ກອງທັບ: ໃນວັນທີ 18 ກໍລະກົດ 2020 ນີ້, ຄະນະນໍາແຂວງໄຊສົມບູນ ເຊິ່ງນໍາໂດຍ ທ່ານ ພົນຕີ ຄໍາລຽງ ອຸທະໄກສອນ ເລຂາພັກແຂວງ, ເຈົ້າແຂວງໆໄຊສົມບູນ ພ້ອມຄະ ນະ ໄດ້ລົງເຄື່ອນໄຫວຊຸກຍູ້ໂຄງ ການກໍ່ສ້າງໂຮງຮຽນການທະ ຫານທ້ອງຖິ່ນແຂວງໄຊສົມບູນ ຢູ່ບ້ານຖໍ້າໂລ້ ເຂດບ້ານເພຍຫຼວງ ເກົ່າ ເຊິ່ງໄດ້ລົງມືກໍ່ສ້າງມາໄດ້ໄລ ຍະໜຶ່ງແລ້ວ ໂດຍໃຫ້ການຕ້ອນ ຮັບຂອງ ທ່ານ ຫງວຽນເທວິງ ວິຊາການປະຈໍາພາກສະໜາມ, ທັງເປັນຜູ້ຕິດຕາມໂຄງການ ພ້ອມດ້ວຍຄະນະ .
ໂອກາດດັ່ງກ່າວ, ຄະນະນຳ ແຂວງໄຊສົມບູນ ໄດ້ຮັບຟັງການ ລາຍງານສະພາບການຈັດຕັ້ງ ປະຕິບັດໂຄງການໂດຍຫຍໍ້ ເປັນ ຕົ້ນແມ່ນການສ້າງເຮືອນນອນຄູ-ອາຈານ 1 ຫຼັງ ອາຄານ 2 ຊັ້ນ, ເຮືອນຄົວພະນັກງານ 1 ຫຼັງ ອາ ຄານຊັ້ນດຽວ, ສະໂມສອນ 1 ຫຼັງ ເປັນອາຄານຊັ້ນດຽວ, ຕຶກອໍາ ນວຍການ 1 ຫຼັງ ອາຄານ 3 ຊັ້ນ, ຕຶກຮຽນ 1 ຫຼັງ ອາຄານ 3 ຊັ້ນ, ເຮືອນຄົວລວມ 1 ຫຼັງ ອາຄານ ຊັ້ນດຽວ, ເຊິ່ງມີລະບົບໄຟຟ້າ ແລະ ນໍ້າບາດານນໍາໃຊ້ສະດວກດີ.
ມາ ຮອດປັດຈຸບັນນີ້, ໂຄງການກໍ່ສ້າງ ດັ່ງກ່າວໄດ້ສໍາເລັດ 31% ແລ້ວ, ໂອກາດນີ້, ທ່ານເຈົ້າແຂວງໄດ້ ຊີ້ນໍາຕໍ່ຜູ້ຮັບເໝົາກໍ່ສ້າງ ແລະ ພາກສ່ວນທີ່ກ່ຽວຂ້ອງ ຈົ່ງພ້ອມ ກັນເອົາໃຈໃສ່ສືບຕໍ່ແຕ່ລະໜ້າ ວຽກການກໍ່ສ້າງໃຫ້ມີປະສິດ ທິພາບ, ຄຸນນະພາບສູງນໍາໃຊ້ໄດ້ ຍາວນານ ແລະ ສຳເລັດຕາມແຜນ ການ. ໂດຍ: ມະລິ ສຸພັນທອນ
