ກົມຕຳຫຼວດກວດຄົນເຂົ້າ-ອອກເມືອງ ຂໍຖືເປັນກຽດ ແຈ້ງມາຍັງທ່ານຊາບວ່າ: ເພື່ອປະຕິບັດຕາມຄໍາສັ່ງ ຂອງທ່ານນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021 ແລະ ບັນດາ ແຈ້ງການ ກ່ຽວກັບມາດຕະການປ້ອງກັນ, ຄວບຄຸມ ແລະ ແກ້ໄຂ ການລະບາດ ຂອງພະຍາດ COVID-19 ບໍ່ໃຫ້ແຜ່ລາມອອກເປັນວົງກວ້າງ ຢູ່ ສປປ ລາວ.ຈຶ່ງແຈ້ງໃຫ້ບັນດາທ່ານ ເອົາໃຈໃສ່ປະສານສົມທົບກັບດ່ານເຊິ່ງໜ້າ ເພື່ອຮັບເອົາ ແຮງງານລາວ ຫຼື ພົນລະເມືອງລາວ ທີ່ຕົກຄ້າງຢູ່ ຣາຊະອານາຈັກໄທ, ໂດຍຕ້ອງປະຕິບັດຕາມກົນໄກ ຄືດັ່ງນີ້:
![ແຮງງານລາວ 349 ຄົນ ໄດ້ຮັບການຊ່ວຍເຫຼືອເອົາກັບຄືນປະເທດ ຜ່ານດ່ານ ຂົວມິດຕະພາບ 1 – All in LAOS](https://www.allinlaos.com/wp-content/uploads/2020/05/fb_img_15891044095636377116316493500812.jpg)
1. ແຮງງານລາວ ຫຼື ພົນລະເມືອງລາວ ທີ່ມີເອກະສານເດີນທາງຖືກຕ້ອງ, ຄົບຖ້ວນ ໃຫ້ຖືເອົາກົນໄກການປະສານສົມທົບກັບດ່ານເຊິ່ງໜ້າ ເພື່ອຮັບເອົາເຂົາເຈົ້າກັບຄືນ ສປປ ລາວ
2. ການຮັບເອົາແຮງງານລາວ ຫຼື ພົນລະເມືອງລາວ ທີ່ເດີນທາງໄປ ຣາຊະອານາຈັກໄທ ແບບບໍ່ຖືກຕ້ອງ ໃຫ້ປະຕິບັດຄືດັ່ງນີ້: (ສຶກສາອົບຮົມ, ກ່າວເຕືອນ ແລະ ຫ້າມບໍ່ໃຫ້ມີການປັບໃໝ)
![ຕ້ອນຮັບ ແຮງງານລາວ 103 ຄົນ ທີ່ມາຈາກປະເທດສຸມສ່ຽງ ເຂົ້າສູນກັ່ນຕອງ ຫຼັກ 27 ນະຄອນຫຼວງວຽງຈັນ – All in LAOS](https://www.allinlaos.com/wp-content/uploads/2020/05/Cover-1.png)
2.1 ຜູ້ທີ່ມີເອກະສານ ຫຼື ຂໍ້ມູນ ທີ່ສາມາດຢັ້ງຢືນວ່າເປັນພົນລະເມືອງລາວ ເຊັ່ນ: ບັດປະຈຳຕົວ, ສໍາມະໂນຄົວ ຫຼື ໜັງສືຢັ້ງຢືນອື່ນ ໃຫ້ປະຕິບັດ ຕາມກົນໄກການປະສານສົມທົບ ກັບດ້ານເຊິ່ງໜ້າ ເພື່ອຮັບເອົາເຂົາເຈົ້າກັບຄືນ ສປປ ລາວ
![gh4 | ຂ່າວທັນເຫດການ](https://laoevent.com/wp-content/uploads/2021/03/laoevent.com-gh4.jpg)
2.2 ຜູ້ທີ່ບໍ່ມີເອກະສານ ຫຼື ຂໍ້ມູນ ທີ່ບໍ່ສາມາດຢັ້ງຢືນວ່າເປັນພົນລະເມືອງລາວ ໃຫ້ປະສານສົມທົບກັບດ່ານເຊິ່ງໜ້າເພື່ອເກັບກໍາຂໍ້ມູນ ເຊັ່ນ: ຊື່, ນາມສະກຸນ, ວັນເດືອນປີເກີດ, ທີ່ຢູ່ໃນ ສປປ ລາວ, ໄປເຮັດວຽກຫຍັງຢູ່ ໄທ, ເບີໂທພໍ່-ແມ່ ຫຼືຍາດພີ່ນ້ອງຢູ່ ລາວ ເພື່ອສັງລວມຂໍ້ມູນ ປະສານຫາພາກສ່ວນກ່ຽວຂ້ອງ ພິສູດວ່າເປັນພົນລະເມືອງລາວແທ້ ກ່ອນຈະອະນຸຍາດ ໃຫ້ເດີນທາງເຂົ້າ ສປປ ລາວ
![ຕົ້ນປີ! ມີແຮງງານລາວ ລັກລອບເຂົ້າປະເທດຜ່ານເມືອງສອງຄອນ ທັງໝົດ 85 ຄົນ - ເປັນເລື່ອງ](https://penkhao.com/wp-content/uploads/2021/01/laoevent.com-hn4-2.jpg)
3. ການຮັບເອົາ ພົນລະເມືອງລາວ ຫຼື ແຮງງານລາວ ທຸກຄັ້ງ ຕ້ອງຮີບຮ້ອນປະສານສົມທົບກັບ ຄະນະສະເພາະກິດທ້ອງຖິ່ນນັ້ນ ເພື່ອພາຕົວພວກກ່ຽວ ໄປກວດຫາເຊື້ອ COVID-19 ແລະ ໄປຈໍາກັດບໍລິເວນ ຕາມສະຖານທີ່ ທີ່ກໍານົດໄວ້.ຈາກນັ້ນ ໃຫ້ສັງລວມຂໍ້ມູນລາຍງານ ກົມຕໍາຫຼວດກວດຄົນເຂົ້າ-ອອກເມືອງ ປະຈໍາວັນ (14:00 ໂມງ).
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ ຢ່າງເຂັ້ມງວດ.
![ไม่มีคำอธิบายรูปภาพ](https://scontent.fvte2-3.fna.fbcdn.net/v/t1.6435-9/213474290_4203024799790748_7053544041041357899_n.jpg?_nc_cat=106&ccb=1-3&_nc_sid=dbeb18&_nc_ohc=NchirFtKryYAX8j6-Hd&_nc_ht=scontent.fvte2-3.fna&oh=3a798a6ddfb85d8b1a9463bc2845fca4&oe=60F2D41D)
.