ກອງປະຊຸມລັດຖະບານ ສະໄໝສາມັນປະຈຳເດືອນສິງຫາ 2020 ໄດ້ເປີດໃນຕອນເຊົ້າວັນທີ 20 ແລະ ປິດລົງໃນວັນທີ 21 ສິງຫາ 2020 ທີ່ ສຳນັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ. ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າພິຈາລະນາ ແລະ ປະກອບຄຳຄິດເຫັນ ຕໍ່ບັນດາຕໍ່ 4 ເອກະສານຂໍ້ສໍາຄັນ ດັ່ງນີ້:

1. ກອງປະຊຸມ ໄດ້ຮັບຟັງການລາຍງານຈາກຂະແໜງການກ່ຽວຂ້ວ້ອງກ່ຽວກັບສະພາບພົ້ນເດັ່ນພາຍໃນ, ຕ່າງ ປະ ເທດ ແລະ ສະພາບການປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19. ຕໍ່ກັບສະພາບການພາຍໃນ, ກອງປະຊຸມໄດ້ຊີ້ນໍາໃຫ້ທຸກພາກສ່ວນ ມີສະຕິລະວັງຕົວຕໍ່ກົນອຸບາຍມ້າງເພຂອງຄົນບໍ່ຫວັງດີ, ເອົາໃຈໃສ່ສແກ້ກໄຂປະກົດານການຫຍໍ້ຍທໍ້ໍໃນສັງຄົມ, ແກ້ກໄຂບັນຫາອຸປະຕິເຫດຕາມທ້ອງຖະໜົນ, ຈັດຕັ້ງປະັຕິບັດມາດຕະການປະຢັດຕ້ານການຟູມເຟືອຍ ກ້າວໄປສູ່ການກຸ້ມຕົນເອງ.

ກ່ຽວກັບສະພາບການຂອງສາກົນ ໃຫ້ນ ກອງປະຊຸມ ໄດ້ຊີ້ນໍາພາກທຸູກພາກສ່ວນທີ່ກ່ຽວຂ້ອງ ເອົາໃຈໃສ່ຕິດຕາມຢ່າງໃກ້ຊິສິດ, ມີການວິະເຄາະວິໄໃຈ ຢ່າງລະອຽດ ຜົນກະທົບທີ່ີອາດເກີດກີມີຕໍ່ໍປະເທດເຮົາ ເປັນຕົ້ນ ສະພາບຄວາມຂັດແຍ່ງກັນຂອງປະເທດມະຫາອໍານາດ ທີ່ນັບມືນັບເພີ່ມທະວີຄວາມເຄັ່ງຕຶງ, ສະພາບການຂອງປະເທດອ້ອມຂ້າງ ແລ້ວມີການລາຍງານລັດຖະບານການນໍາ ຢ່າງເປັນປົກກະຕິ ເພື່ອກຳນົດວາງນະໂຍບາຍໃຫ້ສອດຄ່ອງ ແລະ ທັນການ ໂດຍສະເພາະແມ່ນຄວາມຄັດແຍ່ງກັນຂອງປະເທດມະຫາອໍານາດ ທີ່ນັບມືນັບເພີ່ມທະວີຄວາມເຄັ່ງຕຶງ.

ພ້ອມກັນນີ້ີ້ ນອກນັ້ນ ໃຫ້ກະກຽມຄວາມພ້ອມໃນການເປັນເຈົ້າພາບຈັດກອງປະຊຸມສາກົນທາງໄກ ເປັນຕົ້ນ ກອງປະຊຸມແມ່ນໍ້າຂອງ-ແມ່ນ້ຳລ້ານຊ້າງ. ຕໍ່ກັບສະພາບການພາຍໃນ, ກອງປະຊຸມໄດ້ຊີ້ນໍາໃຫ້ທຸກພາກສ່ວນ ມີສະຕິລະວັງຕົວຕໍ່ກົນອຸບາຍມ້າງເພຂອງຄົນບໍ່ຫວັງດີ. ສຳລັບ ກ່ຽວກັບການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະໂຄວິດ 19 ແມ່ນໃຫ້ເອົາໃຈໃສ່ຕິດຕາມເຝົ້າລະວັງຢ່າງໃກ້ຊິສິດ, ຈັດຕັ້ງປະຕິບັດມີມາດຕະການ ຢ່າງທີ່ເຄັ່ງຄັດ ເພື່ອຮັບປະກັນບໍ່ໃຫ້ເຊື້ອພະ ຍາດດັ່ງກ່າວແຜ່ລາມ ສ້າງຄວາມເສຍຫາຍນໃຫ້ແກ່ສຸສູຂະພາບ ແລະ ຊີວິດຂອງພົນລະເມືອງລາວ, ແກ້ໄຂພະຍາດໄຂ້ ເລືອດ ອອກ ໃຫ້ທັນການ.

