ໃນວັນທີ 9 ພະຈິກ 2021 ນີ້, ຢູ່ຫ້ອງວ່າການເມືອງວຽງທອງ ໄດ້ຈັດພິທີມອບເງິນນະໂຍບາຍອຸດໜູນເສຍສະຫລະຊີວິດ ຕໍ່ຜູ້ທີມີຜົນງານ, ຄຸນງານຄວາມດີໃນພາລະກິດຮັບໃຊ້ປະເທດຊາດ ງວດ III ປະຈໍາປີ 2021,

ເຊິ່ງມອບໂດຍ ທ່ານ ວັນວິໄລ ແດນພູຫລວງ ຮອງເລຂາພັກແຂວງບໍລິຄໍາໄຊ, ຜູ້ຊີ້ນໍາວຽກພັກ-ພະນັກງານຂັ້ນແຂວງ, ມີທ່ານເຈົ້າເມືອງ ພ້ອມດ້ວຍຄະນະ ແລະ ຕາງໜ້າແຕ່ລະຄອບຄົວທີ່ໄດ້ຮັບອຸດໜູນ ເຂົ້າຮ່ວມ.

ພິທີ ທ່ານ ສີສຸກ ຄໍາຊົມພູ ຫົວໜ້າຂະແໜງນະໂຍບາຍອຸດໜູນ ພະແນກ ແຮງງານ ແລະ ສະຫວັດດີການສັງຄົມແຂວງ ໄດ້ຜ່ານຂໍ້ຕົກລົງຂອງກະຊວງແຮງງານ ແລະ ສະຫວັດດີການສັງຄົມ, ຂໍ້ຕົກລົງຂອງທ່ານເຈົ້າແຂວງບໍລິຄໍາໄຊ ວ່າດ້ວຍການປະຕິບັດນະໂຍບາຍ ເງິນອຸດໜູນເສຍສະຫລະຊີວິດ ຕໍ່ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດ ໄລຍະຜ່ານມາ ຢູ່ເມືອງວຽງທອງ ຈໍານວນ 7 ທ່ານ, ລວມເປັນເງິນທັງໝົດ 174 ລ້ານກວ່າກີບ.

ຂ່າວ-ພາບ: ກ້ອງ ປາເຢັງລີ