ຂໍ້ມູນຈາກ ເພນທາງການ ຂອງ European Union in Laos ໃຫ້ຮູ້ວ່າ: “ທ່ານທູດ ອີຢູ, ອີນາ ມາຈູລໍນີແຕ ໄດ້ເຂົ້າຢ້ຽມຂໍ່ານັບ ພະນະທ່ານ ບຸນໂຈມ ອຸບົນປະເສີດ, ລັດຖະມົນຕີກະຊວງການເງິນ ມື້ວານນີ້ ເພື່ອແຈ້ງໃຫ້ຊາບຂ່າວດີຈາກສຳນັກງານໃຫຍ່ຂອງພວກເຮົາດ້ວຍຕົວທ່ານເອງ ກ່ຽວກັບການອະນຸມັດງົບປະມານຊ່ວຍເຫຼືອລ້າ ຈຳນວນ 42,9 ລ້ານເອີໂຣ (515 ຕື້ກີບ) ເຊິ່ງຈະຖືກເບີກຈ່າຍເຂົ້າບັນຊີຄັງເງິນແຫ່ງຊາດ ໃນອີກ 2-3 ທິດຂ້າງໜ້າ.
ການອະນຸມັດງົບປະມານດັ່ງກ່າວແມ່ນພາຍໃຕ້ແຜນງານການສະໜັບສະໜູນງົບປະມານຂອງ ສະຫະພາບ ເອີຣົບ ໃຫ້ແກ່ຂະແໜງການສຶກສາ (ແຜນງານສະໜັບສະໜູນການສຶກສາຂັ້ນພື້ນຖານ) ແລະ ຂະແໜງການໂພຊະນາການ (ແຜນງານສະໜັບສະໜູນການຈັດຕັ້ງປະຕິບັດຍຸດທະສາດແຫ່ງຊາດດ້ານໂພຊະນາການ ແລະ ແຜນປະຕິບັດງານ).
ການສະໜັບສະໜູນດັ່ງກ່າວແມ່ນເປັນໄປໄດ້ຍ້ອນແຜນງານຕອບໂຕ້ໂຄວິດ-19 ຂອງອີຢູ ທີ່ໄດ້ຖືກຮັບຮອງໃນປີ 2020 ໂດຍມີຈຸດປະສົງເພື່ອຫຼຸດຜ່ອນຜົນກະທົບຂອງໂຄວິດ-19 ຕໍ່ຂະແໜງການສຶກສາ ແລະ ສາທາລະນະສຸກ ແລະ ເພື່ອປົກປ້ອງຜູ້ທີ່ມີຄວາມສ່ຽງຫຼາຍທີ່ສຸດ.
The EU Ambassador, Ina Marčilionyté paid a courtesy visit to the HE M. Bounchom Ubonpaseuth, Minister of Finance to personally deliver the good news coming from our HQ.
The payment of €42.9 million euros (LAK 515 billion) has been approved and will be paid to the National Treasury Account in the coming weeks.
This contribution comes from the EU Budget Support Programme for Education (Basic Education Support Programme) and for Nutrition (Support to the Lao PDR National Nutrition Strategy and Plan of Action)
This support was made possible thanks to the EU-Covid 19 respond plan that was adopted in 2020 with the aim to mitigate the COVID-19 impact on the education and health sector and to protect those that are most exposed.