ນອກນັ້ນໃຫ້ເອົາໃຈໃສ່ແກ້ໄຂບັນຫາອຸດບັດຕິເຫດ, ການຈັດຕັ້ງປະຈິບັດມາດຕະການປະຢັດຕ້ານການຟູມເຟືອຍ ກ້າວໄປສູ່ການກຸ້ມຕົນເອງ.

2. ຮ່າງນະໂຍບາຍ, ຍຸດທະສາດ ແລະ ແຜນປະຕິບັດງານແຫ່ງຊາດເພື່ອຄົນພິການ ຈຸດປະສົງເພື່ອຜັນຂະຫຍາຍນະໂຍບາຍຂອງພັກ ໂດຍສະເພາະແມ່ນ ມະຕິກອງປະຊຸມໃຫຍ່ ຄັ້ງທີ 10 X ຂອງພັກ ກ່ຽວກັບການບໍລິການທາງດ້ານສະຫວັດດີການສັງຄົມ ໄດ້ຮັບການຍົກລະດັບ ແລະ ທຸກຄົນໄດ້ເຂົ້າເຖິງ ຊຶ່ງລວມທັງ ຄົນພິການ ດ້ວຍການໃຫ້ນະໂຍບາຍ, ຍຸດທະສາດ ແລະ ແຜນປະຕິບັດງານ ເພື່ອຈັດຕັ້ງປະຕິບັດ, ເພື່ອເປັນການຜັນຂະຫຍາຍສົນທິສັນຍາສາກົນ ວ່າດ້ວຍສິດທິຂອງຄົນພິການ ທີ່ ສປປ ລາວ ເປັນພາຄີ ໃຫ້ເປັນພາກປະຕິບັດຕົວຈິງ ພ້ອມທັງ ເປັນບ່ອນອີງໃນການຍາດແຍ່ງການຊ່ວຍເຫຼືອຈາກຕ່າງປະເທດ ເຂົ້າໃນການພັດທະນາວຽກງານຄົນພິການ.

ເຊິ່ງນະໂຍບາຍແຫ່ງຊາດເພື່ອຄົນພິການ ປະກອບມີ 6 ພາກ, ຍຸດທະສາດແຫ່ງຊາດເພື່ອຄົນພິການ ປະກອບມີ 5 ພາກ ສໍາລັບແຜນປະຕິບັດງານປະກອບມີ 8 ແຜນງານ, 23 ໂຄງການ ແລະ 86 ກິດຈະກໍາ. ອັນສຳຄັນ, ກອງປະຊຸມ ໄດ້ມີທິດຊີ້ນຳ ໃຫ້ກະຊວງແຮງງານ ແລະ ສະຫວັດດີການສັງຄົມ ໄດ້ເນັ້ນໜັກ ໃຫ້ເອົາໃຈໃສ່ບາງບັນຫາຕື່ມ ເປັນຕົ້ນ ແມ່ນໃຫ້ປັບປຸງເປັນສະບັບດຽວ ເພື່ອເຮັດໃຫ້ນະໂຍບາຍບາຍດັ່ງກ່າວ ມີຄວາມລລະອຽດ, ເລິກເຊິ່ງ ເຂົ້າໃຈງ່າຍ ແລະ ກະທັດຮັລັດ ເມື່ອປະກາດໃຊ້ແລ້ວສາມາດປະຕິບັດໄດ້ຢ່າງມີປະສິດທິຜົນ ແລະ ທົ່ວເຖິງ.

