ວັນທີ 1 ພຶດສະພາ 2021ນີ້ ສະຫາຍ ຕຸ້ຍ ເພັດສົງຄາມ ເລຂາຄະນະພັກຮາກຖານ, ເລຂາຄະນະບໍລິຫານງານຊາວໜຸ່ມ ປປລາວ ເມືອງເມິງ, ໄດ້ລົງປຸກລະດົມ,ຊຸກຍູ້ ຂະບວນການ ຕ້ານ, ສະກັດກັ້ນ ແລະ ຄວບຄຸມ ການແຜ່ລະບາດຂອງພະຍາດ ໂຄວິດ-19
ທີ່ກຳລັງເປັນໄພຄຸກຄາມໄປທົ່ວສັງຄົມໃນປະຈຸບັນນີ້; ສະຫາຍໄດ້ລົງຢ້ຽມຢາມ ແລະ ໄດ້ມອບເຄື່ອງຊຸກຍູ້ທີ່ຈຳເປັນ ໂດຍສະເພາະແມ່ນນ້ຳດື່ມ ແລະ ອື່ນໆ ຈຳນວນໜຶ່ງ; ພ້ອມທັງໄດ້ໂອ້ລົມ,ໃຫ້ກຳລັງໃຈເຊິ່ງກັນ ແລະ ກັນໃນຍາມທີ່ປະເທດຊາດພວມປະເຊີນກັບວິກິດການສົງຄາມທາງຊີວະວິທະຍາ(ທີ່ເບິ່ງບໍ່ເຫັນດ້ວຍຕາເປົ່າ)ຢູ່ບັນດາບ້ານ-ຈຸດກວດກາຄົນເຂົ້າ-ອອກບ້ານ 04 ບ້ານທົ່ວກຸ່ມຊຽງດາວ ຄື: ຈຸດເຂົ້າ-ອອກ ບ້ານຊຽງດາວ,ບ້ານປຸ່ງຈອມແສງ,ບ້ານຫ້ວຍອໍ ແລະ ບ້ານມອນແຫຼມ.
ກຸ່ມບ້ານພັດທະນາຊຽງດາວມີທັງໜົດ 04 ບ້ານ,ມີພົນລະເມືອງລວມທັງໝົດ 1,525 ຄົນ , ຍິງ 676 ຄົນ , ມີ 02 ຊົນເຜົ່າ ຄື : ເຜົ່າ ລື້ ແລະ ເຜົ່າ ອາຄາ ; ພ້ອມກັນນີ້ກໍ່ມີ 02 ບ້ານທີ່ມີຊາຍແດນຕິດກັບແມ່ນ້ຳຂອງຄື: ບ້ານປຸ່ງຈອມແສງ ແລະ ບ້ານຊຽງດາວ ; ມາຮອດປະຈຸບັນທົ່ວກຸ່ມຊຽງດາວແມ່ນໄດ້ພ້ອມກັນຈັດຕັ້ງປະຕິບັດທຸກມາດຕະການ ແລະ ມະຕິຄຳສັ່ງຕ່າງໆ ທີ່ຄະນະສະເພາະກິດທຸກຂັ້ນວາງອອກຢ່າງເຂັ້ມງວດ.ຂ່າວ ເມືອງເມິງ.
