ຂ່າວແຂວງຫົວພັນ

ໃນໂອກາດທີ່ທ່ານວັນໄຊ ແພງຊຸມມາ ເຈົ້າແຂວງໆຫົວພັນພ້ອມດ້ວຍຄະນະລົງເຄື່ອນໄຫວຟ້ຽມຢາມແລະເຮັດວຽກຢູ່3ເມືອງ:ເມືອງວຽງໄຊ,ເມືອງຊໍາໃຕ້ ແລະເມືອງກວັນ.ທ່ານພ້ອມດ້ວຍຄະນະຍັງໄດ້ເຂົ້າຢ້ຽມຢາມ ແລະໂອ້ລົມນາຍແລະພົນທະຫານກອງຮ້ອຍ218ທະຫານຊາຍແດນ ຕື່ມອີກ,ໂດຍໄດ້ຮັບການຕ້ອນຮັບຈາກ ສະຫາຍ ພັນຕີ ໄມຄໍາ ລັດຕະນະໄຊ ຫົວຫນ້າກອງຮ້ອຍ218 ພ້ອມດ້ວຍນາຍແລະພົນທະຫານດ້ວຍຄວາມອົບອຸ່ນ.

ຈຸດປະສົງໃນການເຂົ້າຢ້ຽມຢາມໃນຄັ້ງນີ້ກໍ່ເພື່ອຢື່ຢາມຖາມຂ່າວເຖິງຄວາມສະດວກຄວາມຫຍຸ້ງຍາກ,ໃນການເຄື່ອນໄຫວວຽກງານ,ຊິວິດການເປັນຢູ່ຂອງນາຍແລະພົນທະຫານກອງຮ້ອຍ218ແລະທ່ານຍັງເນັ້ນຫນັກຫລາຍບັນຫາທີ່ຈະຕ້ອງເອົາໃຈໃສ່ພ້ອມວ່າວຽກງານປ້ອງກັນຊາດເປັນວຽກງານທີ່ສໍາຄັນຕໍ່ພາລະກິດປົກປັກຮັກສາແລະສາສ້າງພັດທະນາປະເທດຊາດ,ສະນັ້ນ ຕ້ອງແບ່ງປະຈໍາການ,ອອກກວດກາລາດຕະເວນເຂດຊາຍແດນໃຫ້ເປັນປົກກະຕິ,ຕ້ອງປະຕິບັດຫນ້າທີ່ຕະຫຼອດ24ຊົ່ວໂມງ,ຕ້ອງມີສະຕິລະວັງຕົວສະກັດກັ້ນ,ຕ້ານທຸກກົນອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ ແລະ ຕອບຕ້ານການທຸກເຄື່ອນໄຫວຂອງສັດຕູ,ກຸ່ມຄົນບໍ່ຫວັງດີຢູ່ສະເຫມີ ແລະກຳລັງປະກອບອາວຸດຕ້ອງມີຄວາມຫນັກແຫນ້ນທາງດ້ານການເມືອງແນວຄິດ,ຕ້ອງມີຄວາມຈົ່ງຮັກພັກດີຕໍ່ພັກ,ຕໍ່ປະເທດຊາດ,ຕໍ່ປະຊາຊົນ,ຕ້ອງມີນໍ້າໃຈເສຍສະຫຼະມິນະອົດທົນ,ເພິ່ງຕົນເອງ,ກຸ້ມຕົນເອງ,ສ້າງຄວາມເຂັ້ມແຂງດ້ວຍຕົນເອງ,ປົກປັກຮັກສາເຂດຊາຍແດນບໍ່ໃຫ້ເກີດປະກົດການຫຍໍ້ທໍ້ສອງພາກຊາຍແດນ,ຮັບປະກັນໃຫ້ເປັນຊາຍແດນສັນຕິພາບແລະພັດທະນາຮອບດ້ານ.