3. ກອງປະຊຸມ ໄດ້ເຫັນດີດ້ານຫລັກການຮັບຮອງເອົາ 3 ຮ່າງກົດໝາຍ ຄື:

ຮ່າງກົດໝາຍ ວ່າດ້ວຍຍານພາ ຫະນະທາງບົກ ຊຶ່ງເປັນຮ່າງກົດໝາຍສ້າງໃໝ່ ເພື່ອເປັນເຄື່ອງມືໃນການຄຸ້ມຄອງ, ສົ່ງເສີມ ແລະ ພັດທະນາວຽກງານຍານພາຫະນະທາງບົກໃຫ້ ມີຄວາມເຕີບໃຫຍ່ ເຂັ້ມແຂງ ແລະ ສາມາດ ເຊື່ອມໂຍງກັບພາກພື້ນ ແລະ ສາກົນ, ປັບປຸງ ແລະ ແກ້ໄຂບັນຫາ ກ່ຽວກັບວຽກງານຍານພາຫະນະ, ຮັບປະກັນວຽກງານຄຸ້ມຄອງຂອງລັດກ່ຽວກັບຍານພາຫະນະທາງບົກ ໃຫ້ມີປະສິດພາບ ແລະ ປະສິດທິຜົນສູງ.;

ຮ່າງກົດໝາຍ ວ່າດ້ວຍການສຶກສາຊັ້ນສູງ ເປັນການກົດໝາຍ ຍົກລະດັບດຳລັດວ່າດ້ວຍການສຶກສາຊັ້ນສູງ ຂຶ້ນເປັນກົດໝາຍຕາມແຜນການສ້າງ ແລະ ປັບປຸງກົດໝາຍ 5 ປີ, ເປັນການຍົກສູງບົດບາດຄວາມສຳຄັນຂອງວຽກງານການສຶກສາຊັ້ນສູງ ເພື່ອສົ່ງເສີມການພັັດທະນາຊັບພະຍາກອນມະນຸດ ຂອງ ສປປ ລາວ ໃຫ້ມີຄຸນນະພາບ ແລະ ປະສິດທິຜົນສູງຂຶ້ນຕື່ມ ພ້ອມທັງສາມາດເຊື່ອມໂຍງກັບພາກພື້ນ ແລະ ສາກົນໄດ້. ແລະ

ຮ່າງກົດໝາຍວ່າດ້ວຍການຮ່ວມມືລະຫວ່າງປະເທດທາງອາຍາ ເປັນຮ່າງກົດໝາຍສ້າງໃໝ່ ຊຶ່ງໄດ້ກຳນົດຫຼັກການ, ລະບຽບການ ແລະ ມາດຕະການກ່ຽວກັບການຄຸ້ມຄອງ. , ຕິດຕາມ ກວດກາ, ວຽກງານຮ່ວມມືລະຫວ່າງປະເທດທາງອາຍາ ເພື່ອເຮັດໃຫ້ວຽກງານດັ່ງກ່າວ ປະຕິບັດໄດ້ຢ່າງຖືກຕ້ອງ ແລະ ສອດຄ່ອງກັບກົດໝາຍຂອງ ສປປ ລາວ, ສົນທິສັນຍາທີ່ ສປປ ລາວ ເປັນພາຄີ ແນໃສ່ປົກປັກຮັກສາຜົນປະໂຫຍດຂອງລັດ ແລະ ພົນລະເມືອງ, ເຮັດໃຫ້ການຮ່ວມມືສາກົນ ໃນການສະກັດກັ້ນ ແລະ ຕ້ານອາຊະຍາກໍາ, ການສືບສວນ-ສອບສວນ ແລະ ການຮ້ອງຟ້ອງຄະດີອາຍາ ມີປະສິດທິຜົນບົນພື້ນຖານການເຄົາລົບຄວາມເປັນເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງກັນ, ບໍ່ແຊກແຊງເຂົ້າວຽກງານພາຍໃນຂອງກັນ, ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ.

