ແຈ້ງການ: ເນື່ອງຈາກວ່າສະພາບການແຜ່ລະບາດຂອງເຊື້ອພະຍາດໂຄວິດ-19 ຢູ່ພາຍໃນ ສປປ ລາວ ແລະບັນດາ ປະເທດເພື່ອນບ້ານຍັງມີຜູ້ຕິດເຊື້ອຫຼາຍຂຶ້ນເລື້ອຍໆ ໂດຍສະເພາະການພົບກໍລະນີຜູ້ຕິດເຊື້ອຢູ່ແຂວງຫຼວງນ້ຳທາ ແລະ ແຂວງຄຳມ່ວນ ແມ່ນກໍລະນີທີ່ເດີ່ນທາງຈາກເຂດເສດຖະກິດພິເສດສາມຫຼ່ຽມຄໍາ (ອາດເປັນກໍລະນີຜູ້ຕິດເຊື້ອທີ່ບໍ່ສະແດງອາການທີ່ກວດບໍ່ພົບຈາກການລະບາດຄັ້ງກ່ອນ) ເພື່ອເປັນການປ້ອງກັນ ແລະຄວບຄຸມການຕິດເຊື້ອ, ແຜ່ເຊື້ອບໍ່ໃຫ້ມີການແຜ່ລະບາດໄປເປັນວົງກວ້າງ.
![](https://pakaad.com/wp-content/uploads/2021/08/fb_img_16278283657844537163097691265863-1024x568.jpg)
ຄະນະສະເພາະກິດປ້ອງກັນໂຄວິດ-19 ແຂວງບໍ່ແກ້ວ ຂໍຖືເປັນກຽດ ແຈ້ງມາຍັງ ເຂດເສດຖະກິດພິເສດສາມຫຼ່ຽມຄຳ, ອົງການຈັດຕັ້ງພັກ-ລັດ, ສະພາປະຊາຊົນແຂວງ, ອົງການຈັດຕັ້ງມະຫາຊົນ, ແນວລາວສ້າງຊາດ, ສອງກອງບັນຊາການປກຊ-ປກສ, ບັນດາເຈົ້າເມືອງ 5 ເມືອງ, ນັກທຸລະກິດ, ຜູ້ປະກອບການ ແລະ ປະຊາຊົນບັນດາເຜົ່າ ທົ່ວແຂວງບໍ່ແກ້ວ ເພື່ອຊາບ ດັ່ງນີ້:
![](https://pakaad.com/wp-content/uploads/2021/08/fb_img_16278283629844882160543908332423.jpg)
1. ປິດການເດີນທາງເຂົ້າ-ອອກພາຍໃນເຂດເສດຖະກິດພິເສດສາມຫຼ່ຽມຄຳ ເລີ່ມແຕ່ເວລາ 00:00 ໂມງ ຂອງ
ວັນທີ 01 ສິງຫາ ຫາ ເວລາ 24:00 ໂມງ ຂອງວັນທີ 15 ສິງຫາ 2021 ເປັນຕົ້ນໄປ.
![](https://pakaad.com/wp-content/uploads/2021/08/fb_img_16278283610815776386414810931584.jpg)
2. ມອບໃຫ້ເຈົ້າໜ້າທີ່ແພດໝໍ ສົມທົບກັບທຸກພາກສ່ວນທີ່ກ່ຽວຂ້ອງຄົ້ນຫາເອົາຜູ້ສຳພັດ, ໃກ້ສິດກໍລະນີ້ຜູ້ຕິດເຊື້ອດັ່ງກ່າວ ອອກຈາກຊຸມຊົນເພື່ອປິ່ນປົວໂດຍໄວ.
![](https://pakaad.com/wp-content/uploads/2021/08/fb_img_16278283580374926613676611970414.jpg)
3. ໃຫ້ດ່ານຈຸດກວດກາ ແລະ ບ້ານ ທີ່ຢູ່ໃກ້ຄຽງເຂດຊາຍແດນ, ຕິດກັບເຂດທີ່ມີຄວາມສ່ຽງພ້ອມກັນເອົາໃຈໃສ່ຕິດຕາມ, ກວດກາການລັກລອບເຂົ້າ-ອອກບໍ່ຖືກຕ້ອງຢ່າງເຂັ້ມງວດ.
![](https://pakaad.com/wp-content/uploads/2021/08/fb_img_1627828285288290557983094815037.jpg)
ດັ່ງນັ້ນ, ຈຶ່ງແຈ້ງມາຍັງບັນດາທ່ານເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ຢ່າງເຂັ້ມງວດ.
![](https://pakaad.com/wp-content/uploads/2021/08/fb_img_16278256280818649110241890626641.jpg)
.
![](https://pakaad.com/wp-content/uploads/2021/08/photocollage_20210801_2132125056877764176617062073-1024x576.jpg)