ຄະນະສະເພາະກິດ ລາຍງານ ຂໍ້ມູນການຮັບວັກຊິນກັນພະຍາດໂຄວິດ-19 ໃນທົ່ວປະເທດລ່າສຸດ ປະຈຳວັນທີ 16/8/2021.

ທົ່ວປະເທດ ສັກເຂັມທີ 1 ມີເຖິງ 1.756.711 ເຂັມ, ແລະ ສັກເຂັມທີ 2 ມີ 1.510.673 ເຂັມ

ເປົ້າໝາຍຂອງລັດຖະບານ ຄື ໃຫ້ ໄດ້ 50% ຂອງ ປະຊາກອນ ທົ່ວປະເທດ ໃນທ້າຍປີ 2021 ນີ້!

ວັກຊີນກັນພະຍາດໂຄວິດ-19 ທີ່ກຳລັງນຳໃຊ້ໃນປະເທດລາວເຊັ່ນ: ຊີໂນຟາມ, ແອັສຕຣາເຊເນກ້າ, ຟາຍເຊີ້ ແລະ ຈອນສັນ ແລະ ຈອນສັນ ແມ່ນລ້ວນແລ້ວແຕ່ມີຄວາມປອດໄພ ແລະ ປະສິດທິຜົນໃນການປ້ອງກັນພະຍາດໂຄວິດ-19, ໂດຍສະເພາະແມ່ນການເຈັບເປັນຮຸນແຮງ ແລະ ການເສຍຊີວິດ. ບັນດາວັກຊີນເຫຼົ່ານີ້ແມ່ນໄດ້ຜ່ານຂັ້ນຕອນການກວດສອບ ແລະ ຮັບຮອງຈາກກະຊວງສາທາລະນະສຸກ, ອົງການອະນາໄມໂລກ ແລະ ຫຼາຍໆໜ່ວຍງານແຫ່ງຊາດທີ່ກ່ຽວຂ້ອງ.

ຍ້ອນວັກຊີນ ຈອນສັນ ແລະ ຈອນສັນ ເປັນວັກຊີນທີ່ສາມາດສ້າງພູມຄຸ້ມກັນໄດ້ພາຍໃນເຂັມດຽວ, ວັກຊີນດັ່ງກ່າວຈຶ່ງເປັນເຄື່ອງມືສຳຄັນທີ່ຈະເຂົ້າເຖິງກຸ່ມທີ່ຢູ່ຫ່າງໄກສອກຫຼີກ ແລະ ສາມາດເພີ່ມອັດຕາການສັກຢາໄດ້ໄວຂຶ້ນ. 😷

ທ່ານທີ່ຢູ່ນະຄອນຫຼວງວຽງຈັນສາມາດລົງທະບຽນໄດ້ໂດຍກົດທີ່ລີ້ງນີ້ http://vaccinatelaos.la

.

ຂໍ້ມູນຈາກ : ສູນຂ່າວສານການແພດສຸຂະສຶກສາ