ຕໍ່ ບັນດາ 3 ຮ່າງກົດໝາຍດັ່ງກ່າວ, ກອງປະຊຸມ ໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງ ສົມທົບກັບກະຊວງຍຸຕິທໍາ ແລະ ທ່ານລັດຖະມົນຕີປະຈໍາສຳນັກງານນາຍົກລັດຖະມົນຕີນໍາໄປປັບປຸງ ແລະ ຮຽບຮຽງຄືນ ຕາມການປະກອບຄໍາເຫັນຂອງສະມາຊິກລັດຖະບານ ເປັນຕົ້ນ ການກໍານົດຊື່ຂອງກົດໝາຍ, ເນື້ອໃນ ແລະ, ການໃຊ້ຄໍາສັບ ໃນບາງໝວດ, ບາງມາດຕາມາດ ເພື່ອເຮັດໃຫ້ບັນດາກົດໝາຍດັ່ງກ່າວ ມີເນື້ອໃນຄົບຖ້ວນ, ຮັດກຸມ, ຈະແຈ້ງ ແລະ ບໍ່ຂັຄັດກັບກົດໝາຍສະບັບອື່ນທີ່ປະ ກາດໃຊ້ແລ້ວນັ້ນ.

ຫຼັງຈາກນັ້ນ ກອງປະຊຸມ ໄດ້ມອບໃຫ້ສົ່ງໃຫ້ສະພາແຫ່ງຊາດ ເພື່ອພິຈາລະນາ ແລະ ຫ້ຂະແໜງການກ່ຽວຂ້ອງສົມທົບກັບກະຊວງຍູຕິທໍາ ແລະ ບັນດາທ່ານລັດຖະມົນຕີປະຈໍາສຳນັກງານນາຍົກລັດຖະມົນຕີ ດໍາເນີນການປັບປຸງ ກ່ອນນໍານຳເຂົ້າພິຈາລະນາໃນສະເໜີຕໍ່ກກັອງປະຊຸມສະ ໄໝສາມັນເທື່ອ 10 ຂອງສະພາແຫ່ງຊາດ ຊຸດທີສະໄໝທີ VIII8 ທີ່ຈະມາເຖິງ.

4. ກອງປະຊຸມ ໄດ້ພິຈາລະນາຮ່າງງັບຮອງເອົາດໍາລັດ ວ່າດ້ວຍກອງທຶນຄຸ້ມຄອງໄພພິບັດ ເພື່ອກຳນົດຫຼັກການ, ລະບຽບການ ກ່ຽວກັບການຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດ ເພື່ອລະດົມທຶນ ແລະ ສະສົມທຶນຈາກພາຍໃນ ແລະ ຕ່າງປະເທດ ແນໃສ່ສະໜອງທຶນ ໃຫ້ແກ່ການຊ່ວຍເຫຼືອສຸກເສີນ, ການສ້ອມແປງໂຄງລ່າງພື້ນຖານທີ່ຈໍາເປັນ, ການຊອກຄົ້ນ, ຄົ້ນຫາ ແລະ ກູ້ໄພ ເຮັດໃຫ້ຊີວິດການເປັນຢູ່ຂອງຜູ້ປະສົບໄພພິບັດ ກັບຄືນສູ່ສະພາບປົກກະຕິ ຫຼື ດີຂຶ້ນກວ່າເກົ່າ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ. ນອກນັ້ນ, ກອງປະຊຸມ ໄດ້ຊີ້ນໍາ ໃຫ້ປັບປຸງຊື່ຂອງກອງທຶນ ເປັນ ດຳລັດວ່າດ້ວຍ ກອງທຶນໄພພິບັດ, ແລະ ເຮັດເປັນກອງທຶນດຽວ ໂດຍມອບໃຫ້ພາກສ່ວນກ່ຽວຂ້ອງນໍາເອົາຮ່າງດຳລັດດັ່ງກ່າວໄປປັບັປຸງ ບປຸງເນື້ອໃນໃຫ້ຊັດເຈນ ຕາມການປະກອບຄໍາເຫັນຂອງສະມາຊິກລັດຖະບານ ເປັນຕົ້ນ ພາລະບົດບາດຂອງກອງທຶນ, ແຫຼ່ງລາຍຮັບ, ການລະດົມທຶນ, ແຫຼ່ງລາຍຮັບ ແລະ ການນໍາໃຊ້ກອງທຶນ,; ການຄຸ້ມຄອງບໍລິຫານກອງທຶນ ແລ້ວສະເໜີໃຫ້ບັນດາທ່ານ ຮອງນາຍົກລັດຖະມົນຕີ ມີຄຳເຫັນ ກ່ອນສະເໜີທ່ານ ນາຍົກລັດຖະມົນຕີ ແລະ -ບັນດາຮອງນາຍົກລັດຖະມົນຕີລັດຖະມົນຕີ ມີຄໍາເຫັນ ແລະ ພິຈາລະນາ ລົງລາຍເຊັນ. ; ການເປີດບັນຊີການກວດສອບ ແລະ ລະບອບການລາຍງານ; ການກວດກາກອງທຶນ.

