Skip to content
  • Home

ປະກາດ Pakaad

ຮຽນຮູ້, ແບ່ງປັນ, ສ້າງສັນສັງຄົມ

  • ໜ້າຫລັກ
  • ຂ່າວສານບ້ານເມືອງ
  • ລັດຖະບານ
  • ທຸລະກິດ
  • ວັດທະນະທໍາ
  • ການກຸສົນ
  • ທ່ອງທ່ຽວ
  • Toggle search form

ເຮັດຈັ່ງໃດບໍ່ໃຫ້ເຖົ້າໄວ “Anti-Aging” ?

Posted on 14/06/202118/06/2021 By ເພສັຊະກອນ ຈິດຕະມັງກອນ ປຸມະລັດ No Comments on ເຮັດຈັ່ງໃດບໍ່ໃຫ້ເຖົ້າໄວ “Anti-Aging” ?

#ເລົ່າເລື່ອງສຸຂະພາບປະຈຳວັນ

ທ່ານໝໍຜູ້ຊ່ຽວຊານດ້ານຊະຣໍຄວາມແກ່ຊະລາທ່ານໜື່ງເຄີຍກ່າວໃວ້ວ່າ: ໃນອະດີດ ວິທະຍາການດ້ານການຊະຣໍຄວາມແກ່ຊະຣາເປັນວິທະຍາການໃໝ່ທີ່ໜ້ອຍຄົນຈະຮູ້ຈັກ ແຕ່ມາມື້ນີ້ກາຍເປັນທີ່ຮູ້ຈັກແລະເປັນທີ່ເຂົ້າໃຈໃນກຸ່ມຄົນຈຳນວນຫຼາຍ ບໍ່ວ່າຈະເປັນຄຣີນິກ ສູນຄວາມງາມ ສະຫຼາກຜະລິດຕະພັນ ບຳລຸງຜິວ ຫຼື ທັງຂວດເຄື່ອງດື່ມ ທັງທີ່ມີການຮູ້ຢ່າງແຜ່ຫຼາຍ ແຕ່ຄວາມເຂົ້າໃຈຢ່າງເລິກເຊີ່ງແມ່ນຍັງມີຂໍ້ຈຳກັດ

ແລະ ທ່ານຍັງກ່າວອີກວ່າ “ວິທະຍາການດ້ານການຊະຣໍຄວາມແກ່ຊະຣາ ນັ້ນບໍ່ແມ່ນຄວາມສວຍງາມພາຍນອກ ຜິວພັນເຕັ່ງຕຶງ ບໍ່ມີຮອຍຕີນກາໃນໃບໜ້າ ຫ່ຽວຍານ ແຕ່ຕ້ອງອາໄສການເບີ່ງແຍງເອົາໃຈໃສ່ຈາກພາຍໃນ ເຊີ່ງເປັນສິ່ງທີ່ສຳຄັນທີ່ສຸດ ຫາກດີມາຈາກຂ້າງໃນຈະສົ່ງຜົນຕໍ່ພາຍນອກອີກດ້ວຍ”

ແທ້ຈິງແລ້ວວິທະຍາການດ້ານການຊະຣໍຄວາມແກ່ຊະຣາ ເປັນສາຂາວິຊາການແພດສະໄໝໃໝ່ທີ່ເນັ້ນການຮັກສາປ້ອງກັນແລະຟື້ນຟູຄວາມເສື່ອມຂອງຮ່າງກາຍຈາກອາຍຸສູງຂື້ນ

ຫຼັກຂອງການຊະຣໍຄວາມແກ່ຊະຣາ ຄືການສົມດຸນຮ່າງກາຍຕັ້ງແຕ່ຮໍໂມນ ສານອະນຸມູນອິດສະຫຼະ ສານຕ້ານອະນຸມູນອິດສະຫຼະ ແລະ ລະບົບຊີວະເຄມີ ໃນຮ່າງກາຍໃຫ້ສົມດຸນກັນ ເຊັ່ນ: ລະບົບຍ່ອຍອາຫານ, ລະບົບພູມຕ້ານທານຮ່າງກາຍເປັນຕົ້ນ ອີງໃສ່ພື້ນຖານການພັກຜ່ອນໃຫ້ພຽງພໍ ຄວບຄຸມອາລົມໃຫ້ດີ ກິນອາຫານໃຫ້ຄົບ 5 ໝູ່ ຮັບອາກາດທີ່ບໍລິສຸດ ອອກກຳລັງກາຍໃຫ້ເໝາະສົມກັບສະພາບຮ່າງກາຍ ແລະ ອາຍຸ.

