ມາຮອດວັນທີ 28 ມິຖຸນາ 2021 : ໄດ້ກວດວິເຄາະທັງໝົດ 858 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ 25 ຄົນ, ຈາກ ນະຄອນຫຼວງ 1 ກໍລະນີ, ສະຫວັນນະເຂດ 1 ກໍລະນີ, ຈຳປາສັກ 9 ກໍລະນີ, ແຂວງ ວຽງຈັນ 13 ກໍລະນີ ແລະ ຄຳມ່ວນ 1ກໍລະນີ.
ສຳລັບ ນະຄອນຫຼວງວຽງຈັນ 1 ຄົນ ແລະ ແຂວງວຽງຈັນ 13 ຄົນ ແມ່ນກໍລະນີຕິດເຊື້ອໃນຊຸມຊົນ.ສ່ວນ ສະຫວັນນະເຂດ 1 ກໍລະນີ, ຈຳປາສັກ 9 ກໍລະນີ ແລະ ຄຳມ່ວນ 1ກໍລະນີ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານ ໂດຍຖືກຕ້ອງຕາມກົດໝາຍ ເຊິ່ງຖືວ່າ ເປັນກໍລະນີນຳເຂົ້າ.
ດັ່ງນັ້ນ, ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 2,101 ຄົນ, ບໍ່ມີການເສຍຊີວິດໃໝ່ ແລະ ກໍາລັງປິ່ນປົວ ທັງໝົດ 140 ຄົນ.
ກໍລະນີຜູ້ຕິດເຊື້ອໃໝ່ 1 ຄົນ ໃນນະຄອນຫຼວງວຽງຈັນທີ່ພົບໃນມື້ນີ້, ລາຍລະອຽດ ມີດັ່ງຕໍ່ໄປນີ້: ເພດຍິງ, ອາຍຸ 5 ປີ, ສັນຊາດລາວ, ບ້ານຫົວຊ້າງ, ເມືອງນາຊາຍທອງ, ນະຄອນຫຼວງວຽງຈັນ, ຜູ້ກ່ຽວມີອາການໄອ, ມີປະຫວັດສຳຜັດໃກ້ຊິດນຳຜູ້ຕິດເຊື້ອ, ໄປເກັບຕົວຢ່າງຢູ່ ມສ ສີໂຄດ ໃນວັນທີ 28 ມິຖຸນາ 2021 ແລະ ຜົນກວດພົບເຊື້ອ.
ສ່ວນເຂດ/ສະຖານທີ່ ສ່ຽງທີ່ຜູ້ຕິດເຊື້ອເດີນທາງໄປໄລຍະຜ່ານມາ ທີ່ຄ້ອງໄດ້ເຝົ້າລະວັງມີຄື:
- ວັນທີ 17/06/2021: ເວລາ 10:00-10:30 ໂມງ: ໄດ້ໄປຊື້ນົມຢູ່ຮ້ານ ເຈມາກ, ບ້ານໂພນຕ້ອງຈອມມະນີ, ເມືອງຈັນທະບູລີ
- ເວລາ 11:00-12:00 : ໂມງ ໄປຊື້ເຄື່ອງຢູ່ຕະຫລາດຂົວດີນ
- ວັນທີ 21/06/2021: ເວລາ 09:00-11:30 ໂມງ ໄປເຮັດບົດ ຢູ່ບ້ານອາຈານ (ບ້ານດອນກອຍ, ເມືອງໄຊເສດຖາ)
- ວັນທີ 24/06/2021: ໄປຕະຫລາດໂນນສະອາດ
- ວັນທີ 26/06/2021:
- ເວລາ 08:00-08:30 ໂມງ ໄດ້ໄປຕະຫລາດດົງໜາກຄາຍ,
- ເວລາ 14:00-16:30 ໂມງ ໄດ້ໄປນັ່ງກິນຕໍາ ຢູ່ທ່າງ່ອນ ທາງເຂົ້າວັດທ່າງ່ອນ
- ເວລາ 10:00-17:00 ໂມງ ໄດ້ໄປບ້ານພີ່ນ້ອງ ຢູ່ບ້ານຫົວຊ້າງ, ເມືອງນາຊາຍ