ໃນຕອນທ້າຍ, ກອງປະຊຸມ ຍັງໄດ້ຊີ້ນຳໃຫ້ບັນດາຂະແໜງການ ເພີ່ມທະວີຄວາມເອົາໃຈໃສ່ ຈັດຕັ້ງປະຕິບັດວຽກງານໃນເດືອນກັນຍາ 2020 ເປັນຕົ້ນ:

ໃຫ້ສືບຕໍ່ຜັນຂະຫຍາຍມະຕິກອງປະຊຸມລັດຖະບານ ປະຈຳເດືອນກໍລະກົດ 2020 ໂດຍສະເພາະການຜັນຂະຫຍາຍ ແລະ ຈັດຕັ້ງປະຕິບັດມະຕິຂອງກອງປະຊຸມສະພາແຫ່ງຊາດ.

ໃຫ້ເພີ່ມທະວີຈັດຕັ້ງປະຕິບັດມະຕິກົມການເມືອງກ່ຽວກັບວຽກງານຮັກສາຄວາມສະຫງົບໃນໄລຍະໃໝ່, ສືບຕໍ່ປົກປັກຮັກສາສະຖຽນລະພາບ ທາງດ້ານການເມືອງໃຫ້ໝັ້ນຄົງ, ເຮັດໃຫ້ສັງຄົມມີຄວາມສະຫງົບ, ຄວາມປອດໄພ ແລະ ຄວາມເປັນລະບຽບຮຽບຮ້ອຍ, ສະກັດກັ້ນປະກົດການຫຍໍ້ທໍ້ໃນສັງຄົມ ໃຫ້ຫຼຸດລົງ ເທື່ອລະກ້າວ; ເພີ່ມທະວີຄວາມເຂັ້ມງວດຄຸ້ມຄອງການເຂົ້າ–ອອກປະເທດ, ຮັບປະກັນບໍ່ໃຫ້ມີການລັກລອບເຂົ້າເມືອງ ັ ບໍ່່ຜ່ານດ່ານຊາຍແດນ ທັງເປັນການຮັບປະກັນວຽກງານປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໂຄວິດ-19.

ສືບຕໍ່ສຸມໃສ່ເກັບລາຍຮັບງົບປະມານ 4 ເດືອນທ້າຍປີ 2020 ໃຫ້ສໍາເລັດຕາມຄາດໝາຍທີ່ວາງໄວ້ ຫຼື ຍັບໃກ້ເຂົ້າແຜນຫຼາຍທີ່ສຸດ. ພ້ອມນີ້, ກໍ່ໃຫ້ສືບຕໍ່ປັບປຸງກົນໄກການເກັບລາຍຮັບງົບປະມານໃຫ້ເປັນທັນສະໄໝ ໃຫ້ສໍາເລັດໂດຍພື້ນຖານ ເພື່ອຮັບປະກັນການແກ້ໄຂບັນຫາຮົ່ວໄຫຼຂອງງົບປະມານ; ເອົາໃຈໃສ່ພິເສດຕໍ່ການຈ່າຍເງິນເດືອນໃຫ້ພະນັກງານລັດຖະກອນ, ທະຫານ, ຕໍາຫຼວດ ໃຫ້ໄດ້ທັນເວລາ.

ສືບຕໍ່ຕິດຕາມ ແລະ ຄຸ້ມຄອງການແລກປ່ຽນເງິນຕາ, ອັດຕາເງິນເຟີ້ ໃຫ້ຢູ່ໃນເກນທີ່ສາມາດຄວບຄຸມໄດ້, ແກ້ໄຂບັນຫາໜີ້ສິນ ແລະ ຜົນກະທົບຂອງການຈັດອັນດັບຄວາມໜ້າເຊື່ອຖືດ້ານການເງິນຂອງ ສປປ ລາວ ຈາກສະຖາບັນການເງິນສາກົນ.