ຫາກຈະທຽບກັບ ສາດການແພດຈີນ ແພດຈີນກໍ່ຈະເນັ້ນການສົມດຸນຂອງຮ່າງກາຍເຊັ່ນກັນ ແຕ່ຈະໃຫ້ນໍ້າໜັກການສົມດຸນຂອງ ຢິ໋ນ ແລະ ຢ໋າງ ເຊີ່ງແພດຈີນເຫັນວ່າ ພາວະຢິ໋ນ-ຢ໋າງ ເສຍສົມດຸນຄືບໍ່ເກີດ ຂອງການເສຍສົມດຸນອື່ນໆຕາມມາ ຢ່າງໃດກໍ່ຕາມການແພດຈີນສະໄໝໃໝ່ກໍ່ມີກ່າວເຖິງວິທະຍາການດ້ານການຊະຣໍຄວາມແກ່ຊະຣາ ດ້ວຍສາດການແພດຈີນຢູ່ເຊັ່ນກັນ

ມີການສຶກສາເຖິງອາຍຸໄຂຂອງສິ່ງທີ່ມີຊີວິດ ເຊີ່ງລວມທັງມະນຸດ ແລະ ສັດສາວາສິ່່ງທີ່ມີຊີວິດໃດ ຈະມີອາຍຸຍືນຍາວເທົ່າໃດ ເຊີ່ງໃນນັ້ນ ຈະບໍ່ນຳມາປຽບທຽບ ເຮົາຮູ້ແຕ່ວ່າ ໂດຍສະຖິຕິແລ້ວ ການວິໄຈຫຼາຍບົດທົ່ວໂລກເຫັນກົງກັນວ່າ ຄົນເຮົາຈະມີຊີວິດຍືນຍາວແຕ່ 120-140 ປີ ແຕ່ຈາກການຕິດຕາມຂ່າວສານ ເຮົາພົບເຫັນວ່າຄົນທີ່ອາຍຸຍືນທີ່ສຸດຈະຢູ່ປະມານ 123-125 ປີ ເທົ່າທີ່ພົບເຫັນແມ່ນຄົນຍີ່ປຸ່ນ ແລະ ຄົນຢູໂຣບ ສຳລັບປະເທດໄທ ອາຍຸຫຼາຍທີ່ສຸດຈະປະມານ 109-115 ປີ

ໂດຍ: ເພສັຊະກອນ ຈິດຕະມັງກອນ ປຸມະລັດ

Featured, ຮັກສຸຂະພາບ

Post navigation

Previous Post: ໂຄວິດ-19 ທົ່ວປະເທດ ຕິດສະສົມກາຍ 2000 ຄົນແລ້ວ (ນະຄອນຫຼວງ +7)
Next Post: ພົບຄົນຕິດເຊື້ອໃໝ່ 1 ຄົນ ລາຍງານ ວັນທີ 17 ມິຖຸນາ 2021

Related Posts

ແຈ້ງການຈາກ ປກສ ນະຄອນຫຼວງວຽງຈັນ Featured
ແຂວງຫົວພັນ ເປີດຕະຫລາດນັດວາງສະແດງ ແລະ ຂາຍສິນຄ້າໂອດ໊ອບ Featured
ທົ່ວປະເທດ ປົວດີ 72 ຕິດເພີ່ມ 394 Featured
ອ່ານແດ່ເດີປິດຊົ່ວຄາວຕະຫຼາດໂພສີນະຄອນຫຼວງພະບາງ Featured
ອາກາດ ຍັງສືບຕໍ່ຮ້ອນຢູ່ທົ່ວໄປແລະ ຍັງຈະມີຝົນຕົກ ຟ້າຮ້ອງ ຟ້າເຫລື້ອມ Featured
ນະຄອນຫຼວງວຽງຈັນ ມີ 38 ປໍ້າ ເປີດມື້ນີ້ Featured

Leave a Reply Cancel reply

Your email address will not be published. Required fields are marked *

Copyright © 2023 ປະກາດ Pakaad.

Powered by PressBook Grid Blogs theme