ໃນເວລາ 8: 30 ນາທີ ຂອງວັນທີ 29 ມີນາ 2021 ທີ່ຜ່ານມາ ທ່ານ ລົມ ແພງສຸກ ກໍາມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງບໍລິຄໍາໄຊ ໄດ້ລົງຢ້ຽມຢາມຫ້ອງຮຽນພອນສະຫວັນຂອງແຂວງທີ່ຕັ້ງຢູ່ເດີ່ນໂຮງຮຽນ ມ.ສ ສີທ່ານາໄຊ ເມືອງປາກຊັນ ແຂວງບໍລິຄໍາໄຊ, ມີຫົວໜ້າຂະແໜງບໍລິຫານ, ວິຊາການຂະແໜງສາມັນ, ຄູສຶກສານິເທດແຂວງ ແລະ ຜູ້ອໍານວຍການ/ຮອງອໍານວຍການໂຮງຮຽນ ມ.ສ ສີທ່ານາໄຊ ແລະ ນ້ອງນັກຮຽນພອນສະຫວັນທີ່ມາຈາກ 7 ຕົວເມືອງຂອງແຂວງເຂົ້າຮ່ວມ.

.

ໃນການລົງຢ້ຽມຢາມຄັ້ງນີ້ກໍ່ເພື່ອເປັນຂັວນ ແລະ ກໍາລັງໃຈໃຫ້ນ້ອງໆນັກຮຽນພອນສະຫວັນ ແລະ ຍັງໄດ້ໂອ້ລົມຕໍ່ນ້ອງນັກຮຽນພອນສະຫວັນໃຫ້ມີຄວາມສາມັກຄີ, ດຸໝັ່ນ, ຂະຫຍັນພຽນ, ຕັ້ງໃຈສຶກສາຮໍ່າຮຽນໃຫ້ກ້າວໜ້າຂື້ນເລື້ອຍໆ ພ້ອມກັນນັ້ນຍັງໄດ້ໄປຢ້ຽມຢາມບ່ອນຢູ່ອາໃສນ້ອງນັກຮຽນພອນສະຫວັນ ແລະ ເຂົ້າຮ່ວມປະຊຸມກັບພາກສ່ວນທີ່ກ່ຽວຂ້ອງເພື່ອວາງແຜນ, ປັບປຸງ, ແກ້ໄຂບັນຫາທີ່ຍັງຄ້າງຄາ ແລະ ເປັນອຸປະສັກຕໍ່ນັກຮຽນ ແລະ ຫ້ອງຮຽນພອນສະຫວັນ.

.

.