ວັນທີ 16 ແລະ17 ກຸມພາ 2021 ນີ້ ຜູ້ລົງຮັບສະໝັກ ເລືອກຕັ້ງເປັນ ສສຊ ຊຸດທີ IX ປະຈຳເຂດເລືອກຕັ້ງທີ 18 ແຂວງໄຊສົມບູນ ຈຳນວນ 9ທ່ານ, ຍີງ1ທ່ານ ໄດ້ພ້ອມກັນລົງເຄື່ອນໄຫວ ສະເໜີປະຫວັດ, ຜົນງານໂດຍຫຍໍ້ ຕໍ່ປະຊາຊົນບ້ານນາໄຊສະຫວ່າງ, ບ້ານໜອງພູນໄຊ,ບ້ານນໍ້າຊາວ ແລະ ບ້ານນາຕີ ເມືອງລ້ອງແຈ້ງ ແຂວງໄຊສົມບູນ,
![](https://pakaad.com/wp-content/uploads/2021/02/jy7-1024x768.jpg)
ນຳພາໂດຍ ທ່ານ ແດງ ປະທຸມທອງ ຮອງເລຂາພັກແຂວງໄຊສົມບູນ ຜູ້ລົງຮັບສະໝັກໝາຍເລກ1 ຊື່ງການລົງເຄື່ອນໄຫວສະເໜີໂຕໃນຄັ້ງນີ້ ເພື່ອໃຫ້ຜູ້ມີສິດປ່ອນບັດເລືອກຕັ້ງ ໄດ້ຮັບຮູ້ເຂົ້າໃຈເຖີງມາດຖານເງື່ອນໄຂ, ຊື່ສຽງລະດັບການສຶກສາ, ການເຄື່ອນໄຫວວຽກງານ ໃນແຕ່ລະໄລຍະຜ່ານມາໂດຍຫຍໍ້ ເພື່ອເຮັດໃຫ້ຜູ້ມີສິດເລືອກຕັ້ງເລືອກໄດ້ ສສຊ ທີ່ຕົນເອງມັກ ແລະ ເລືອກເອົາຜູ້ທີ່ມີບົດຮຽນປະສົບການເຮັດວຽກທີ່ດີ, ມີຄວາມໂປງໃສ່ ຍຸຕິທຳ, ມີຄວາມໜັກແໜ້ນ, ເປັນເຈົ້າການໃນການປະຕິບັດລະບຽບກົດໝາຍ ແລະ ເອົາໃຈໃສ່ປົກປັກຮັກສາ, ສ້າງສາພັດທະນາບ້ານເມືອງ ເຮັດໃຫ້ຊີວິດຂອງປະຊາຊົນບັນດາເຜົ່ານັບມື້ໄດ້ຮັບການພັດທະນາດີຂື້ນເປັນກ້າວໆ ສົມເປັນຕົວແທນແຫ່ງສິດຜົນປະໂຫຍດຂອງປະຊາຊົນບັນດາເຜົ່າ ຢູ່ໃນສະພາແຫ່ງຊາດ.
![](https://pakaad.com/wp-content/uploads/2021/02/gre-1024x768.jpg)
32321 ShareLikeCommentShare