ລາຍງານຈາກເພຈຄະນະສະເພາະກິດໃຫ້ຮູ້ໃນເຊົ້າວັນທີ 19 ຕຸລາ 2021 ນີ້ວ່າ: ໃນວັນທີ 18 ຕຸລາ 2021 ໄດ້ກວດວິເຄາະທັງໝົດ 5911 ຕົວຢ່າງ, ນະຄອນຫຼວງ 1757 ຕົວຢ່າງ, ສະຫວັນນະເຂດ 276, ຈໍາປາສັກ 96, ຫຼວງພະບາງ 446, ຄໍາມ່ວນ 1071, ກວດພົບເຊື້ອ 657 ຕົວຢ່າງ ໃນນີ້ມີ ນໍາເຂົ້າພຽງ 1​ ຄົນ ແລະ ຕິດໃນຊຸມຊົນ 656 ຄົນ

ເຊິ່ງແຕ່ລະແຂວງມີການຕິດເຊື້ອດັ່ງນີ້: ນະຄອນຫຼວງ: 239 (ຊຸມຊົນ), ຫຼວງພະບາງ: 72 (ຊຸມຊົນ), ບໍ່ແກ້ວ: 1 (ຊຸມຊົນ), ວຽງຈັນ: 155 (ຊຸມຊົນ), ບໍລິຄໍາໄຊ: 25 (ຊຸມຊົນ), ໄຊສົມບູນ: 16 (ຊຸມຊົນ), ຄໍາມ່ວນ: 126 (ຊຸມຊົນ), ສາລະວັນ: 4 (ຊຸມຊົນ), ສະຫວັນນະເຂດ: 10 ໃນນີ້ມີ 1 (ນໍາເຂົ້າ) ແລະ 9 (ຊຸມຊົນ), ແລະ ຈໍາປາສັກ: 9 (ຊຸມຊົນ).

ທີ່ເສົ້າໃຈແມ່ນ ມີຜູ້ເສຍຊີວິດເພີ່ມໃນມື້ດຽວເຖິງ 5 ຄົນ, ເຮັດໃຫ້ຍອດສະສົມຜູ້ເສຍຊີວິດຮອດມື້ນີ້ແມ່ນ 45​ຄົນ, ຕິດເຊື້ອສະສົມ 32.971 ຄົນ, ປິ່ນປົວຫາຍດີໃນວັນທີ 18 ຕຸລາ 2021​ ແມ່ນ 268 ຄົນ