ເຈົ້າແຂວງຈໍາປາສັກ ອອກຄໍາສັ່ງດ່ວນ ເລກທີ 02/ຈຂ.ຈສ, ວັນທີ 31 ມີນາ 2022 ວ່າດ້ວຍການສືບຕໍ່ເພີ່ມທະວີຄວາມເຂັ້ມງວດ ໃນການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະແກ້ໄຂການລະບາດ ຂອງພະຍາດໂຄວິດ -19 ເລີ່ມແຕ່ວັນທີ 31 ມີນາ 2022 ເປັນຕົ້ນໄປ.
ສືບຕໍ່ປີດກິດຈະການຮ້ານບັນເທິງຮ້ານຄາຣາໂອເກະ, ຮ້ານປີ້ງແກ້ມ, ຮ້ານອິນເຕີເນັດຄາເຟ, ຮ້ານສະນຸກເກີ, ຮ້ານເກມທຸກປະເພດ ແລະ ສັງວຽນຕີໄກ່; ສຳລັບຮ້ານອາຫານ ອະນຸຍາດໃຫ້ເປີດ ແຕ່ຕ້ອງປະຕິບັດມາດຕະການ ປ້ອງກັນ, ຄວບຄຸມ ການລະບາດພະຍາດໂຄວິດ-19 ແລະ ບໍ່ໃຫ້ຂາຍເຄື່ອງດື່ມທີ່ມີທາດເຫຼົ້າ ບໍ່ໃຫ້ເປີດເພງສຽງດັງ ເກີນຂອບເຂດ ແລະ ບໍ່ໃຫ້ເປີດບໍລິການກາຍເວລາທີ່ກຳນົດໄວ້.
ອະນຸຍາດໃຫ້ອອກກຳລັງກາຍຕາມສະຖານທີ່ຕ່າງໆ, ຫຼິ້ນກິລາກາງແຈ້ງ ປະເພດທີ່ຮ່າງກາຍບໍ່ສຳຜັດກັນໃນເຂດທີ່ບໍ່ມີການລະບາດໃນຊຸມຊົນ.
ອະນຸຍາດໃຫ້ຈັດກອງປະຊຸມ, ງານຊຸມນຸມ, ງານ ດອງ, ງານຊາປານະກິດສົບ ແລະ ງານບຸນປະເພນີອື່ນໆ ໂດຍໃຫ້ຈັດແບບກະທັດຮັດ ແລະ ຜູ້ເຂົ້າຮ່ວມຕ້ອງຈຳກັດ ດ້ານຈໍານວນບໍ່ໃຫ້ມີຄວາມແອອັດ, ຜູ້ເຂົ້າຮ່ວມງານຕ້ອງໄດ້ຮັບວັກຊິນໂຄວິດ-19 ຄົບໂດສ ຫຼື ຢ່າງນ້ອຍສອງເຂັມ ຂື້ນໄປ ແຕ່ຕ້ອງໄດ້ປະຕິບັດມາດຕະການທາງສາທາລະນະສຸກວາງອອກ ແລະ ຫຼີກລ້ຽງການຢູ່ໃນຫ້ອງທີ່ບໍ່ມີການ ລະບາຍອາກາດ.
ສຳລັບແຮງງານລາວທີ່ເຂົ້າມາແຕ່ປະເທດໃກ້ຄຽງ ຕ້ອງໄດ້ຮັບຜິດຊອບຄ່າໃຊ້ຈ່າຍຕ່າງໆ ດ້ວຍຕົນເອງ ເຊັ່ນ: ຄ່າກວດພະຍາດໂຄວິດ-19, ຄ່າປິ່ນປົວ, ຄ່າອາຫານ ແລະ ຄ່າເດີນທາງ ແຕ່ດ່ານຊາຍແດນເຂົ້າ ສູນຈຳກັດບໍລິເວນ ຫຼື ຢູ່ໂຮງຫມໍ.
ຮຽກຮ້ອງໃຫ້ທຸກພາກສ່ວນ, ທຸກອົງການຈັດຕັ້ງໃນສັງຄົມ ເປັນເຈົ້າການ ແລະ ເອົາໃຈໃສ່ເພີ່ມທະວີຄວາມເຂັ້ມງວດຕໍ່ມາດຕະການທາງດ້ານສາທາລະນະສຸກ ແບບຕະລຸມບອນ ຢູ່ບ້ານທີ່ມີກໍລະນີຕິດເຊື້ອໃນຊຸມຊົນ ໂດຍໃຫ້ກັກຕົວຄົບຕາມກຳນົດເວລາ 10 ວັນ, ສຳລັບຜູ້ບໍ່ມີອາການ. ສ່ວນຜູ້ມີອາການແມ່ນໃຫ້ຈຳກັດບໍລິເວນຮອດ 13 ວັນ; ສໍາລັບຜູ້ສໍາພັດໃກ້ຊິດ (C1) ແມ່ນໃຫ້ເອົາໃຈໃສ່ແຍກຈຳ ກັດບໍລິເວນໃຫ້ຄົບກຳນົດ 07 ວັນ ຈຶ່ງອະນຸຍາດໃຫ້ອອກເຄື່ອນໄຫວ ຫຼື ໃຊ້ຊີວິດປົກກະຕິໄດ້.
.
.
.