ນ້ອຍ ແລະ ຂະໜາດກາງ (SMEs) ແລະ ນິຕິກໍາທີ່ກ່ຽວຂ້ອງ ໃຫ້ສອດຄ່ອງກັບສະພາບຕົວຈິງຂອງຂະແໜງການ ເປັນຕົ້ນ: ການປັບປຸງອັດຕາດອກເບ້ຍເງິນກູ້, ເງື່ອນໄຂ ແລະ ຂອດຂັ້ນການເຂົ້າເຖິງກອງທຶນສົ່ງເສີມ SMEs ໃຫ້ມີຄວາມສະດວກ ແລະ ວ່ອງໄວຂຶ້ນ, ພ້ອມທັງເອົາໃຈໃສ່ຕິດຕາມກວດກາ ແລະ ວາງແຜນການຈັດຕັ້ງປະຕິບັດຊ່ວຍຜູ້ປະກອບການ ໃຫ້ດໍາເນີນທຸລະກິດຢ່າງມີຜົນກໍາໄລ ແລະ ເພື່ອຫຼີກເວັ້ນບໍ່ໃຫ້ຜູ້ປະກອບການລົ້ມລະລາຍ ແລະ ບໍ່ສາມາດຊໍາລະຕົ້ນທຶນ ແລະ ດອກເບ້ຍໄດ້.

ສືບຕໍ່ຈັດສັນການຊໍາລະໜີ້ສິນໂຄງການລົງທຶນຂອງລັດ ເພື່ອເປັນການຊ່ວຍໃຫ້ບໍລິສັດ ສາມາດດໍາເນີນກິດ ຈະການໄດ້ເປັນປົກກະຕິ, ພ້ອມທັງ ຊຸກຍູ້ບັນດາໂຄງການລົງທຶນຂະໜາດໃຫຍ່ ເປັນຕົ້ນ ໂຄງການທາງລົດໄຟ ລາວ-ຈີນ, ທາງດ່ວນ, ໂຄງການພັດທະນາເສດຖະກິດຕາມແລວທາງລົດໄຟ ໃຫ້ສໍາເລັດຕາມແຜນທີ່ວາງໄວ້.

ໃຫ້ຄະນະສະເພາະກິດ ສົ່ງເສີມການຜະລິດ ແລະ ຊົມໃຊ້ຜະລິດຕະພັນທີ່ຜະລິດຢູ່ພາຍໃນ ແລະ ການຄຸ້ມຄອງການນໍາເຂົ້າສິນຄ້າອຸປະໂພກ-ບໍລິໂພກ ສືບຕໍ່ຄົ້ນຄວ້າປຶກສາຫາລື ຄວາມອາດສາມາດ ແລະ ທ່າແຮງບົ່ມຊ້ອນຂອງພວກເຮົາໃນການຜະລິດເປັນສິນຄ້າ-ອຸປະໂພກ-ບໍລິໂພກ ເພື່ອສາມາດຕອບສະໜອງໃຫ້ພຽງພໍ ກັບຄວາມຕ້ອງການ ຂອງສັງຄົມ ດ້ວຍການຊຸກຍູ້ສົ່ງເສີມຂະບວນການປູກຝັງ, ລ້ຽງສັດ ຕິດພັນກັບການແປຮູບ ທີ່ມີຄຸນນະພາບ ເພື່ອເປັນສິນຄ້າສົ່ງອອກ ແລະ ສ້າງຄວາມເຂັ້ມແຂງໃຫ້ແກ່ການຜະລິດພາຍໃນປະເທດ ຫຼຸດຜ່ອນການນໍາເຂົ້າຈາກຕ່າງປະເທດ.

ກະກຽມຄວາມພ້ອມຮອບດ້ານ ເພື່ອຊຸກຍູ້ການຜະລິດລະດູຝົນປີ 2020 ສະໜອງແນວພັນພືດ, ແນວພັນສັດ ແລະ ເຕັກນິກວິຊາການ ເຂົ້າໃສ່ການຜະລິດກະສິກໍາ, ກະສິກໍາສະອາດ ຕາມທ່າແຮງຂອງປະເທດເຮົາ ເພື່ອຄ້ໍາປະກັນຄວາມໝັ້ນຄົງ ທາງດ້ານສະບຽງອາຫານ ໃຫ້ພຽງພໍກັບການບໍລິໂພກພາຍໃນ ແລະ ເປັນສິນຄ້າສົ່ງອອກ.

