ບໍລິສັດ ຈີເອລຊີ (ລາວ) ເມໂທລຈຳກັດ ເປັນສາຂາທີ່ລົງທຶນໂດຍ ບໍລິສັດ GLC ສິງກະໂປໃນລາວ ໄດ້ກຳນົດຍຸດທະສາດການລົງທຶນສ້າງຕັ້ງໂຮງງານຜະລິດໃນລາວ ໃນເດືອນ ມິຖຸນາ ປີ 2022 ແລະໄດ້ເລິ່ມລົງມຶກໍ່ຕັ້ງໃນເດືອນ ຕຸລາ 2022 ມາເປັນເວລາ 10 ເດືອນ ແລະ ໄດ້ຜ່ານການອະນຸມັດຈາກ ບັນດາກົມທີ່ກ່ຽວຂ້ອງເຊັ່ນ: ກະຊວງຊັບພະຍາກອນ ແລະ ສິ່ງແວດລ້ອມ, ກະຊວງອຸດສາຫະກຳ ແລະ ການຄ້າ, ກະຊວງພະລັງງານ ແລະ ບໍ່ແຮ່ ແລະ ອື່ນໆ ໂດຍເປີດນຳໃຊ້ຢ່າງເປັນທາງການ ແລະ ໄດ້ເລິ່ມຜະລິດ ວັນທີ 1 ເດືອນ ສິງຫາ 2023 ນີ້ຢ່າງເປັນທາງການ.
ທ່ານ ຢາງ ມິງຕົ້ງ ປະທານບໍລິສັດ ຈີເອລຊີ (ລາວ) ເມໂທລຈຳກັດ ໄດ້ກ່າວວ່າ ຈີເອລຊີ ສຳນັກງານໃຫຍ່ ແມ່ນຢູ່ ປະເທດ ສິງກະໂປ ເປັນບໍລິສັດສະໜອງວັດຖຸດິບທີ່ມີຄຸນນະພາບສູງສຳຫລັບວັດສະດຸພະລັງງານໃໝ່ສຳລັບຜູ້ຜະລິດພະລັງງານໃໝ່ທົ່ວໂລກ ແລະໃຫ້ບໍລິການຜູ້ຜະລິດວັດສະດຸພະລັງງານໃໝ່ແບບຄົບວົງຈອນ ແລະເປັນບໍລິສັດໄດ້ຊື້ວັດຖຸດິບຈາກທົ່ວໂລກຂາຍອີກດ້ວຍ ເຊິ່ງໂຮງງານຂອງພວກເຮົາມີພະນັກງານປະມານ 150 ຄົນ, ໂຮງງານຂອງພວກເຮົາໄດ້ແນ່ໃສ່ນຳໃຊ້ເຕັກໂນໂລຊີການຜະລິດຫຼ້າສຸດຂອງຄະນະວິຊາການຂອງ ສະຖາບັນຄົ້ນຄວ້າການຂຸດຄົ້ນບໍ່ແຮ່ແລະໂລຫະທົ່ວໄປຂອງປັກກິ່ງ (Beijing General Research Institute of Mining and Metallurgy) ຂອງຈີນ ແລະ ຄັດເລືອກເອົາອຸປະກອນທີ່ທັນສະໄໝທີ່ສຸດ ເຊິ່ງກຳລັງການຜະລິດປະຈຳປີແມ່ນ 22,000 ໂຕນຕໍ່ປີຂອງ ນິແກນໂກບານໄອດອກໄຊດິບ nickel cobalt hydroxide ແລະ 4,500ໂຕນຂອງ ລິຕິຄາບອນເນດດິບ lithium carbonate ເຊິ່ງການຜະລິດທັງໝົດປ່ອຍແກ໊ສອາຍເສຍເປັນສູນ, ນໍ້າເສຍເປັນສູນ ແລະ ການປ່ອຍສິ່ງເສດເຫຼືອອອກທາງນອກເປັນສູນ ແລະວິສາຫະກິດຂອງພວກເຮົາເນັ້ນໃສ່ການຜະລິດສີຂຽວແລະເປັນມິດກັບສິ່ງແວດລ້ອມຢ່າງແທ້ຈິງ ໂຮງງານຂອງພວກເຮົາໄດ້ຜ່ານການກວດກາ ແລະ ອະນຸມັດຈາກບັນດາກົມຄຸ້ມຄອງທີ່ກ່ຽວຂ້ອງທັງການປົກປັກຮັກສາ ສິ່ງແວດລ້ອມ, ອຸດສາຫະກຳແລະການຄ້າ, ພະລັງງານ ແລະ ບໍ່ແຮ່. ພາຍຫຼັງທີ່ໄດ້ນຳມາຜະລິດເປັນສິນຄ້າແລ້ວ ຍັງສະໜອງວຽກເຮັດງານທຳໃຫ້ກັບຄົນທ້ອງຖິ່ນ ໄດ້ 100 ກວ່າວຽກ ແລະ ຄາດວ່າຈະສາມາດປະກອບສ່ວນໃນລາຍຮັບອາກອນແຫ່ງຊາດ ຂອງ ສປປ ລາວ ໃນແຕ່ລະປີເຖິງ 1ຕື້ກວ່າກີບ.
ຜູ້ນຳທຸລະກິດທີ່ກ່ຽວຂ້ອງແມ່ນມາຈາກປະເທດສິງກະໂປ, ປະເທດຈີນ, ປະເທດ ສະວິດ, ປະເທດ ຍີ່ປຸ່ນແລະປະເທດອື່ນໆ ແລະຜູ້ທີ່ໃຫ້ກຽດເຂົ້າຮ່ວມງານພິທີເປີດໂຕບໍລິສັດໃນຄັ້ງນີ້ ທ່ານ ຈັນທະເນດ ບົວລະພາ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ໜູກີ ສີຫາລາດ ເຈົ້າເມືອງໄຊເສດຖາ ນະຄອນຫຼວງ, ທ່ານສອນໄຊ ສີສົມພັນ ຮັກສາການ ຫົວໜ້າຫ້ອງວ່າການນະຄອນຫຼວງ, ທ່ານ ສະຖາພອນ ດວງຕາວັນ ຮອງຫົວໜ້າກົມບໍ່ແຮ່ ກະຊວງພະລັງງານ ແລະ ບໍ່ແຮ່ ແລະ ກົມສ່ວຍສາອາກອນ ນະຄອນຫຼວງ, ກົມຄຸ້ມຄອງສິ່ງແວດລ້ອມນະຄອນຫຼວງ, ຄະນະບໍລິຫານຫ້ອງການຄຸ້ມຄອງອຸດສາຫະກຳແລະການຄ້າປະຈຳອຸດສາຫະກຳການຄ້າວຽງຈັນ, VITAPARK และ ແຂກກິດຕິມະສັກຈາກບັນດາການນຳຕ່າງໆທີ່ເຂົ້າຮ່ວມງານໃນຄັ້ງນີ້.
🌟http://www.glcrecycle.com
