ປກສ ບໍ່ແກ້ວ ສົມທົບ ປກສ ຕົ້ນເຜິ້ງ ເຂົ້າຈັບກຸມເປົ້າໝາຍຄະດີຢາເສບຕິດ ພ້ອມຂອງກາງກວ່າ 40 ກິໂລກຼາມ.
![](https://pakaad.com/wp-content/uploads/2021/07/fb_img_16269579303203577326842524046320.jpg)
ວັນທີ 21 ກໍລະກົດ 2021 ທີ່ຜ່ານມາທາງຫ້ອງຕໍາຫຼວດ ກອງບັນຊາການ ປກສ ແຂວງບໍ່ແກ້ວ ໄດ້ລົງສົມທົບກັບກອງບັນຊາການ ປກສ ເມືອງຕົ້ນເຜິ້ງ ເຂົ້າມ້າງເປົ້າໝາຍຄ້າຂາຍຢາເສບຕິດ ຢູ່ບ້ານມອມ ເມືອງຕົ້ນເຜິ້ງແຂວງບໍ່ແກ້ວ ສາມາດກັກຕົວເປົ້າໝາຍໄດ້ 01 ຄົນ ຊື່ທ້າວ ສົມຈິດ ແກ້ວໃຈ ພ້ອມທັງໄດ້ກວດຄົ້ນເຮືອນຂອງຜູ້ກຽວ ໄດ້ພົບເຫັນຄື:
- 1. ຢາໄອສ ຈຳນວນ 2 ເປົ່າເທົ່າກັບ 40 ຫໍ່ ມີນໍ້າໜັກ 40 ກິໂລກຼາມ.
- 2. ໂທລະສັບ 01 ໜ່ວຍ.
![](https://pakaad.com/wp-content/uploads/2021/07/fb_img_1626957928205501610741636499260.jpg)
ຜ່ານການສືບສວນ-ສອບສວນ ທ້າວ ສົມຈິດ ໄດ້ໃຫ້ການຊັດທອດຫາຜູ້ເຂົ້າຮ່ວມຂະບວນການຄື:
- 1. ທ້າວ ໄມ່ແອ່ນ ອາຍຸປະມານ 29 ປີ, ອາຊີບເຮັດນາ ຢູ່ບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ.
- 2. ທ້າວ ຍອດແສງ ແສງສະຫວັນ ອາຍຸ 26 ປີ ຢູ່ບ້ານ ສີດອນມີ, ເມືອງຕົ້ນເຜິ້ງ ແຂວງບໍ່ແກ້ວ.
![](https://pakaad.com/wp-content/uploads/2021/07/fb_img_16269579261171463733670504735219.jpg)
ຈາກນັ້ນທາງເຈົ້າໜ້າທີ່ພວກເຮົາ ໄດ້ເຂົ້າກວດຄົ້ນເຮືອນຂອງທ້າວ ໄມ່ແອ່ນ (ແຕ່ຜູ້ກ່ຽວໄດ້ເອົາຕົວຫຼົບໜີກ່ອນ) ຜ່ານການກວດຄົ້ນເຮືອນແມ່ນບໍ່ພົບເຫັນສິ່ງທີ່ຜິດກົດໝາຍ ແລະ ໄດ້ເຂົ້າກັກຕົວທ້າວ ຍອດແສງ
ແສງສະຫວັນ ຢູ່ບ້ານ ສີດອນມີ ເມືອງຕົ້ນເຜິ້ງ ພ້ອມທັງ ກວດຄົ້ນເຮືອນຂອງຜູ້ກ່ຽວ ໄດ້ພົບເຫັນຄື:
- 1. ຢາບ້າຈຳນວນ 367 ມັດ, 07 ຖັງນ້ອຍ, 147 ເມັດ ເທົ່າກັບ735.547 ເມັດ, ມີນໍ້າໜັກ73,5 ກິໂລ.
- 2. ປືນເບີ 01 ກະບອກ ພ້ອມລູກ 24 ລູກ.
- 3. ເຮືອກາບ 01 ລໍາ
- 4. ໂທລະສັບ 02 ໜ່ວຍ.
![](https://pakaad.com/wp-content/uploads/2021/07/fb_img_16269579234244805299363480218208.jpg)
ປະຈຸບັນທາງເຈົ້າໜ້າທີ່ພວກເຮົາພວມດຳເນີນຄະດີ ສືບສວນ-ສອບສວນຂະຫຍາຍຜົນຊອກຫາກຸ່ມແກ້ງຜູ້ຮ່ວມຂະບວນການມາດຳເນີນຄະດີຕາມລະບຽບຂອງກົດໝາຍ.
ພາບ-ຂ່າວ: ຮອ ວິທູນ ແກ້ວກັນຍາ