂດເສດຖະກິດສະເພາະສາມຫຼ່ຽມຄໍາ ແລະ ເປັນເມືອງຊາຍແດນລະຫວ່າງ 4 ປະເທດ: ລາວ, ໄທ, ຈີນ, ມຽນມາ.ພາຍຫຼັງທີ່ພົບຜູ້ຕິດເຊື້ອເພີ່ມຂຶ້ນໃນແຕ່ລະວັນຢູ່ແຂວງບໍ່ແກ້ວ ໂດຍສະເພາະວັນທີ 4 ພຶດສະພາ 2021 ທີ່ຜ່ານມາພົບຜູ້ຕິດເຊື້ອວັນດຽວເຖິງ 20 ຄົນນັ້ນ, ອໍານາດການປົກຄອງເມືອງ ຕົ້ນເຜິ້ງ ໄດ້ເພິ້ມທະວີມາດຕະການປ້ອງກັນ, ຄວບຄຸມ, ສະກັດກັ້ນ ແລະ ກຽມພ້ອມຮອບດ້ານເພື່ອຕ້ານ ພະຍາດໂຄວິດ – 19 ໂດຍໄດ້ປິດຕະຫຼາດເທດສະບານເມືອງ ແລະ ຕະຫຼາດແລງບ້ານໃຫຍ່ ຕົ້ນເຜິ້ງ ເປັນການຊົ່ວຄາວ
ເປັນແບບນີ້ແລ້ວ ແຂວງບໍ່ແກ້ວເປັນແຂວງທີ່ຫນ້າເປັນຫວ່ງຫລາຍທີ່ສຸດ ເພາະຖ້າບໍ່ຄວບຄຸມການເຂົ້າອອກຂອງພົນລະເມືອງໃຫ້ດີ ອາດຈະເຮັດໃຫ້ມີຜົນກະທົບຕໍ່ເມືອງຫລືແຂວງໃກ້ຄຽງໄດ້ຖ້າຈຳນວນຜູ້ຕິດເຊື້ອຈະເພິ່ມຂຶ້ນເລື້ອຍໆ ແລະ ມີຈຳນວນຫລາຍຂຶ້ນແບບນີ້ແລ້ວ ກໍ່ເຖິງເວລາຕ້ອງມີການຄວບຄຸມ ແລະ ປ້ອງກັນຢ່າງເຄັງຄັດເພື່ອບໍ່ໃຫ້ມີການແຜ່ລະບາດຂອງເຊື້ອພະຍາດໂຄວິດ 19 ໄປເມືອງອື່ນ ຫລື ແຂວງອື່ນໄດ້.