ສືບຕໍ່ຕິດຕາມເຝົ້າລະວັງການປ່ຽນແປງດິນຟ້າອາກາດ ຢ່າງໃກ້ຊິດ ເພື່ອແຈ້ງໃຫ້ປະຊາຊົນໄດ້ຮັບຮູ້ຂໍ້ມູນຂ່າວສານ ທັງກະກຽມຮັບມືໃຫ້ທັນສະພາບການ, ພ້ອມທັງຕິດຕາມເຝົ້າລະວັງ ແລະ ກະກຽມຄວາມພ້ອມໃນດ້ານຕ່າງໆ ເພື່ອຕ້ານແລ້ງ-ຕ້ານຖ້ວມ. ພ້ອມກັນນີ້ ເພື່ອກະກຽມແກ້ໄຂຜົນກະທົບຂອງໄພນໍ້າຖ້ວມ ໃນຂອບເຂດທົ່ວປະເທດ ທີ່ອາດຈະເກີດຂຶ້ນ ໃນຊ່ວງລະດູຝົນນີ້, ກໍລະນີຫາກເກີດມີໄພນໍ້າຖ້ວມ ກໍ່ໃຫ້ຮີບຮ້ອນໃຫ້ການຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຢ່າງຮີບດ່ວນ ແລະ ທັນການ.

ສືບຕໍ່ຕິດຕາມປະລິມານນໍ້າໃນບັນດາເຂື່ອນຕ່າງໆ ເພື່ອວາງແຜນຄຸ້ມຄອງນໍ້າໃຫ້ດີ, ຖ້າຫາກມີການປ່ອຍນໍ້າຕ້ອງໄດ້ແຈ້ງເຕືອນປະຊາຊົນລ່ວງໜ້າ; ຕິດຕາມ ແລະ ຊຸກຍູ້ການຈັດຕັ້ງປະຕິບັດໂຄງການ ທີ່ໄດ້ອະນຸມັດໄປແລ້ວ ເຊັ່ນ : ໂຄງການໄຟຟ້າຖ່ານຫີນ, ໂຄງການສາຍສົ່ງ ແລະ ໂຄງການບໍ່ແຮ່.ກວດກາ ແລະ ສ້ອມແປງເສັ້ນທາງຫຼວງແຫ່ງຊາດ, ດິນເຊາະເຈື່ອນຖົມທາງ ໃນຊ່ວງລະດູຝົນ ເພື່ອຮັບປະກັນການສັນຈອນໄປມາໃຫ້ມີຄວາມສະດວກ ແລະ ຮັບປະກັນຄວາມປອດໄພ.

ກະກຽມ ແລະ ດຳເນີນການເປີດສົກຮຽນໃໝ່ໃຫ້ໄປຕາມແຜນການ, ເອົາໃຈໃສ່ຄຸ້ມຄອງ, ກວດກາການສອບເສັງຄັດເລືອກເອົານັກສຶກສາເຂົ້າຮຽນໃຫ້ຖືກຕ້ອງ, ໂປ່ງໃສ, ຄົ້ນຄວ້າຍົກລະດັບການຮຽນ-ການສອນ ໃຫ້ມີປະສິດຜົນ, ຮັບປະກັນໄດ້ຄຸນນະພາບການສຶກສາ ໄປຄຽງຄູ່ກັບການປະຕິບັດມາດຕະການປ້ອງກັນພະຍາດໂຄວິດ-19. ພ້ອມນັ້ນ, ກໍ່ໃຫ້ກະກຽມການສະໜອງອຸປະກອນການສຶກສາ, ເຄື່ອງນຸ່ງຫົ່ມ ທີ່ຮັບໃຊ້ໃນການສຶກສາ ໃຫ້ພຽງພໍ ໂດຍເນັ້ນໃສ່ການຜະລິດພາຍໃນປະເທດ ເພື່ອຫຼຸດຜ່ອນການນໍາເຂົ້າຈາກຕ່າງປະເທດ ທັງເປັນການຊ່ວຍເຫຼືອຜູ້ລົງທຶນ ທີ່ໄດ້ຮັບຜົນກະທົບຈາກພະຍາດໂຄວິດ-19.

