ອີງຕາມ ຂ່າວສານເມືອງພູຄູນ ແຂວງຫຼວງພະບາງ ແຈ້ງໃຫ້ຮູ້ວ່າ: ດ່ວນ!!! ເພື່ອປະຕິບັດຕາມຄໍາສັ່ງເລກທີ 15 / ນຍ ແລະ ຄໍາສັ່ງເລກທີ 01 / ຂອງເຈົ້າແຂວງຫຼວງພະບາງ ໃນການຍົກລະດັບ ແລະ ເພີ່ມທະວີມາດຕະການສະກັດກັ້ນ ຄວບຄຸມ ແລະ ກຽມພ້ອມຮອບດ້ານເພື່ອຕ້ານພະຍາດcovid-19 ໃຫ້ເຂັ້ມງວດ ໃນວັນທີ 3 ສິງຫາ 2021 ນີ້ ຄະນະສະເພາະກິດ ຄວບຄຸມແກ້ໄຂຕ້ານການລະບາດຂອງພະຍາດໂຄວິດ-19 ເມືອງພູຄູນ ໄດ້ອອກຄຳສັ່ງເພີ່ມເຕີມ ກ່ຽວກັບການປິດຄົນເຂົ້າ-ອອກເມືອງພູຄູນຊົ່ວຄາວ ຕັ້ງແຕ່ ເວລາ 10 ໂມງ ຂອງວັນທີ 3 ສິງຫາ 2021 ເປັນຕົ້ນໄປ ດັ່ງນັ້ນຈຶ່ງແຈ້ງ ໃຫ້ແຕ່ລະບ້ານຕັ້ງດ່ານຈຸດກວດກາຫ້າມຄົນເຂົ້າ-ອອກຢ່າງເດັດຂາດ, ຫ້າມແຕ່ລະຄອບຄົວ ຫ້າມໄປມາຫາສູ່ ຫຼືເດີນທາງເຂົ້າ-ອອກເມືອງ, ບ້ານຫາບ້ານ. ຂ່າວ: ຂ່າວສານເມືອງພູຄູນ.
ໃນມື້ດຽວກັນ ກໍ່ມີຂ່າວເສົ້າສະຫຼົດ ໃຈການເສຍຊີວິດຂອງ ສະຫາຍ ທອງຈັນ ແພງຈັນທີ (ຮັກສາການເລຂາພັກເມືອງພູຄູນ, ເຈົ້າເມືອງພູຄູນ)
ຄະນະພັກ, ອົງການປົກຄອງເມືອງພູຄູນ, ຄອບຄົວນາງໝ້າຍ ວິໄລ ອົງມີໄຊ ພ້ອມດ້ວຍຍາດຕິພີ່ນ້ອງລູກຫຼານ ຂໍແຈ້ງຂ່າວເສົ້າສະະຫຼົດໃຈມາຍັງການຈັດຕັ້ງພັກ-ລັດ, ເພື່ອນມິດສະຫາຍທີຢູ່ໃກ້ຫຼືໄກ ຊາບທົ່ວເຖິງກັນວ່າ: ສະຫາຍ ທອງຈັນ ແພງຈັນທີ ອະດີດຮັກສາການເລຂາພັກເມືອງ ອະດີດຄະນະບໍລິຫານງານພັກເມືອງພູຄູນ ສະໄໝທີIV ອະດີດເຈົ້າເມືອງພູຄູນ ໄດ້ເຖິງແກ່ມໍລະນະກຳແລ້ວ ເວລາປະມານ 5 ເຊົ້າຂອງວັນທີ 3 ສິງຫາ2021.
