ໃໝ່ຫຼ້າສຸດ! ແຈ້ງການຂອງ ສນຍ ຍົກລະດັບຮັບມື ໂຄວິດ-19.
ກະລຸນາອ່ານແລະແຊບອກຕໍ່ໆ
ວັນທີ 31 ສິງຫາ 2021 ນີ້, ທ່ານນາງ ທິບພະກອນ ຈັນທະວົງສາ ຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ຮອງຫົວໜ້າຄະນະສະເພາະກິດ, ຜູ້ປະຈຳການ, ຫົວໜ້າກອງເລຂາ ກ່ຽວກັບ ການສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດ ໂຄວິດ-19 ໄລຍະ15 ວັນຕໍ່ໜ້າ ໂດຍເລີ່ມແຕ່ເວລາ 00:00 ໂມງ ຂອງວັນທີ 1-15 ກັນຍາ 2021 ໂດຍໄດ້ກຳນົດມາດຕະການຕ້ອງເພີ່ມທະວີການປະຕິບັດ, ການຫ້າມ ແລະ ການຈໍາກັດ 13 ມາດຕະການ ແລະ 12 ມາດຕະການຜ່ອນຜັນ.
ຕາມການປະເມີນສະພາບການລະບາດ ແລະ ການຈັດຕັ້ງປະຕິບັດມາດຕະການຕ່າງໆ ໃນຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021, ແຈ້ງການ ສະບັບເລກທີ 1036/ຫສນຍ, ລົງວັນທີ 19 ສິງຫາ 2021 ແລະ ມາດຕະການຕ່າງໆ ທີ່ໄດ້ວາງອອກ ຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19 ຂັ້ນສູນກາງ ເຫັນວ່າ: ສະພາບການລະ ບາດພະຍາດຢູ່ ສປປ ລາວ ໃນປັດຈຸບັນຂອບເຂດທົ່ວປະເທດ ແມ່ນຈັດຢູ່ໃນລະດັບຄວາມຮ້າຍແຮງ ການລະບາດ ລະດັບ 1, ແຕ່ບາງແຂວງແມ່ນຈັດຢູ່ໃນລະດັບ 2 ເຊັ່ນ: ບໍ່ແກ້ວ, ສະຫວັນນະເຂດ ແລະ ນະຄອນຫລວງວຽງຈັນ ເຊິ່ງມີຄວາມສ່ຽງສູງທີ່ຈະລະບາດໃນຊຸມຊົນເປັນວົງກວ້າງ, ຍ້ອນມີກໍລະນີແຮງງານລາວກັບຄືນປະເທດ ເປັນຈໍານວນຫລວງຫລາຍ, ສະຖານທີ່ຈໍາກັດບໍລິເວນບໍ່ພຽງພໍ, ມີຄວາມແອອັດ, ການພົບສາຍພັນເດວຕາ ເຊິ່ງເຮັດໃຫ້ມີຄວາມສ່ຽງໃນການຕິດເຊື້ອພາຍໃນສູນ ແລະ ແຜ່ລະບາດໄປໃນຊຸມຊົນ, ປັດຈຸບັນນີ້ ພົບການຕິດເຊື້ອໃນຖັນແຖວພະນັກງານແພດ ແລະ ພະນັກງານເຮັດວຽກດ່ານໜ້າຈຳນວນໜຶ່ງ ລວມທັງຢູ່ບາງສຳນັກງານ, ອົງການ, ລັດວິສາຫະກິດ, ບໍລິສັດເອກະຊົນ ແລະ ຄອບຄົວ ໃນນະຄອນຫລວງວຽງຈັນ.
ສະນັ້ນ, ຢູ່ ສປປ ລາວ ພວກເຮົາ ແມ່ນມີທ່າອ່ຽງຂອງການແຜ່ລະບາດໃນຊຸມຊົນເປັນວົງກວ້າງຂຶ້ນ ຖ້າສັງຄົມຫາກບໍ່ປະຕິບັດມາດຕະການຕ່າງໆທີ່ການຈັດຕັ້ງແຕ່ລະຂັ້ນ ວາງອອກຢ່າງ ດ້ວຍຄວາມຕື່ນຕົວ ແລະ ເຂັ້ມງວດ, ເຊິ່ງມີລາຍລະອຽດດັ່ງນີ້:
.
.
.
.
.
