ຢືນຢັນເປັນທາງການແລ້ວ!!! ລາວຈະໄດ້ຮັບການຊ່ວຍເຫລືອວັກຊີນ 1 ລ້ານໂດສຈາກ ສປ ຈີນ ໃນອາທິດໜ້າ
ສປປ ລາວ ຈະໄດ້ຮັບການຊ່ວຍເຫລືອວັກຊີນປ້ອງກັນພະຍາດໂຄວິດ-19 ຈໍານວນ 1.415.000 ໂດສ ພາຍໃນ ເດືອນສິງຫາ 2021.
ໃນນີ້ ເປັນການຊ່ວຍເຫລືອວັກຊີນ Sinopharm ຈາກລັດຖະບານ ສປ ຈີນ ຈໍານວນ 1 ລ້ານໂດສ ເຊີ່ງຈະມາເຖີງລາວພາຍໃນອາທິດໜ້ານີ້.
ຫລັງນອກຈາກນັ້ນ ຈະໄດ້ຮັບການຊ່ວຍເຫລືອວັກຊີນ Astrazeneca ຈາກລັດ ຖະບານ ອັງກິດ ຈໍານວນ 415.000 ໂດສ . ຂໍ້ມູນນີ້ ໄດ້ຮັບການຢືນຢັນຈາກ ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ, ກະຊວງສາທາລະນະສຸກ ໃນໂອກາດຖະແຫລງຂ່າວປະຈໍາ ວັນທີ 27 ກໍລະກົດ 2021 ທີ່ກະຊວງສາທາລະນະສຸກ.
Cr: ບຸນຕຽງ ຈັນທະວົງ, Lao National Radio