ສືບຕໍ່ຊຸກຍູ້ສົ່ງເສີມວຽກງານທ່ອງທ່ຽວພາຍໃນ ໃຫ້ມີຄວາມຫຼາກຫຼາຍ ພ້ອມທັງ ປັບປຸງກົນໄກບໍລິຫານ ທີ່ຍັງບໍ່ທັນມີຄວາມສະດວກ ເພື່ອເຮັດໃຫ້ວຽກງານທ່ອງທ່ຽວກັບຄືນມາມີບັນຍາກາດ ພາຍຫຼັງສິ້ນສຸດການແຜ່ລະບາດ ແລະ ສາມາດເກັບລາຍຮັບເຂົ້າງົບປະມານ.

ເອົາໃຈໃສ່ຝຶກສີມືແຮງງານ ແລະ ສ້າງວຽກເຮັດງານທຳ ໃຫ້ແກ່ແຮງງານລາວ ດ້ວຍການປະສານສົມທົບກັບສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ພາກທຸລະກິດ.

ກະກຽມແຜນການເຄື່ອນໄຫວໃຫ້ແກ່ການນໍາພັກ-ລັດຖະບານ ເພື່ອຮັບປະກັນດ້ານເນື້ອໃນໃຫ້ລະອຽດຮັດກຸມ ແລະ ໃຫ້ກະກຽມເນື້ອໃນໃຫ້ແກ່ກອງປະຊຸມ ແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 3 ທີ່ຈະຈັດຂຶ້ນ ໃນວັນທີ 24 ສິງຫາ 2020 ໃຫ້ຮັດກຸມ ແລະ ມີຜົນສໍາເລັດຢ່າງຈົບງາມ.

ໃຫ້ກະຊວງ-ອົງການຕ່າງໆ ສືບຕໍ່ສ້າງຂະບວນການຕິດພັນກັບວຽກງານຂອງຂະແໜງການຕົນ ເພື່ອຂໍ່ານັບຮັບຕ້ອນ ກອງປະຊຸມໃຫຍ່ອົງຄະນະພັກຂອງຕົນ ໃຫ້ສໍາເລັດຕາມແຜນການ ເພື່ອສ້າງບັນຍາກາດອັນດີ ແລະ ເອື້ອອໍານວຍໃຫ້ແກ່ການຈັດກອງປະຊຸມໃຫຍ່ ຄັ້ງທີ XI ຂອງພັກໃນຕົ້ນປີ 2021 ທີ່ຈະມາເຖິງນີ້.

ພ້ອມກັນນີ້, ປະທານກອງປະຊຸມ ຍັງໄດ້ຮຽກຮ້ອງມາຍັງສະມາຊິກລັດຖະບານ ຈົ່ງເພີ່ມທະວີຄວາມຮັບຜິດ ຊອບນໍາພາ-ຊີ້ນໍາ ແລະ ຂຸ້ນຂ້ຽວຈັດຕັ້ງປະຕິບັດວຽກງານຂອງຂະແໜງການຕົນ ໃຫ້ບັນລຸແຜນການ ເພື່ອຊຸກຍູ້ສົ່ງເສີມເສດຖະກິດພາຍໃນ ໃຫ້ສືບຕໍ່ຂະຫຍາຍຕົວ ແລະ ບັນລຸຕົວເລກຄາດໝາຍ GDP ທີ່ສະພາແຫ່ງຊາດໄດ້ຮັບຮອງແລ້ວ ພ້ອມທັງ ຈັດຕັ້ງປະຕິບັດທິດຊີ້ນໍາຂອງກອງປະຊຸມລັດຖະບານ ຄັ້ງນີ້ ແລະ ແຜນວຽກຈຸດສຸມໃຫ້ເກີດຜົນເປັນຈິງຢ່າງມີປະສິດທິຜົນສູງ.

ຂ່າວ,​ພາບ: ກົມປະຊາສຳພັນ ສຳນັກງານນາຍົກລັດຖະມົນຕີ